ନୂଆଦିଲ୍ଲୀ,୩୦/୦୫: ଅଷ୍ଟ୍ରେଲିଆ ମହିଳା କ୍ରିକେଟ୍ ଦଳ ଆଗାମୀ ସେପ୍ଟେମ୍ବର ମାସରେ ଭାରତ ଗସ୍ତରେ ଆସି ଦିନିକିଆ ସିରିଜ ଖେଳିବ । ବିସିସିଆଇ ଏହି ସିରିଜ ପାଇଁ କ୍ରୀଡ଼ାସୂଚୀ ଘୋଷଣା କରିଛି । ଭାରତ ଓ ଅଷ୍ଟ୍ରେଲିଆ ମଧ୍ୟରେ ୩ଟି ଦିନିକିଆ (ସେପ୍ଟେମ୍ବର ୧୪, ୧୭, ୨୦ତାରିଖ) ଖେଳାଯିବ । ସମସ୍ତ ମ୍ୟାଚ୍ ଚେନ୍ନାଇର ଏମ୍ଏ ଚିଦାମ୍ବରମ ଷ୍ଟାଡିୟମରେ ଅନୁଷ୍ଠିତ ହେବ । ଏହି ସିରିଜ ଜରିଆରେ ଉଭୟ ଦଳ ଆଗାମୀ ଦିନିକିଆ ବିଶ୍ୱକପ୍ ପାଇଁ ପ୍ରସ୍ତୁତି କରିବେ । ଭାରତ ଦିନିକିଆ ବିଶ୍ୱକପ୍ ଆୟୋଜନ କରିବ । ଆଗାମୀ ସେପ୍ଟେମ୍ବର ୨୯ରୁ ବିଶ୍ୱକପ୍ ଆରମ୍ଭ ହୋଇ ଅକ୍ଟୋବର ୨୬ ତାରିଖ ଶେଷ ହେବ ।
ଭାରତ ଗସ୍ତରେ ଆସିବେ ଅଷ୍ଟ୍ରେଲିଆ, ଦ.ଆଫ୍ରିକା-ଏ ଦଳ ଭାରତ-ଏ’ ଦଳ
ସମ୍ପ୍ରତି ଇଂଲଣ୍ଡ ଗସ୍ତରେ ରହିଛି । ଦଳ ସେଠାରେ ୨ଟି ୪ଦିବସୀୟ ମ୍ୟାଚ୍ ଖେଳିବାର କାର୍ଯ୍ୟକ୍ରମ ରହିଛି । ଏହାପରେ ଏ’ ଦଳ ସିନିୟର ଦଳ ବିପକ୍ଷରେ ଗୋଟିଏ ୪ ଦିବସୀୟ ମ୍ୟାଚ୍ ଖେଳିବ । ଏହି ମ୍ୟାଚ୍ ଜରିଆରେ ସିନିୟର ଦଳ ଇଂଲଣ୍ଡ ବିପକ୍ଷ ସିରିଜ ପାଇଁ ପ୍ରସ୍ତୁତି କରିବ। ଏହାପରେ ଭାରତ-ଏ ଦଳ ସ୍ୱଦେଶ ଫେରି ଆସିବ । ଆଗାମୀ ସେପ୍ଟେମ୍ବରରୁ ନଭେମ୍ବର ମଧ୍ୟରେ ଏ’ ଦଳ ଭ୍ରମଣକାରୀ ଅଷ୍ଟ୍ରେଲିଆ-ଏ ଓ ଦକ୍ଷିଣ ଆଫ୍ରିକା-ଏ ଦଳ ବିପକ୍ଷରେ ଖେଳିବ ।
ଅଷ୍ଟ୍ରେଲିଆ-ଏ ଦଳ ପ୍ରଥମେ ଭାରତ ଗସ୍ତରେ ଆସି ୨ଟି ୪ଦିବସୀୟ ମ୍ୟାଚ୍ (ସେପ୍ଟେମ୍ବର ୧୬ରୁ ୨୩ ତାରିଖ) ଖେଳିବ । ଏହାପରେ ଉଭୟ ଦଳ ମଧ୍ୟରେ ୩ଟି ଦିନିକିଆ (ସେପ୍ଟେମ୍ବର ୩୦, ଅକ୍ଟୋବର ୩, ୫ତାରିଖ) ଖେଳାଯିବ । ଲକ୍ଷେ୍ନøରେ ୪ଦିବସୀୟ ଏବଂ କାନପୁରରେ ଦିନିକିଆ ମ୍ୟାଚ୍ ଅନୁଷ୍ଠିତ ହେବ ।
ସେହିପରି ଦକ୍ଷିଣ ଆଫ୍ରିକା-ଏ ଦଳ ନଭେମ୍ବରରେ ଭାରତ ଗସ୍ତରେ ଆସି ୨ଟି ୪ଦିବସୀୟ ମ୍ୟାଚ୍ (ନଭେମ୍ବର ୨ରୁ ୯ତାରିଖ) ଏବଂ ୩ଟି ଦିନିକିଆ (ନଭେମ୍ବର ୧୩, ୧୬, ୧୯) ଖେଳିବ । ବେଙ୍ଗାଲୁରୁରେ ଥିବା ବିସିସିଆଇର ସେଣ୍ଟର ଅଫ୍ ଏକ୍ସଲେନ୍ସ ଠାରେ ସମସ୍ତ ମ୍ୟାଚ୍ ଖେଳାଯିବ ।
