ଯାଜପୁର,୧୨।୧୨ : ଯାଜପୁର ପୁରୁଣା ସ୍ଥାନକୁ ଫେରିବ ବିରଜା ହାଟ । ଆସନ୍ତା ରବିବାର ଠାରୁ ଅସ୍ଥାୟୀ ଭାବେ ହାଟ ଚାଲିବାକୁ ନେଇ ପ୍ରଶାସନ ପକ୍ଷରୁ ନିଷ୍ପତ୍ତି ହୋଇଥିବା ସୂଚନା ଦେଲେ ଯାଜପୁର ଜିଲ୍ଲାପାଳ ।
ହାଟ ବିବାଦ ସମାଧାନ ପାଇଁ ଉଭୟ ସପକ୍ଷ ବାଦୀ ଓ ବିପକ୍ଷବାଦୀଙ୍କ ସହ ବୁଦ୍ଧିଜୀବୀ ,ବରିଷ୍ଠ ନାଗରିକ ଓ ମନ୍ଦିର ସେବାୟତ ମାନଙ୍କୁ ନେଇ ଗତ ସପ୍ତାହରେ ବୈଠକ୍ ବସିଥିଲା। ପୁଣି ଗୁରୁବାର ବସିଥିବା ବୈଠକ ରେ ହାଟ ପୁରୁଣା ସ୍ଥାନ ବିରଜା ମନ୍ଦିର ନିକଟକୁ ଫେରିବା ସହ ଆସନ୍ତା ରବିବାର ଠାରୁ ହାଟ ଖୋଲିବାକୁ ନିଷ୍ପତ୍ତି ହୋଇଥିବା ଜିଲ୍ଲାପାଳ କହିଛନ୍ତି ।ହାଟ ଶହ ମନ୍ଦିର ପ୍ରକଳ୍ପ କାର୍ଯ୍ୟ କୁ ଅଗ୍ରଗତି କରିବା ପାଇଁ ନିଷ୍ପତ୍ତ ହୋଇଛି ।ଯାହାକୁ ନେଇ ଚାଷୀ ଓ ବ୍ୟବସାୟୀ ନିଜର ଦାବି ପୁରଣ ହୋଇଥିବା କହିଛନ୍ତି ।
ସୂଚନା ଅନୁଯାୟୀ ଗତ୍ ୨୦୨୪ ଜାନୁଆରୀ ୧୯ ତାରିଖ ଦିନ ବିରଜା ହାଟକୁ ମନ୍ଦିର ପ୍ରକଳ୍ପ କାର୍ଯ୍ୟ ପାଇଁ ସନ୍ଥ ମାଧବ ଅଞ୍ଚଳକୁ ସ୍ଥାନାନ୍ତରିତ କରାଯାଇଥିଲା । ସରକାର୍ ବଦଳିବା ପରେ ଚାଷୀ ଓ ବ୍ୟବସାୟୀ ପୁରୁଣା ଜାଗା ଅର୍ଥାତ୍ ମନ୍ଦିର ନିକଟ ହାଟକୁ ଫେରିବା ପାଇଁ ଦାବି କରି ବସିଥିଲେ । ଯାହାକୁ ନେଇ ଧର୍ମଶାଳା ବିଧାୟକଙ୍କ ଉପରେ ଆକ୍ରମଣ ଓ ଥାନା ଘେରାଉ ଘଟଣା ,ବିରଜା ହାଟରେ ବିବାଦ ଉପୁଜିଥିବା ସହ ରାସ୍ତା ରୋକ ଭଳି ବିବାଦ ଉପୁଜିଥିଲା । ତେଣୁ ଏହାର ସମାଧାନ ପାଇଁ ପ୍ରଶାସନ ଉଭୟଙ୍କୁ ଡାକି ଆଲୋଚନା କରିଥିଲେ। ହାଟ ପୁଣି ପୁରୁଣା ଜାଗା କୁ ଫେରିବ ବୋଲି ନିଷ୍ପତ୍ତି ହୋଇଥିବା ଜିଲ୍ଲାପାଳ ପି ଅନ୍ୱେଷା ରେଡ୍ଡୀ କହିଛନ୍ତି ।ସେପଟରେ ଚାଷୀ ଓ ବ୍ୟବସାୟୀ ମଧ୍ୟ ଏହାକୁ ନେଇ ଖୁସି ବ୍ୟକ୍ତ କରିଛନ୍ତି ।
