ପ୍ରମୂଖ ଖବର
  • ଶ୍ରୀକ୍ଷେତ୍ରରେ ବଢ଼ିଲା ସୁରକ୍ଷା ବ୍ୟବସ୍ଥା, ପୋଲିସ ଛାଉଣୀରେ ବଡ଼ଦେଉଳ
  • ||
  • ବରଯାତ୍ରୀ ବସ୍‌ - କଣ୍ଟେନର ଟ୍ରକ୍‌ ମୁହାଁମୁହିଁ ଧକ୍କା: ହେଲପର୍‌ ଗୁରୁତର, ୧୦ ରୁ ଉର୍ଦ୍ଧ୍ୱ ଆହତ
  • ||
  • ମୟୂରଭଞ୍ଜ : ବରଯାତ୍ରୀ ବସ୍‌ - କଣ୍ଟେନର ଟ୍ରକ୍‌ ମୁହାଁମୁହିଁ ଧକ୍କା: ହେଲପର୍‌ ଗୁରୁତର, ୧୦ ରୁ ଉର୍ଦ୍ଧ୍ୱ ଆହତ
  • ||
  • ଘୋର ଆର୍ଥିକ ସଂକଟରେ ପାକ୍‌ ଅର୍ଥନୀତି: ଆଜି ପାକ୍‌କୁ ଋଣ ପ୍ରଦାନ ନେଇ ସମୀକ୍ଷା କରିବ ଆଇଏମ୍‌ଏଫ, ଭାରତର ବିରୋଧ
  • ||
  • ଅମୃତସର ବାସିନ୍ଦାଙ୍କୁ ଘରେ ରହିବାକୁ ନିର୍ଦ୍ଦେଶ, ଝରକା ଠାରୁ ଦୂରରେ ଏବଂ ଲାଇଟ୍ ବନ୍ଦ ରଖିବାକୁ ନିର୍ଦ୍ଦେଶାବଳୀ ଜାରି
  • ||
  • ଭାରତୀୟ ସେନାକୁ ସଫଳତା , ଧରାପଡିଲା ପାକିସ୍ତାନୀ ପାଇଲଟ୍
  • ||
  • ସମୀକ୍ଷା କରିବେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ, CDS ଏବଂ ୩ ସେନା ମୁଖ୍ୟଙ୍କ ସହ ଯୁଦ୍ଧ ସ୍ଥିତି ନେଇ କରିବେ ଆଲୋଚନା
  • ||
  • ଭାରତ-ପାକ୍ ଯୁଦ୍ଧ ନେଇ ସସପେନ୍ସ: ଆଇପିଏଲ୍‌ ଆୟୋଜନ ଉପରେ ହୋଇପାରେ ବଡ଼ ନିଷ୍ପତ୍ତି
  • ||
  • ବାଲେଶ୍ବର ଚାନ୍ଦିପୁର କ୍ଷେପଣାସ୍ତ୍ର ଘାଟିରେ ବଢ଼ିଲା ସୁରକ୍ଷା, ଅପରାହ୍ନ ୨ଟାରେ ବସିବ ଗୁରୁତ୍ୱପୂର୍ଣ୍ଣ ବୈଠକ
  • ||
  • ପାକିସ୍ତାନ ଉପରେ ଆକ୍ରମଣକୁ ନେଇ ବିସ୍ତୃତ ତଥ୍ୟ ଦେବ ବୈଦେଶିକ ମନ୍ତ୍ରଣାଳୟ,ସକାଳ ୯ଟାରେ ପ୍ରେସ ମିଟ୍
  • ||
  • ରାଜ୍ୟରେ ଆହୁରି ବଢ଼ିବ ଗରମ ପ୍ରକୋପ, ୧୦ରୁ ୧୪ ପ୍ରଚଣ୍ଡ ତାତି,ପଶ୍ଚିମରେ ହିଟ୍‌ୱେଭ୍‌, ଉପକୂଳରେ ଗୁଳୁଗୁଳି ଆଶଙ୍କା
  • ||

ଦୁର୍ଗନ୍ଧ ବନାମ ସୁଗନ୍ଧ; ଭାଜପାକୁ ଦୁର୍ଗନ୍ଧ ପସନ୍ଦ ସେ ଗୋଶାଳା ବନାଉଛି କହିଲେ ଅଖିଳେଶ, କଣ କହିଲା ବିଜେପି ?

