ନୂଆଦିଲ୍ଲୀ ୨୪/୦୭: ଦିଲ୍ଲୀ ଏମ୍ସରେ ଚିିକିତ୍ସତ ହେଉଛନ୍ତି ବଳାଙ୍ଗା ପୀଡ଼ିତା। ପୂର୍ବରୁ ପୀଡ଼ିତାଙ୍କ ସ୍କିନ୍ ଟ୍ରାନ୍ସପ୍ଳାଣ୍ଟ ସରିଥିବା ବେଳେ ଆଜି ସ୍କିନ୍ ଗ୍ରାଫଟିଙ୍ଗ କରାଯାଉଛି। ୭ ଜଣିଆ ଡାକ୍ତରୀ ଟିମ୍ ସର୍ଜରୀ କରୁଛନ୍ତି । ସ୍କିନ୍ ଗ୍ରାଫଟିଙ୍ଗ ଅପରେସନ୍ ୫ରୁ ୬ ଘଣ୍ଟା ଲାଗିବ ବୋଲି ସୂଚନା ମିଳିଛି । ଡ଼.ମୀନଷ ସିଂଘାଲଙ୍କ ତତ୍ତ୍ବାବଧାନରେ ଅପରେସନ ଚାଲିଛି।
ଅନ୍ୟପରେ ଦିଲ୍ଲୀ ଏମ୍ସରେ ବଳଙ୍ଗା ପୀଡ଼ିତାଙ୍କ ପାଖରେ ପହଞ୍ଚିଲା କ୍ରାଇମବ୍ରାଞ୍ଚ ଟିମ୍। ପୀଡ଼ିତାଙ୍କ ବାପା ଓ ଭାଇ ସେଠାରେ ଥିବାରୁ ପଚରାଉଚରା କରିପାରନ୍ତି। ଏପର୍ଯ୍ୟନ୍ତ ଘଟଣାରେ କେଉଁମାନେ ସମ୍ପୃକ୍ତ ତାହା ସ୍ପଷ୍ଟ ହୋଇପାରିନି। କିଏ ଓ କେଉଁ ପରିସ୍ଥିତିରେ ନିଆଁ ଲଗାଇଲା,ତାକୁ ନେଇ ମଧ୍ୟ ତଦନ୍ତ କରୁଛି କ୍ରାଇମବ୍ରାଞ୍ଚ ଟିମ୍ । ପୀଡ଼ିତାଙ୍କ ସ୍ବାସ୍ଥବସ୍ଥା ଠିକ୍ ହେବା ପରେ ପୁଣି ବୟାନ ରେର୍ଡକ କରାଯିବ ବୋଲି ସୂଚନା ମିଳିଛି ।
