ମୁମ୍ବାଇ,୧୪/୦୩: ବଲିଉଡ଼ ଜଗତରୁ ସାମ୍ନାକୁ ଆସିଛି ଆଉ ଏକ ଦୁଃଖଦ ଖବର । ଆଉ ନାହାନ୍ତି ନିର୍ଦ୍ଦେଶକ ତଥା ଆୟାନ ମୁଖାର୍ଜୀଙ୍କ ପିତା ଦେବ ମୁଖାର୍ଜୀ । ବୟସାଧିକ କାରଣରୁ ସେ ଅନେକ ଦିନ ଧରି ଅସୁସ୍ଥ ଥିବା ବେଳେ ଆଜି ସକାଳେ ତାଙ୍କର ଦେହାନ୍ତ ହୋଇଛି । ମୃତ୍ୟୁ ବେଳକୁ ତାଙ୍କୁ ୮୩ ବର୍ଷ ବୟସ ହୋଇଥିଲା । ଆଜି ସନ୍ଧ୍ୟା ୪ ଟାରେ ମୁମ୍ବାଇର ଜୁହୁରେ ଥିବା ଶ୍ମଶାନ ଘାଟରେ ତାଙ୍କର ଅନ୍ତିମ ସଂସ୍କାର କରାଯିବ।
ଏହା ମଧ୍ୟ ପଢନ୍ତୁ- ‘ଦିୱାନୀୟତ୍’ରେ ସୋନମଙ୍କ ଏଣ୍ଟ୍ରି, ପ୍ରଥମ ଥର ପରଦାରେ ହର୍ଷବର୍ଦ୍ଧନଙ୍କ ସହ କରିବେ ରୋମାନ୍ସ
ତେବେ ଦେବ ମୁଖାର୍ଜୀ ଅଭିନେତ୍ରୀ କାଜୋଲଙ୍କର ସମ୍ପର୍କୀୟ ଥିଲେ । ଏଥିସହ ଲଗନ ଫିଲ୍ମ ଭଳି ଅନେକ ଫିଲ୍ମ ବନାଇଥିବା ଆଶୁତୋଷ ଗୋବରିକର ଦେବ ତାଙ୍କର ଜ୍ବାଇଁ ଥିଲେ । ଦେବ ମୁଖାର୍ଜୀ ଅନେକ ଫିଲ୍ମରେ ଅଭିନୟ କରିଛନ୍ତି । ଇଣ୍ଡଷ୍ଟ୍ରିରେ ଲୋକେ ତାଙ୍କୁ ଦେବୁ ଦା ନାମରେ ଜାଣନ୍ତି ।
୨ ମାର୍ଚ୍ଚକୁ ଦେବ ମୁଖାର୍ଜୀଙ୍କ ନାତି ଓ ଆଶୁତୋଷ ଗୋବରିକରଙ୍କ ପୁଅ ବିବାହ ବନ୍ଧନରେ ବାନ୍ଧି ହୋଇଛନ୍ତି । ଦେବ ମୁଖାର୍ଜୀଙ୍କ ସ୍ବାସ୍ଥ୍ୟବସ୍ଥା ଭଲ ନ ଥିବାରୁ ସେ ଏହି ବିବାହରେ ସାମିଲ ହୋଇପାରିନଥିଲେ । ଶାହରୁଖ ଖାନଙ୍କ ସମେତ ଅନେକ ସେଲିବ୍ରିଟି ଏଥିରେ ସାମିଲ ହୋଇଥିଲେ । ଦେବ ମୁଖାର୍ଜୀ 'ତୁ ହି ତୁ ମେରୀ ଜିନ୍ଦେଙ୍ଗୀ','ଆଶୁଂ ବନଗଏ ଫୁଲ', 'ବଧୁ' ସମେତ ଅନେକ ଫିଲ୍ମରେ କାମ କରିଛନ୍ତି । ପରଦାରେ ଲୋକେ ତାଙ୍କୁ ଦେଖିବାକୁ ବେଶ୍ ପସନ୍ଦ କରନ୍ତି ।
