ନୂଆଦିଲ୍ଲୀ ୨୧/୦୮: ଆସାମରେ ୧୮ ବର୍ଷରୁ ଊଦ୍ଧ୍ୱର୍ ବୟସର ଲୋକଙ୍କ ପାଇଁ ଆଧାର କାର୍ଡ ବନାଯିବନି । ମୁଖ୍ୟମନ୍ତ୍ରୀ ହିମନ୍ତ ବିଶ୍ୱଶର୍ମା ଗୁରୁବାର ଏହି ସୂଚନା ଦେଇଛନ୍ତି । ଅବୈଧ ପ୍ରବାସୀଙ୍କୁ ଭାରତୀୟ ନାଗରିକତା ପାଇବାରେ ରୋକିବା ଲାଗି ଆସାମ କ୍ୟାବିନେଟ ଏହି ନିଷ୍ପତ୍ତି ନେଇଥିବା ସେ କହିଛନ୍ତି ।
ମୁଖ୍ୟମନ୍ତ୍ରୀ କହିଛନ୍ତି, ଆସାମରେ ୧୮ ବର୍ଷରୁ ଊଦ୍ଧ୍ୱର୍ ଯେଉଁ ନାଗରିକଙ୍କର ପାଖରେ ଏବେ ଯାଏ ଆଧାର କାର୍ଡ ନାହିଁ ସେମାନଙ୍କୁ ଆବେଦନ ଲାଗି ସମୟ ଦିଆଯିବ । ଅନୁସୂଚିତ ଜାତି(ଏସ୍ସି), ଅନୁସୂଚିତ ଜନଜାତି(ଏସ୍ଟି) ବର୍ଗର ୧୮ ବର୍ଷରୁ ଊଦ୍ଧ୍ୱର୍ ଲୋକ ୧ ବର୍ଷ ଭିତରେ ସେମାନଙ୍କ ଆଧାର କାର୍ଡ ବନାଇପାରିବେ । ଆଧାର କାର୍ଡ ଉପରେ ରୋକ ଦ୍ୱାରା ନାଗରିକଙ୍କ ଠିକ୍ ଭାବେ ଚିହ୍ନଟ ସୁନିଶ୍ଚିତ ହେବ। ଏହି ପଦକ୍ଷେପ ଗତ ୧ ବର୍ଷରେ ବାଂଲାଦେଶରୁ ଅବୈଧ ପ୍ରବେଶ ଉପରେ ଥିବା ଚିନ୍ତା ଦୂର କରିବା ଲାଗି ନିଆଯାଇଛି ।
ହିମନ୍ତ ଆହୁରି କହିଛନ୍ତି, ଆସାମରେ କେତେକ ବିଶେଷ ବର୍ଗଙ୍କୁ ଛାଡ଼ି ଅନ୍ୟ ସମସ୍ତଙ୍କୁ ଆଧାର କାର୍ଡ ମିଳିସାରିଛି । ଏବେ ନୂଆ ଆଧାର କାର୍ଡ କେବଳ ଡେପୁଟି କମିଶନର କେତେକ ସ୍ୱତନ୍ତ୍ର ମାମଲାରେ ହିଁ ଜାରି କରିବେ, ଯାହା ଫଳରେ ଅବୈଧ ଅନୁପ୍ରବେଶକାରୀଙ୍କ ତରଫରୁ ଆସୁଥିବା ଆବେଦନ ଉପରେ କଡ଼ା ନଜର ରଖାଯାଇପାରିବ । ଏହା ସୁନିଶ୍ଚିତ କରିବାକୁ ପଡ଼ିବ ଯେ ଯେପରି କୌଣସି ଅବୈଧ ବିଦେଶୀ ନାଗରିକ ଆସାମରେ ଆଧାର କାର୍ଡ ବନାଇ ନ ପାରିବେ ଏବଂ ନିଜକୁ ଭାରତର ନାଗରିକ ଭାବେ ପ୍ରମାଣ କରି ନ ପାରିବେ ।
