ନୂଆଦିଲ୍ଲୀ: ମୁଣ୍ଡ ନୁଆଁଇଲା ପଡୋଶି ବାଂଲାଦେଶ। ଭାରତ ସହ ଭଲ ସମ୍ୱନ୍ଧ ବନାଇବାକୁ ଚାହୁଁଛି ବୋଲି ଖୋଦ ବାଂଲାଦେଶର ବୈଦେଶିକ ପରାମର୍ଶଦାତା ମହମ୍ମଦ ତୋହିଦ ଅନୁରୋଧ କରିଛନ୍ତି। ସୋମବାର ଭାରତୀୟ ବୈଦେଶିକ ମନ୍ତ୍ରୀ ଏସ ଜୟଶଙ୍କରଙ୍କ ସହ କଥାହେବାବେଳେ କିଛି ଏପରି ଅନୁରୋଧ କରିଛନ୍ତି ବାଂଲାଦେଶର ଏହି ନେତା।
ବାଂଲାଦେଶର ସରକାରୀ ଖବର ସରବରାହ ସଂସ୍ଥା ବିଏସଏସ ଏଥି ନେଇ ଖବର ପ୍ରସାରଣ କରଛି। ହୁସେନ, ଏସ ଜୟଶଙ୍କରଙ୍କ ସହ କଥାହେବା ବେଳେ “ବାଂଲାଦେଶ ଭାରତ ସହ ଉତ୍ତମ ସମ୍ପର୍କ ବନାଇ ରଖିବାକୁ ଚାହୁଁଛି। ଏହା ସହ ଭାରତ ମଧ୍ୟ ବଂଲାଦେଶ ସହ ଉତ୍ତମ ସଂପର୍କ ବନାଇ ରଖିବା ପାଇଁ ଚେଷ୍ଟାକରୁ। ଏହା ଉଭୟ ଦେଶର ଅନ୍ତରୀଣ ମାମଲା। ଉଭୟ ଦେଶ ଏହା ଉପରେ ବିଚାର କରିବାର ଆବଶ୍ୟକତା ରହିଛି। ବାଂଲାଦେଶ ଭାରତକୁ ନେଇ ନିଜର ସଂପର୍କ ବିଷୟରେ ସ୍ପଷ୍ଟ କରିସାରିଛି। ବାଂଲାଦେଶର ଏହି କଥା ଉପରେ ଭାରତ ନିଶ୍ଚିନ୍ତ ଧ୍ୟାନ ଦେବ ବୋଲି ମୋର ଆଶା ରହିଛି” ବୋଲି ସେ କହିଛନ୍ତି।
ସେ ଆହୁରି ମଧ୍ୟ କହିଛନ୍ତି ଯେ ଭାରତକୁ ନେଇ ବାଂଲାଦେଶର ଆଭିମୁଖ୍ୟତା ଆରମ୍ଭରୁ ସ୍ପଷ୍ଟ ରହିଛି। ତେବେ ଭାରତରେ ଶରଣ ନେଇଥିବା ପୂର୍ବତନ ପ୍ରଧାନମନ୍ତ୍ରୀ ଶେଖହସିନାଙ୍କ ବିବାଦିୟ ବୟାନ ଉଭୟ ଦେଶ ପାଇଁ ଅପ୍ରିତିକର ପରିସ୍ଥିତି ସୃଷ୍ଟି କରିଛି। ତେଣୁ ଉଭୟ ଦେଶ ନିଜ ନିଜ ସମ୍ୱଦ୍ଧ ଉପରେ ଧ୍ୟାନ ଦେଇ ସମ୍ୱଦ୍ଧକୁ ମଜବୁତ କରିବା ଉପରେ ଧ୍ୟାନ ଦେବାର ଆବଶ୍ୟକତା ରହିଛି। ବାଂଲାଦେଶ ସରକାର ଭାରତ ସହ ସକରାତ୍ମକ ଓ ସହଯୋଗାତ୍ମକ ସଂବନ୍ଧ ବନାଇ ରଖିବାପାଇଁ ପ୍ରତିଶୃତିବନ୍ଧ କହିଛନ୍ତି ବୋଲି ଗଣମାଧ୍ୟମରେ ପ୍ରକାଶ ପାଇଛି।
