ନୂଆଦିଲ୍ଲୀ,୦୯/୦୬: ଇତିହାସ ରଚିବ ଭାରତ । ପୁଣି ଥିରେ ମହାକାଶରେ ତ୍ରିରଙ୍ଗା ଉଡ଼ାଇବାକୁ ପ୍ରସ୍ତୁତ ହେଉଛି ଭାରତ । ଏଥର ଏହି ଗୌରବର ବାହକ ହେବେ ଭାରତୀୟ ମହାକାଶ ଗବେଷଣା ପ୍ରତିଷ୍ଠାନ (ଇସ୍ରୋ) ମହାକାଶଚାରୀ ଶୁଭାଂଶୁ ଶୁକ୍ଳା । କ'ଣ ମିଶନ୍ ଆକ୍ସିଓମ୍ -୪ ଯାହା ଅନ୍ତର୍ଜାତୀୟ ମହାକାଶ ଷ୍ଟେସନକୁ ଉଡ଼ାଣ ଭରିବ । ମିଶନ୍ ଆକ୍ସିଓମ୍ -୪ ପରିଚାଳନା ଭାର ଶୁଭାଂଶୁଙ୍କ ହାତରେ ରହିବ ।
Falcon 9 and Dragon rolled out to pad 39A in Florida earlier today ahead of Tuesday’s launch of @Axiom_Space’s Ax-4 mission to the @Space_Station pic.twitter.com/IenCNUSYFQ
— SpaceX (@SpaceX) June 7, 2025
୪ ଦେଶ,ଏକ ମିଶନ୍- ଆକ୍ସିଓମ୍ ସ୍ପେସ୍ର ଚତୁର୍ଥ ମହାକାଶ ମିସନ୍ (Ax-4) ଭାରତୀୟ ସମୟ ଅନୁସାରେ ମଙ୍ଗଳବାର ସକାଳ ୬ଟା ୧୨ ମିନିଟରେ ଆରମ୍ଭ ହେବ । ଆକ୍ସିଓମ୍-୪ ମିଶନ୍ ମହାକାଶଚାରୀ ନାସାର କେନେଡି ସ୍ପେସ୍ ସେଣ୍ଟରରେ ଏଲସି-୩୯ଏରୁ ସ୍ପେସଏକ୍ସ ଡ୍ରାଗନ ମହାକାଶ ଯାନରେ ଅନ୍ତର୍ଜାତୀୟ ମହାକାଶ ଷ୍ଟେସନକୁ ଉଡାଣ ଭରିବେ । ଏ ନେଇ ସମସ୍ତ ପ୍ରସ୍ତୁତି ଶେଷ ହୋଇଛି । ଏହି ମିଶନ୍ରେ ଆମେରିକା, ଭାରତ, ପୋଲାଣ୍ଡ ଏବଂ ହେଙ୍ଗେରୀର ୪ ଜଣ ମହାକାଶଚାରୀଙ୍କୁ ୧୪ ଦିନିଆ ଡକିଂ ଅଭିଯାନ ପାଇଁ ପୃଥିବୀର ନିମ୍ନ କକ୍ଷପଥକୁ ନେଇଯିବେ । ଏଥରେ ବିଭିନ୍ନ ପରୀକ୍ଷଣ କରାଯିବ ଯେଉଁଥିରେ ୭ଟିକୁ ଇସ୍ରୋ ସଫଳ କରିବ । ଆକ୍ସିଓମ୍-୪ ମିଶନ ଭାରତ,ପୋଲାଣ୍ଡ ଓ ହେଙ୍ଗେରୀ ପାଇଁ ମାନବ ମହାକାଶ ଯାନର ପ୍ରତ୍ୟାବର୍ତ୍ତନକୁ ସାକାର କରିବ । ଏଥିରେ ସବୁ ଦେଶର ୪୦ରୁ ଅଧିକ ବର୍ଷର ପ୍ରଥମ ମିଶନ ହେବ । ଏହା ଇତିହାସରେ ଦ୍ୱିତୀୟ ମାନବ ମହାକାଶ ମିଶନ ହେବ । ଏହା ପ୍ରଥମ ଥର ହେବ କି ଆଇଏସଏସରେ ଏହି ମିଶନ ସଫଳ ହେବ । ସମଗ୍ର ବିଶ୍ୱର ନଜର ଏହି ମିଶନ ଉପରେ ରହିଛି ।
