ନୂଆଦିଲ୍ଲୀ,୨୫/୦୭: ଷ୍ଟାରପ୍ଲସ୍ ଟିଭି ସିରଏଲ ''କ୍ୟୁଙ୍କି ସାସ୍ ଭି କଭି ବୋହୂ ଥି'' ମାଧ୍ୟମରେ ଘରେ ଘରେ ପରିଚିତ ହୋଇଥିବା ଅଭିନେତ୍ରୀ ଅପରା ମେହେତା ଟିଭି ଇଣ୍ଡଷ୍ଟ୍ରୀର ଜଣେ ଜଣାଶୁଣା ଚେହେରା । ସେ ତାଙ୍କ କ୍ୟାରିଅରରେ ଯଥେଷ୍ଟ ସଫଳତା ହାସଲ କରିଛନ୍ତି । କିନ୍ତୁ ତାଙ୍କ ବ୍ୟକ୍ତିଗତ ଜୀବନରେ ଅନେକ ଉତ୍ଥାନ-ପତନ ଆସିଛି । ୨୩ ବର୍ଷର ବିବାହ ପରେ ତାଙ୍କ ସ୍ୱାମୀ ଦର୍ଶନ ଜରିୱାଲା ତାଙ୍କ ସହିତ ସମ୍ପର୍କ ଭାଙ୍ଗି ଦେଇଥିଲେ । ଅଭିନେତ୍ରୀ ଏବେ ଏକାକୀ ଜୀବନ ବିତାଉଛନ୍ତି । କେବେ ବି ଦ୍ୱିତୀୟ ବିବାହ କରିବାକୁ ଚାହିଁନଥିଲେ ।
ଏକ ସାକ୍ଷତକାରରେ ଅପରା ମେହେତା ତାଙ୍କ ବିବାହ ଏବଂ ବ୍ୟକ୍ତିଗତ ଜୀବନ ବିଷୟରେ ଅନେକ କଥା କହିଛନ୍ତି । ୧୯୮୦ ମସିହାରେ ଅଭିନେତା ଦର୍ଶନ ଜରିୱାଲାଙ୍କୁ ବିବାହ କରିଥିଲେ । ଏହି ବିବାହକୁ ଦମ୍ପତିଙ୍କର ଏକ ଝିଅ ଅଛି । ୨୦୦୩ ମସିହାରେ, ୨୩ ବର୍ଷର ବିବାହ ପରେ, ଦର୍ଶନ ହଠାତ୍ ଅପରାଙ୍କଠାରୁ ଅଲଗା ହେବାକୁ ଘୋଷଣା କଲେ ଏବଂ ଘର ଛାଡିଦେଲେ । ସେମାନଙ୍କର ଛାଡପତ୍ର ହୋଇନାହିଁ । ସେମାନେ କେବଳ ଅଲଗା ରହୁଛନ୍ତି । ତାଙ୍କ ସ୍ୱାମୀ ତାଙ୍କୁ ଛାଡିବା ପରେ ସେ କାହିଁକି ପୁନଃବିବାହ କରିନଥିଲେ ପ୍ରଶ୍ନରେ ନିଜର ମତାମତ ଦେଇ ଅପରା କହିଛନ୍ତି, "ଛାଡ଼ପତ୍ର ବହୁତ ଥରେ ଘଟେ । ସେଥିପାଇଁ ମୁଁ କହୁଛି ଯେ ତୁରନ୍ତ ପୁନଃବିବାହ କରିବା ଉଚିତ୍ ନୁହେଁ । ପ୍ରେମ ହିଁ ଗୁରୁତ୍ୱପୂର୍ଣ୍ଣ । ଯେପରି ଜଣେ ପୁରୁଷ ପ୍ରେମ ପାଇପାରେ, ସେହିପରି ଜଣେ ମହିଳା ବି ପ୍ରେମ ପାଇପାରିବେ ।''
ଏହା ବି ପଢନ୍ତୁ...Viral News : ସ୍ତ୍ରୀଙ୍କୁ ଡାଇରେକ୍ଟରଙ୍କ ସହ ଶାରିରୀକ ସମ୍ପର୍କ ରଖିବାକୁ ବାଧ୍ୟ କରୁଥିଲେ ଅମିର ଖାନଙ୍କ ସାବତ ଭାଇ, ମନା କଲେ...
ବ୍ୟକ୍ତିଗତ ଜୀବନକୁ ନେଇ ଅପରା ଆହୁରି କହିଛନ୍ତି, ତୁମେ ଦୂରତା ବଜାୟ ରଖି କାହା ସହିତ ସମ୍ପର୍କ ରଖିପାରିବ । ସେଥିପାଇଁ ମୁଁ ଲୋକମାନଙ୍କୁ ତୁରନ୍ତ ପୁନଃବିବାହ ନ କରିବାକୁ କୁହେ । ଯଦି କିଛି ସମ୍ପର୍କ ବିଫଳ ହେଲା କଣ ଗ୍ୟାରେଣ୍ଟି ଅଛି ଦ୍ୱିତୀୟ ଥର ବି ସଫଳ ହେବ । ସର୍ବପରି, ଯେତେବେଳ ତୁମେ କାହା ସହିତ କିଛି ବର୍ଷ ବିତାଇଛ, ତୁମେ ଅନ୍ୟ କାହା ସହିତ କିପରି ରହିପାରିବ ? "
ଏହା ବି ପଢନ୍ତୁ...Jennifer winget: ୪୧ ବର୍ଷରେ ଦ୍ୱିତୀୟ ବିବାହ କଲେ ଜେନିଫର ୱିଙ୍ଗେଟ୍, ଝିଅକୁ ବିଦା କରି କାନ୍ଦିଲେ ବାପା
ଏବେ ବି ସ୍ୱାମୀଙ୍କ ଅପେକ୍ଷାରେ ଅପରା- ଅପରା ବୁଝାଇଲେ ଯେ ତାଙ୍କ ସ୍ୱାମୀ ଦିନେ ଅପ୍ରତ୍ୟାଶିତ ଭାବରେ ଘରୁ ଚାଲିଗଲେ। କିନ୍ତୁ ଆଜି ମଧ୍ୟ, ଘରର ଦ୍ୱାର ତାଙ୍କ ପାଇଁ ଖୋଲା ଅଛି । ସେ ଫେରିପାରିବେ। କିନ୍ତୁ ସେ ଏହା ମଧ୍ୟ ବୁଝି ସାରିଛନ୍ତି ସେ କେବେ ବି ଫେରିବେ ନାହିଁ । ସ୍ୱାମୀ ତାଙ୍କୁ ଛାଡି ଚାଲିଯିବା ପରେ ଅପରା ଏକାକୀ ତାଙ୍କ ଝିଅକୁ ବଡ଼ କରିଛନ୍ତି । ତାଙ୍କ ଅଭିନୟ କ୍ୟାରିୟରକୁ ଆଗକୁ ନେଇଛନ୍ତି । ସ୍ୱାମୀଙ୍କଠାରୁ ଅଲଗା ହେବା ପରେ ବି ଶାଶୂଙ୍କ ସହିତ ତାଙ୍କର ଭଲ ସମ୍ପର୍କ ରହିଛି ।
