ନୂଆଦିଲ୍ଲୀ,୧୬/୦୪; ମହିଳା ସଂରକ୍ଷଣ ଆଇନରେ ସଂଶୋଧନ ବିଚାର ଏବଂ ପାସ କରିବା ପାଇଁ ସଂସଦର ୩ ଦିନିଆ ସ୍ୱତନ୍ତ୍ର ଅଧିବେଶନର ପ୍ରଥମ ଦିନରେ ଗୁରୁବାର ଦିନ କେନ୍ଦ୍ର ସରକାର ୩ଟି ବିଲ୍ ଆଗତ କରିଛନ୍ତି । କଂଗ୍ରେସ ଏବଂ ସମାଜବାଦୀ ପାର୍ଟି ସମେତ ଅନେକ ବିରୋଧୀ ଦଳ ଏହି ବିଲ୍ ଗୁଡ଼ିକୁ ବିରୋଧ କରିଥିଲେ । ପ୍ରସ୍ତାବଗୁଡ଼ିକର ସମର୍ଥନରେ ଭୋଟ୍ ପରେ, ଗୃହ ଏହାର ଆଲୋଚନା ଜାରି ରହିଛି । କଂଗ୍ରେସ ସାଂସଦ କେ.ସି. ବେଣୁଗୋପାଳଙ୍କ ବିରୋଧର ଜବାବରେ, ଗୃହମନ୍ତ୍ରୀ ଅମିତ ଶାହ କହିଥିଲେ ଯେ, ସେ ବିଲ୍ଗୁଡ଼ିକର ଯୋଗ୍ୟତା ଉପରେ କହିପାରିବେ ନାହିଁ । ମହିଳା ସଂରକ୍ଷଣ ବିଲକୁ ନେଇ ତର୍କ ବିତର୍କ ଚାଲିଛି । ସମାଜବାଦୀ ପାର୍ଟି ସାଂସଦ ଅଖିଳେଶ ଯାଦବ ଓବିସି ସମ୍ପ୍ରଦାୟର ମହିଳା ଏବଂ ମୁସଲିମ ମହିଳାଙ୍କ କାହିଁକି ପୃଥକ ବ୍ୟବସ୍ଥା ଦାବି କରିଛନ୍ତି । ସଂରକ୍ଷଣରେ କୌଣସି ବ୍ୟବସ୍ଥା କାହିଁକି ନାହିଁ ବୋଲି ପଚାରିଛନ୍ତି । ଗୃହମନ୍ତ୍ରୀ ଅମିତ ଶାହ ସିଧାସଳଖ ଜବାବ ଦେଇଛନ୍ତି । ସେ କହିଛନ୍ତି ସମ୍ବିଧାନରେ ଧର୍ମ ଆଧାରରେ ସଂରକ୍ଷଣର କୌଣସି ଉଲ୍ଲେଖ ନାହିଁ ।
ଅମିତ ଶାହ ସ୍ପଷ୍ଟ ଭାବେ କହିଛନ୍ତି କି, ସରକାର ମୁସଲମାନଙ୍କ ପାଇଁ ସଂରକ୍ଷଣ ପାଇଁ କୌଣସି ପ୍ରସ୍ତାବ ଗ୍ରହଣ କରିବେ ନାହିଁ । ଏହା ସମ୍ବିଧାନ ବିରୋଧରେ । ସମାଜବାଦୀ ପାର୍ଟି ଯଦି ଚାହେଁ ସେ ତାର ସମସ୍ତ ଟିକେଟ୍ ମୁସଲିମ ମହିଳାଙ୍କୁ ଦେ ଦେଉ ଆମର କିଛି ଆପତ୍ତି ନାହିଁ ।'' ଅଖିଳେଶ ଯାଦବ ମଧ୍ୟ ଜରୁରୀତା ଉପରେ ପ୍ରଶ୍ନ ଉଠାଇଥିଲେ । ସେ କହିଥିଲେ ଯେ ୨୦୨୬ ଜନଗଣନା କରାଯିବ ଉଚିତ୍ ଏବଂ ଜାତିଗତ ତଥ୍ୟ ଉପଲବ୍ଧ ହେବା ଉଚିତ୍ ତା ପରେ ଏହା ନିଷ୍ପତ୍ତି ନିଆଯିବ । ଅମିତ୍ ଶାହ ଏହାର ପ୍ରତିବାଦ କରି କହିଥିଲେ ଯେ, ସମାଜବାଦୀ ପାର୍ଟିର ନିଜସ୍ୱ ଇଚ୍ଛା ଥାଏ ତେବେ ଏହା ତାର ପରିବାରର ଜାତି ମଧ୍ୟ କରି ଦେବ ।
