ସଇଁତଳା, ୨୨।୬ (ଆପ୍ର): ସଇଁତଳା ସ୍ଥିତ କଲ୍ୟାଣ ମଣ୍ଡପରେ ଭାରତୀୟ କିଷାନ ସଂଘର ବ୍ଲକ ସମ୍ମିଳନୀ ଅନୁଷ୍ଠିତ ହୋଇଯାଇଛି । ଏଥିରେ କିସାନ ସଂଘ ରାଜ୍ୟ ସମ୍ପାଦକ ମୋହନ ଚରଣ ନାଏକ ମୁଖ୍ୟ ଅତିଥି, ଜିଲ୍ଲା ସଭାପତି ଡ଼ା. ଶଶିଭୂଷଣ ସାହୁ, ଜିଲ୍ଲା ସମ୍ପାଦକ ଚନ୍ଦ୍ରଭାନୁ ପଧାନ ସମ୍ମାନିତ ଅତିଥି ଭାବେ ଯୋଗଦେଇଥିଲେ। ଭାରତୀୟ କିସାନ ସଂଘର ବାରମ୍ବାର ଦାବି ଫଳରେ ଦେଓଗାଁ ଚିନି କଳ ପୁନଃ ଚାଲୁ ନେଇ ରାଜ୍ୟ ସରକାର ନିଷ୍ପତ୍ତି ନେଲେ ବୋଲି ଅତିଥିଗଣ ମତ ଦେଇଥିଲେ ।
ଏହି ଅବସରରେ ନୂତନ ଭାବେ ବ୍ଲକ କମିଟି ଗଠନ କରାଯାଇଥିଲା । ଏଥିରେ ସୁଧୀର ପଣ୍ଡା ବ୍ଲକ ସଭାପତି, ବିଦୁର କରନ, ନିଧି ରଣା ଉପସଭାପତି, ତ୍ରିଲକ୍ଷ ସାହୁ ସମ୍ପାଦକ, ସନ୍ତୋଷ କୁମାର ଭୋଇ ସହ ସମ୍ପାଦକ, ତୁଳସି ପ୍ରସାଦ ସାହୁ କୋଷାଧକ୍ଷ, ସଞ୍ଜୟ ମଲ୍ଲିକ ଯୁବା ପ୍ରମୁଖ, ଭାବଗ୍ରାହୀ ମେଶ୍ୱା ଜୈବିକ ପ୍ରମୁଖ ମନୋନୀତ ହୋଇଥିଲେ । ସଦସ୍ୟ ଭାବେ ରାମେଶ୍ବର ସାହୁ, ଉମେଶ ଭୋଇ, ରଞ୍ଜିତ ସିଂ ବାବୁ, ତପିମଣି ସାହୁ, ଜଳନ୍ଧର ଦାସ, ଭୂପେନ୍ଦ୍ର ବାଗ, ଗିରିଧାରୀ ସାହୁ, ରତ୍ନା ସୁନା, ଦିଲ୍ଲୀପ ରଣା, ଗୌର ବୁଡ଼େକ, ଲବ ପଧାନ, ରଞ୍ଜନ ମହାକୁର, ପ୍ରଶାନ୍ତ ମେହେର, କୈଳାସ ବନଛୋରଙ୍କୁ ମନୋନୀତ କରାଯାଇଥିଲା । ଶେଷରେ ତୁଳସୀ ପ୍ରସାଦ ସାହୁ ଧନ୍ୟବାଦ ଅର୍ପଣ କରିଥିଲେ ।
