ନୂଆଦିଲ୍ଲୀ,୨୨/୧୦: ଅଷ୍ଟ୍ରେଲିଆ ଗସ୍ତ ପାଇଁ ଟିମ୍ ଇଣ୍ଡିଆ ଘୋଷଣା କରିଛି ବିସିସିଆଇ। ଦୀର୍ଘ ଦିନ ଧରି ଆଉଟ୍ ହୋଇଥିବା ୱିକେଟ୍ କିପର ବ୍ୟାଟର ଇଶାନ୍ କିଶାନ୍ ପୁଣି ଦଳକୁ ଫେରିଛନ୍ତି।ଋତୁରାଜ ଗାଇକୱାଡଙ୍କୁ ଦଳର ଅଧିନାୟକ କରିବାକୁ ବୋର୍ଡ ନିଷ୍ପତ୍ତି ନେଇଛି। ତେବେ ଆସନ୍ତୁ ଜାଣିବା ଏହି ଟୁର୍ ରେ ଅନ୍ୟ କେଉଁ ଖେଳାଳି ଟିମ୍ ଇଣ୍ଡିଆରେ ସ୍ଥାନ ପାଇଛନ୍ତି।
ସୂଚନାଥାଉକି, ଅଷ୍ଟ୍ରେଲିଆ ଗସ୍ତ ପାଇଁ ବିସିସିଆଇ ଇଣ୍ଡିଆ-ଏ ଦଳ ଘୋଷଣା କରିଛି। ଅକ୍ଟୋବର ୩୧ ରୁ ଭାରତ-ଏ ଏବଂ ଅଷ୍ଟ୍ରେଲିଆ-ଏ ମଧ୍ୟରେ ଦୁଇଟି ପ୍ରଥମ ଶ୍ରେଣୀ (ଚାରି ଦିନିଆ) ମ୍ୟାଚ୍ ଖେଳାଯିବ। ଅଷ୍ଟ୍ରେଲିଆ-ଏ ବିପକ୍ଷରେ ଦୁଇଟି ମ୍ୟାଚ୍ ଖେଳିବା ପରେ ଭାରତ-ଏ ଦଳ ଭାରତୀୟ ସିନିୟର ପୁରୁଷ ଦଳ ବିପକ୍ଷରେ ତିନି ଦିନିଆ ଆନ୍ତଃ- ସ୍କ୍ୱାର୍ଡ ମ୍ୟାଚରେ ଭାଗ ନେବ। ଭାରତ-ଏ ଏବଂ ଅଷ୍ଟ୍ରେଲିଆ-ଏ ମଧ୍ୟରେ ପ୍ରଥମ ଫାଷ୍ଟ କ୍ଳାସ୍ ମ୍ୟାଚ୍ ମକାୟରେ ଖେଳାଯିବ। ଏହା ପରେ ମେଲବର୍ଣ୍ଣରେ ଦ୍ୱିତୀୟ ମ୍ୟାଚ୍ ଅନୁଷ୍ଠିତ ହେବ। ତେବେ ପର୍ଥରେ ସିନିୟର ପୁରୁଷ ଦଳ ବିପକ୍ଷରେ ଇଣ୍ଡିଆ-ଏର ଇଣ୍ଟ୍ରା ସ୍କ୍ୱାଡ୍ ମ୍ୟାଚ୍ ଖେଳାଯିବ।
କହିରଖୁଛୁ ଯେ, ଭାରତୀୟ ସିନିୟର ପୁରୁଷ ଦଳ ପାଇଁ ଇଶାନ କିଶନଙ୍କ ଶେଷ ମ୍ୟାଚ୍ ନଭେମ୍ବର ୨୦୨୩ ରେ ଟି ୨୦ ମାଧ୍ୟମରେ ଖେଳିଥିଲେ। ଏହା ପରେ, ଇଶାନ ମାନସିକ ଥକାପଣ ଦର୍ଶାଇ ଏକ ବିରତି ନେଇଥିଲେ, କିନ୍ତୁ ଏହି ବିରତି ପରେ ଇଶାନ ବର୍ତ୍ତମାନ ପର୍ଯ୍ୟନ୍ତ ଟିମ୍ ଇଣ୍ଡିଆକୁ ଫେରିପାରି ନଥିଲେ।
ଇଣ୍ଡିଆ ଏ' ର ତିନି ମ୍ୟାଚ୍ ବିଶିଷ୍ଟ ସେଡ୍ୟୁଲ:
ଇଣ୍ଡିଆ ଏ ବନାମ ଅଷ୍ଟ୍ରେଲିଆ ଏ, ପ୍ରଥମ ଚାରିଦିନିଆ ମ୍ୟାଚ୍- ୩୧ ଅକ୍ଟୋବରରୁ ୩ ନଭେମ୍ବର
ଇଣ୍ଡିଆ ଏ ବନାମ ଅଷ୍ଟ୍ରେଲିଆ ଏ, ଦ୍ବିତୀୟ ଚାରିଦିନିଆ ମ୍ୟାଚ୍- ୭ ନଭେମ୍ବରରୁ ୧୦ ନଭେମ୍ବର ପର୍ଯ୍ୟନ୍ତ
ଇଣ୍ଡିଆ ଏ ବନାମ ସିନିୟର ଟିମ୍ ଇଣ୍ଡିଆ ଇଣ୍ଟ୍ରା ସ୍କ୍ବାଡ ମ୍ୟାଚ୍- ୧୫ ନଭେମ୍ବରରୁ ୧୭ ନଭେମ୍ବର ପର୍ଯ୍ୟନ୍ତ
ଅଷ୍ଟ୍ରେଲିଆ ଗସ୍ତ ପାଇଁ ଟିମ୍ ଇଣ୍ଡିଆ ଏ ଦଳ::
ଋୁତୁରାଜ ଗାଇକୱାଡ (ଅଧିନାୟକ), ଅଭିମନ୍ୟୁ ଇଶ୍ବରନ (ଉପ-ଅଧିନାୟକ), ସାଇ ସୁଦର୍ଶନ, ନୀତୀଶ କୁମାର ରେଡ୍ଡୀ, ଦେବଦତ୍ତ ପାଡିକଲ, ରିକି ଭୁଇ, ବାବା ଇନ୍ଦରଜିତ, ଇଶାନ କିଶନ (ୱିକେଟ୍ କିପର) ଅଭିଷେକ ପୋରେଲ (ୱିକେଟ୍ କିପର), ମୁକେଶ ଅହମ୍ମଦ କୁମାର , ନବଦୀପ ସୈନି, ମାବବ ସୂତାର, ତନୁଷ କୋଟିଆନ୍।