ଏହା ବି ପଢନ୍ତୁ...Delimitation; ସୀମା ନିର୍ଦ୍ଧାରଣକୁ ନେଇ ଯୁଦ୍ଧ କାହିଁକି ? ବିରୋଧ ଭିତରେ କିପରି ବିଲ୍ ପାରିତ କରିବେ ସରକାର
ମୁସଲିମ ମହିଳାମାନେ କ’ଣ ଜନସଂଖ୍ୟାର ଅଧା ନୁହଁନ୍ତି ? ପୂର୍ବରୁ, ଅଖିଳେଶ ଯାଦବ ମୁସଲିମ ମହିଳାଙ୍କ ପାଇଁ ସଂରକ୍ଷଣ ବିଷୟରେ ଆଲୋଚନା କରିବା ସମୟରେ ପ୍ରଶ୍ନ କରିଥିଲେ ଯେ ସରକାର କାହିଁକି ବିଲ୍ ଆଣିବାକୁ ଶୀଘ୍ର କରୁଛନ୍ତି । ମନ୍ତ୍ରୀ ଧର୍ମର କଥା କହିଥାଇପାରନ୍ତି, କିନ୍ତୁ ସମଗ୍ର ଦେଶ ଜନସଂଖ୍ୟାର ଅଧା ପାଇଁ ସଂରକ୍ଷଣ ଚାହୁଁଛି । କ'ଣ ମୁସଲିମ ମହିଳାମାନେ ସେହି ଅଧା ନୁହଁନ୍ତି ? ସେ ଏହା ମଧ୍ୟ ପ୍ରଶ୍ନ କରିଥିଲେ ଯେ, ଜନଗଣନା ପୂର୍ବରୁ ବିଲ୍ କାହିଁକି ଆଗତ କରାଯାଉଛି ।
ଲୋକସଭାରେ ଅଖିଳେଶଙ୍କ ବିବୃତ୍ତିର ଜବାବରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହ କହିଛନ୍ତି, "ସମାଜବାଦୀ ପାର୍ଟି ଏହାର ସମସ୍ତ ଆସନ ମୁସଲିମ ଜନସଂଖ୍ୟାର ଅଧା ଲୋକଙ୍କୁ ଦେବା ଉଚିତ୍। ଏଥିରେ ଆମର କୌଣସି ଆପତ୍ତି ନାହିଁ । ମୁଁ ସମଗ୍ର ଦେଶକୁ କହିବାକୁ ଚାହୁଁଛି ଯେ ଜନଗଣନା ପ୍ରକ୍ରିୟା ଆରମ୍ଭ ହୋଇସାରିଛି । ସରକାର ଜାତିଗତ ଜନଗଣନା କରିବାକୁ ମଧ୍ୟ ନିଷ୍ପତ୍ତି ନେଇଛି ଏବଂ ଜାତିଗତ ତଥ୍ୟ ସହିତ ଗଣନା କରାଯାଉଛି । ଯଦି ସମାଜବାଦୀ ପାର୍ଟି ଇଚ୍ଛା କରେ ସେମାନେ ଘରଗୁଡ଼ିକର ମଧ୍ୟ ଜାତି କରି ଦେଇଥାନ୍ତେ । ଧର୍ମେନ୍ଦ୍ର ଯାଦବ ମୁସଲିମ ମହିଳାଙ୍କୁ ସଂରକ୍ଷଣ ଦେବା ବିଷୟରେ କହିଥିଲେ । ଏହା ଅସାମ୍ବିଧାନିକ । ଧର୍ମ ଆଧାରିତ ସଂରକ୍ଷଣ ଅସାମ୍ବିଧାନିକ। " ସେହିପରି କିରଣ ରିଜିଜୁ କହିଛନ୍ତି, ସଂରକ୍ଷଣ ବାବଦରେ ଦେଶର ମହିଳାଙ୍କ ବିଷୟରେ କୁହାଯାଉ କେବଳ ମସୁଲିମ ମହିଲାଙ୍କ ବିଷୟରେ କାହିଁକି କୁହାଯାଉଛି ।
