ନୂଆଦିଲ୍ଲୀ,୧୯/୮ : ଭାରତୀୟ କ୍ରିକେଟ କେଣ୍ଟେ୍ରାଲ ବୋର୍ଡ଼ ମହିଳା ଓ୍ବାନଡେ ବିଶ୍ବକପ ୨୦୨୫ଲାଗି ଭାରତୀୟ ସ୍କ୍ବାଡ଼ ଘୋଷଣା କରିଛି । ଟୁର୍ଣ୍ଣାମେଣ୍ଟର ଆୟୋଜନ ଭାରତ ଏବଂ ଶ୍ରୀଲଙ୍କା ମିଶିକି କରିବେ । ବିଶ୍ବକପ୍ ଲାଗି ଅଧିନାୟକତ୍ବ ହରମନପ୍ରୀତ କୌରଙ୍କ ହାତରେ ରହିବ । ସ୍କ୍ବାଡ଼ରେ ତୁଫାନୀ ଓପନର ଶେଫାଳୀ ବର୍ମାଙ୍କୁ ସ୍ଥାନ ମିଳିପାରିନଥିବାବେଳେ ରେଣୁକା ସିଂହ ଠାକୁର ଫେରିଛନ୍ତି । ପ୍ରକାଶ ଯେ, ବିଶ୍ବକପରେ ଭାରତ ନିଜ ଅଭିଯାନର ଆରମ୍ଭ ୩୦ସେପ୍ଟେମ୍ବରରେ ଶ୍ରୀଲଙ୍କା ବିପକ୍ଷରେ ଖେଳିବାରେ ଅଛି ।
ମହିଳା ଓ୍ବାନଡେ ବିଶ୍ବକପ ଲାଗି ଭାରତୀୟ ସ୍କ୍ବାଡ : ହରମନପ୍ରୀତ କୌର(ଅଧିନାୟକ), ସ୍ମୃତି ମଧାନା(ଉପଅଧିନାୟକ), ପ୍ରତିକା ରାଓ୍ବଲ, ହରଲୀନ ଦେଓ୍ବଲ, ଦିପ୍ତୀ ଶର୍ମା, ଜେମିମା ରେଡ୍ରିଗ୍ସ,ରେଣୁକା ସିଂହ ଠାକୁର, ଅରୁନ୍ଧତି ରେଡ୍ଡୀ, ଋଚା ଘୋଷ(ଓ୍ବିକେଟକିପର), କ୍ରାନ୍ତି ଗୌଡ଼, ସୟାଲୀ ସତଘରେ, ରାଧା ଯାଦବ, ଶ୍ରୀ ଚରଣୀ, ୟାସ୍ତିକା ଭାଟିୟା (ଓ୍ବିକେଟକିପର), ସ୍ନେହ ରାଣା ।
ମହିଳା ଓ୍ବାନଡେ ବିଶ୍ବକପ ୨୦୨୫ର ଆୟୋଜନ ଭାରତ ଏବଂ ଶ୍ରୀଲଙ୍କା ମିଶିକି କରିବେ । ଏହି ଟୁର୍ଣ୍ଣାମେଣ୍ଟ ୩୦ସେପ୍ଟେମ୍ବରରୁ ୨ନଭେମ୍ବର ପର୍ଯ୍ୟନ୍ତ ଚାଲିବ । ଟୁର୍ଣ୍ଣାମେଣ୍ଟରେ ପ୍ରାୟ ୮ଟିମ୍ ଭାଗ ନେବେ, ଯାହା ରାଉଣ୍ଡ- ରବିନ ଫର୍ମାଟରେ ଖେଳାଯିବ ।
