ଜହ୍ନlପଙ୍କ, ୬/୭: ବୌଦ୍ଧ ବ୍ଲକ ଲକ୍ଷ୍ମୀପ୍ରସାଦ ଗ୍ରାମ ପଞ୍ଚାୟତର ଲୋକକଳା ଗ୍ରାମ ନାରାୟଣ ନଗର ଗ୍ରାମରେ ଶ୍ରୀ ଜଗନ୍ନାଥ, ବଳଭଦ୍ର ଓ ମା’ ସୁଭଦ୍ରାଙ୍କ ଦୁଇ ଦିନିଆ ବାହୁଡା଼ ଯାତ୍ରା ସମ୍ପନ୍ନ ହୋଇ ଯାଇଛି।  ଶନିବାର ମାଉସୀ ମା’  ମନ୍ଦିରରୁ ତିନି ଠାକୁରଙ୍କୁ ପୂଜକ ଅଜିତ ପାଣିଗ୍ରାହୀ ନୀତି କାନ୍ତି ଭାବେ ପୂଜାର୍ଚନା ପରେ ସେବାୟତମାନେ ପହଣ୍ଡିରେ ନେଇ ରଥାରୁଢ଼ କରିଥିଲେ। ଏହା ପରେ ରଥ ଟଣା ହୋଇ ସାହୁ ଗଳିରେ ରଥ ଅଟକିଥିଲା। ରାତି ସାରା ତିନି ଠାକୁର ରଥରେ ରହିଥିଲେ।

 ରବିବାର ପୂଜକ ଶ୍ରୀ ପାଣିଗ୍ରାହୀ ରଥରେ ତିନି ଠାକୁର ଙ୍କୁ ପୂଜାର୍ଚନା କରି ଭୋଗ ଲାଗି କରିଥିଲେ। ଅପରାହ୍ନରେ ରଥ ଟଣା ହୋଇ ଥିଲା। ଏହି ଅବସରରେ  ବିଭିନ୍ନ ସଂକୀର୍ତ୍ତନ ଓ କୃଷ୍ଣ ଗୁରୁ ଦଳ ଶ୍ରୀ ଜଗନ୍ନାଥଙ୍କ ଭଜନ କୀର୍ତ୍ତନ କରି ବାହୁଡା଼ ଯାତ୍ରା ରେ ସାମିଲ ହୋଇଥିଲେ ।ରଥ ବଡଦାଣ୍ଡରେ ଲାଗିଲା ପରେ ତିନି ଠାକୁରଙ୍କୁ ରଥରୁ ପହଣ୍ଡି କରି ମନ୍ଦିର ମଧ୍ୟରେ ପ୍ରବେଶ କରାଯାଇଥିଲା। 

ସୁରେଶ ପଣ୍ଡା, ଜିତେନ୍ଦ୍ର ହୋତା, ଶିବାନନ୍ଦ ମିଶ୍ର, ସନ୍ତୋଷ ହୋତା, ରିକୁ ପାଣିଗ୍ରାହୀ, ସାର୍ଥକ ପାଣିଗ୍ରାହୀ,ରିଷି ପଣ୍ଡା, ପଞ୍ଚାନନ ମିଶ୍ର, ବବୁନ ପାଣିଗ୍ରାହୀ, ପପୁନ ପାଣିଗ୍ରାହୀ, ବିଧୁଭୂଷଣ ପଣ୍ଡା,ଟୁକୁନା ପଣ୍ଡା, ଲିକୁନ ପୁରୋହିତ, ସୁଧାଂଶୁ ଶେଖର ମିଶ୍ର ପ୍ରମୁଖ ଠାକୁରଙ୍କ ବାହୁଡା଼ ଯାତ୍ରାରେ ସହଯୋଗ କରିଥିଲେ।ଏହା ପରେ ଅଞ୍ଚଳର ପରମ୍ପରା ଅନୁଯାୟୀ ଛୋଟ ଛୁଆ ମାନଙ୍କୁ ରଥ ଛୁଆଁ ପର୍ବ ଆରମ୍ଭ ହୋଇଥିଲା। ଆଜି ଠାକୁର ମାନଙ୍କ  ବାହୁଡା଼ ଯାତ୍ରା ଦେଖିବା ପାଇଁ ବିଭିନ୍ନ ଅଞ୍ଚଳର ହଜାର ହଜାର ଶ୍ରଦ୍ଧାଳୁଙ୍କ ସମାଗମ ଦେଖିବାକୁ ମିଳିଥିଲା।ନାରାୟଣ ନଗର ଗ୍ରାମବାସୀ, ଗଣେଶ ପୂଜା କମିଟି,ଗ୍ରାମ୍ୟ ଶାନ୍ତି କମିଟି, ଏବିଭିପିର ସ୍ବେଛାସେବୀମାନେ ଏଥିରେ ସହଯୋଗ କରିଥିଲେ।