ISRO କରିବ ୭ ମାଇକ୍ରୋଭିଟି ଗବେଷଣା- ଇସ୍ରୋ ଆଗାମୀ ଆକ୍ସିଓମ୍-୪ ମିଶନ ଜରିଆରେ ୭ଟି ମାଇକ୍ରୋଭିଟିର ଅନୁସନ୍ଧାନ କରିବ । ମାନବ ସ୍ବାସ୍ଥ୍ୟ, ଭୌତିକ ତଥା ଜୈବିକ ବିଜ୍ଞାନ, ପଦାର୍ଥ ଅନୁସନ୍ଧାନ, ଅଭିନବ ଔଷଧ ବିକାଶ ଏବଂ ଜୈବ ପ୍ରେୟୋଗିକ ପରି ବିଭିନ୍ନ କ୍ଷେତ୍ରରେ ଗବେଷଣା କରିବ ।
କିଏ ଶୁଭାଂଶୁ ଶୁକ୍ଳା ? ଭାରତୀୟ ବାୟୁସେନାର ଜଣେ ପ୍ରତିଷ୍ଠିତ ପାଇଲଟ ଶୁଭାଂଶୁ ଶୁକ୍ଳା । ଇସ୍ରୋର ଐତିହାସିକ ଗଗନଯାନ ମିଶନ ପାଇଁ ୪ଜଣ ମହାକାଶଚାରୀଙ୍କ ମଧ୍ୟରୁ ଜଣେ ଭାବେ ମନୋନୀତ ହୋଇଥିଲେ । ଲକ୍ଷ୍ନୌରେ ଜନ୍ମିତ ୩୯ ବର୍ଷୀୟ ଶୁଭାଂଶୁ ଶୁକ୍ଳା ୨୦୦୬ରେ ଭାରତୀୟ ବାୟୁସେନାରେ ସାମିଲ ହୋଇଥିଲେ । ସେ ୨୦୦ରୁ ଅଧିକ ଘଣ୍ଟାର ବିମାନ ଚଳାଇବାରେ ଅଭିଜ୍ଞତା ହାସଲ କରିଛନ୍ତି । ସୁଖୋଇ-୩୦ ଏମକେ ୧, ମିଗ୍-୨୧, ମିଗ୍-୨୯, ଜଗୁଆର, ହାକ ଏବଂ ଏଏନ-୩୨ ପରି ବିମାନ ଉଡାଇବା ସହ ପରୀକ୍ଷା କରିଛନ୍ତି । ୨୦୨୦ରେ ଇସ୍ରୋର ଗଗନଯାନ ମିଶନ ପାଇଁ ମନୋନୀତ ହୋଇଥିଲେ । ଭାରତର ପ୍ରଥମ ମହାକାଶଚାରୀ ରାକେଶ ଶର୍ମାଙ୍କ ବିଷୟରେ ବହିରେ ପଢି ତାଙ୍କୁ ପ୍ରେରଣା ବୋଲି ମାନନ୍ତି । ଆଇଏସ୍ଏସ୍ ଯିବାକୁ ଥିବା ପ୍ରଥମ ଭାରତୀୟ ହେଉଛନ୍ତି ଶୁଭାଂଶୁ । ତାଙ୍କ ପାଖରେ ୨୦୦ ଘଣ୍ଟାରୁ ଅଧିକ ଉଡ଼ାଣ ଭରିବାର ଅଭିଜ୍ଞତା ରହିଛି । ସେ ଆସନ୍ତାକାଲି ଉଡାଣ ଭରିବେ । ୨୮ ଘଣ୍ଟାର ଯାତ୍ରା ପରେ ୧୧ ତାରିଖ ରାତି ପ୍ରାୟ ୧୦ଟାରେ ପହଞ୍ଚିବେ ।
