ପାରଳାଖେମୁଣ୍ଡି, ୨୧/୫ (ଆପ୍ର) : ସ୍ଥାନୀୟ ୧୪ ନଂ ୱାର୍ଡର ସଞ୍ଜୟ ଗାନ୍ଧୀ କଲୋନୀରେ ରହୁଥିବା ବସ୍ତି ବାସିନ୍ଦାଙ୍କ ସମସ୍ୟାକୁ ନେଇ ବସ୍ତି ସୁରକ୍ଷା ମଞ୍ଚ ତରଫରୁ ପାରଳା ପୌରପାଳିକା ଅଫିସ୍ ଆଗରେ ଆମରଣ ଅନଶନ କରାଯାଇଛି । ସେମାନେ ଦୀର୍ଘ ବର୍ଷ ଧରି ଉକ୍ତ ଅଂଚଳରେ ରହିଆସୁଥିବାବେଳେ ସେମାନଙ୍କୁ ଘରପଟ୍ଟା, ବିଜୁଳି, ରାସ୍ତା ଓ ପାନୀୟ ଜଳ ଯୋଗାଇ ଦେବା ନିମନ୍ତେ ଦାବି କରି ଆସୁଛନ୍ତି। ବର୍ତ୍ତମାନ ଉକ୍ତ ଦାବୀକୁ ନେଇ ଆମରଣ ଅନଶନର ନିଷ୍ପତ୍ତି ନେଇ ବସିଛନ୍ତି ବସ୍ତି ସୁରକ୍ଷା ମଞ୍ଚ । ଏହି ପରିପେକ୍ଷରେ ଗଜପତି ଜିଲ୍ଲା ପ୍ରଶାସନ ତରଫରୁ କୌଣସି ସ୍ୱାସ୍ଥ୍ୟ ସମନ୍ଧୀୟ ସୁବିଧା କରାଯାଇନାହିଁ ।
ଅନ୍ୟ ପକ୍ଷେ ନିର୍ବାଚିତ ପ୍ରତିନିଧି ବିଧାୟକ କି ଅନ୍ୟକୌଣସି ନିର୍ବାଚିତ ପ୍ରତିନିଧି ମଧ୍ୟ ସେମାନଙ୍କ ପାଖରେ ପହଁଚି ନାହାନ୍ତି । ନିର୍ବାଚନ ସମୟରେ ସେମାନଙ୍କ ଭୋଟର ଆବଶ୍ୟକ କିନ୍ତୁ ସେମାନଙ୍କ ସମସ୍ୟାରେ ସହଯୋଗ କରିବାର ମାନବିକତା ଭୁଲିଗଲେ ନିର୍ବାଚିତ ପ୍ରତିନିଧି ବୋଲି ୧୪ ନମ୍ବର ୱାର୍ଡ ବାସିନ୍ଦା ଅଭିଯୋଗ କରିଛନ୍ତି ।ତେବେ ଗଜପତି ଜିଲ୍ଲା ଅଲ୍ ଇଣ୍ଡିଆ ଫରୱାର୍ଡ଼ ବ୍ଲକ ଦଳ ତରଫରୁ ସମର୍ଥନ ଦିଆଯାଉଛି । ଯଥାଶୀଘ୍ର ଦାବୀ ପୂରଣ ନହେଲେ ଆଗାମୀ ଦିନରେ ଗଜପତି ଜିଲ୍ଲା ଆଲ ଇଣ୍ଡିଆ ଫରୱାର୍ଡ଼ ବ୍ଲକ ଦଳ ତରଫରୁ ରାଜରାସ୍ତାକୁ ଓଲ୍ଲାଇବାକୁ ବାଧ୍ୟ ହେବ ବୋଲି ଜିଲ୍ଲା ସଭାପତି ପାଇଲା ମୁରଲୀ କ୍ରିଷ୍ଣା କହିଛନ୍ତି । ବସ୍ତି ସୁରକ୍ଷା ମଞ୍ଚ ଆବାହକ ସୁଜିତ ପ୍ରଧାନ କହିଛନ୍ତି ନାର୍ଯ୍ୟ ଦାବି ପୂରଣ ହେବ ଯାଏ ଏହିପରି ଅନଶନ ଜାରିରହିବ । ଏହି ଅନଶନ ରେ ଯଦି କାହାରି କିଛି କ୍ଷତି ଘଟିଲେ ଜିଲ୍ଲପ୍ରଶାସନ ଓ ପୌରପ୍ରଶାସନ ଦାୟୀ ରହିବେ ବୋଲି ଶ୍ରୀ ପ୍ରଧାନ କହିଛନ୍ତି ।
