ନୂଆଦିଲ୍ଲୀ,୦୮/୦୫: ପାକିସ୍ତାନର ଶନି ଦଶା ପଡିଛି । ଭାରତ ପହଲଗାମ ପ୍ରତିଶୋଧ ନେବା ପରେ ପାକିସ୍ତାନ ଉପରେ ବେଲୁଚି ବିଦ୍ରୋହୀ ହମଲା କରିଛନ୍ତି । ଗତ ୨୪ ଘଣ୍ଟାରେ ପାକ୍ ସେନା ଉପରେ ଦୁଇ ଥର ବଡ଼ ଧରଣର ହମଲା ହୋଇଛି । ପାକ୍ ସେନା ଗାଡ଼ିକୁ ଆଇଡି ବ୍ଲାଷ୍ଟରେ ଉଡ଼ାଇ ଦେଇଛି ବେଲୁଚି ବିଦ୍ରୋହୀ । ଏଥିରେ ୧୨ ପାକିସ୍ତାନୀ ସେନାଙ୍କ ମୃତ୍ୟୁ ହୋଇଥିବା ଦାବି ହୋଇଛି ।
ଏହି ଆଟାକ ମାଛକାଚ୍ଛିରେ ହୋଇଥିବା ଜଣାପଡିଇଛି । ବେଲୁଚି ଲିବରେସନ ଆର୍ମି ସ୍ପେଶାଲ ଟେକ୍ଟିକାଲ ଆପରେସନ ସ୍କ୍ୱାର୍ଡ ପାକିସ୍ତାନ ସେନା ଗାଡ଼ିକୁ ଟାର୍ଗେଟ କରିଛନ୍ତି । ପାକ୍ ସେନା ଗାଡ଼ିକୁ ରିମୋଟରେ ଉଡାଇ ଦେଇଛନ୍ତି । ଏହି ହମଲା ସେହି ସମୟରେ ହୋଇଛି ଯେବେ ପାକିସ୍ତାନ ସେନା ମିଲିଟାରୀ ଅପରେସନର ପ୍ରସ୍ତୁତି କରୁଥିଲା । ଏହି ହମଲାରେ ୧୨ ପାକ୍ ସେନାଙ୍କର ମୃତ୍ୟୁ ହୋଇଥିବା କୁହାଯାଉଛି ।
ଏହା ପୂର୍ବରୁ ବିଏଲଏ ପାକିସ୍ତାନୀ ସେନାକୁ ଟାର୍ଗେଟ କରି ହମଲା କରିଥିଲା । ଯେଉଁଥିରେ ଏକାଧିକ ପାକ୍ ସେନାର ମୃତ୍ୟୁ ହୋଇଥିଲା । ଏହା କେଚ ଜିଲ୍ଲାର କିଲାଗ ଅଞ୍ଚଳରେ ହୋଇଥିଲା । ବେଲୁଚିସ୍ତାନକୁ ନେଇ ପାକିସ୍ତାନ ପୂର୍ବ ପ୍ରଧାନମନ୍ତ୍ରୀ ଶାହିଦ ଖାଗାନ ୱୱେସୀ କହିଛନ୍ତି, ବେଲୁଚିସ୍ତାନ ଏକ ଲଗାମଛଡା ଘୋଢ଼ା ପରି । ଯାହା ଉପରେ ଏବେ ପାକିସ୍ତାନର କୌଣସି କ୍ଷମତା ନାହିଁ ।
ଭାରତର ଅପରେସନ୍ 'ସିନ୍ଦୂର' - ପହଲଗାମ ଆତଙ୍କୀ ହମଲା ପ୍ରତିଶୋଧ ନେଇ ଭାରତ । ଗତ ୬ ତାରିଖ ମଧ୍ୟରାତ୍ରୀରେ ପିଓକେ ଓ ପାକିସ୍ତାନର ୯ଟି ସ୍ଥାନରେ ଏୟାରଷ୍ଟ୍ରାଇକ୍ କରିଥିଲା । ଏଥିରେ ୯୦ ଆତଙ୍କୀ ନିପାତ ହୋଇଥିଛନ୍ତି । ଥରି ଉଠିଥିଲା ପାକିସ୍ତାନ । ଭାରତ ମିସାଇଲ ମାଡରେ ଧ୍ୱଂସବିଧ୍ୱସ୍ତ ହୋଇଥିଲା ୯ ଆତଙ୍କୀ ଆଡ୍ଡା । ଭାରତର ଷ୍ଟ୍ରାଇକ୍ରେ ପାକିସ୍ତାନରେ କୋକୁଆ ଭୟ ଖେଳି ଯାଇଥିବା ବେଳେ ବେଲୁଚିସ୍ତାନ ଆଟାକ୍ ପରେ ଛାତିରେ ଛନକା ପଶିଛି ।