Published By : Ankita S | March 27, 2025 2:39 PM

ଲକ୍ଷ୍ନୌ,୨୭/୦୩ : ଗାଈ, ଗୋଶାଳା ନିର୍ମାଣକୁ ନେଇ ବିଜେପି ଓ ସପା ପରସ୍ପରକୁ ଟାର୍ଗେଟ କରିଛନ୍ତି । ଦୁର୍ଗନ୍ଧ-ସୁଗନ୍ଧକୁ ନେଇ ବୟାନବାଜି ଚାଲିଛି । ଭାରତୀୟ ଜନତା ପାର୍ଟିକୁ ଦୁର୍ଗନ୍ଧ ପସନ୍ଦ । ତେଣୁ ସେ ଗୋଶାଳା ବନାଉଛି ବୋଲି ସମାଜବାଦୀ ପାର୍ଟି ମୁଖ୍ୟ ତଥା ପୂର୍ବତନ ମୁଖ୍ୟମନ୍ତ୍ରୀ ଅଖିଳେଶ ଯାଦବ ବିଜେପିକୁ ଟାର୍ଗେଟ କରି କହିଛନ୍ତି । ଅଖିଳେଶଙ୍କ ଏହି ବୟାନକୁ ନେଇ ସରଗରମ ହୋଇଛି ଉତ୍ତରପ୍ରଦେଶ ରାଜନୀତି । ଏହାର ଜବାବ୍ ଦେଇ ବିଜେପି କହିଛି ଭୋଟ ବ୍ୟାଙ୍କ ଚକ୍କରରେ ସମାଜବାଦୀ ପାର୍ଟି 'ସମାପ୍ତବାଦୀ ପାର୍ଟି' ହେବାକୁ ଯାଉଛି ।

'ଭାଜପାକୁ ଦୁର୍ଗନ୍ଧ ପସନ୍ଦ'- ଗୋଶାଳା ନିର୍ମାଣକୁ ନେଇ ସପା ମୁଖ୍ୟ ଅଖିଳେଶ ଯାଦବ ବିଜେପିକୁ କଟାକ୍ଷ କରିଛନ୍ତି । ବିଜେପିକୁ ଦୁର୍ଗନ୍ଧ ପସନ୍ଦ ତେଣୁ ସେ ଗୋଶାଳା ନିର୍ମାଣ କରୁଛି । ସପାକୁ ସୁଗନ୍ଦ ପସନ୍ଦ ତେଣୁ ସେ ଇତର ପାର୍କ ବନାଇଛି । ଗୋଶାଳା ଇତର ପାର୍କକୁ ନେଇ ଏକ ଟପ୍ପଣୀ ଦେଇ ଏହା କହିଛନ୍ତି । ତାଙ୍କର ଏହି ବୟାନକୁ ନେଇ ୟୁପି ରାଜନୀତି ସରଗମର ହୋଇଛି ।

ଜବାବ୍ ଦେଲା ବିଜେପି- ସପା ଅଧ୍ୟକ୍ଷ ଅଖିଳେଶଙ୍କର ଏହି ବୟାନକୁ ନେଇ କଡ଼ା ଜବାବ ଦେଇଛି ଭାରତୀୟ ଜନତା ପାର୍ଟି । ବିଜେପି ମୁଖ୍ୟ ପ୍ରବକ୍ତା ସେହଜାଦ୍ ପୁନେୱାଲା ସପାକୁ ଟାର୍ଗେଟ କରି କହିଛନ୍ତି, ''ସପା ମୁଖ୍ୟ ହିନ୍ଦୁ-ସନାତନ ସଂସ୍କୃତିର ଅପମାନ କରିଛନ୍ତି । ଶ୍ରୀକୃଷ୍ଣ ନିଜକୁ 'ଗୋପାଳ' କୁହନ୍ତି । ଗାଈଙ୍କ ପ୍ରତି ତାଙ୍କ ଭଲ ପାଇବା ସେମାନଙ୍କ ପ୍ରତି ସୁରକ୍ଷା ରହିଥିଲା । ମାତ୍ର ଭୋଟ ବ୍ୟାଙ୍କ ପାଇଁ ଜଣେ କିପରି ଏତେ ତଳକୁ ଖସି ଯାଉଛନ୍ତି । ଭୋଟ ବ୍ୟାଙ୍କ ପାଇଁ ସମାଜବାଦୀ ପାର୍ଟି ଏବେ 'ସମାପ୍ତବାଦୀ ଦଳ' ହୋଇଛି । ଯାହାକୁ ଘୁଷୁରୀ ପସନ୍ଦ ତାଙ୍କୁ ଗାଈ କେଉଁଠୁ ବା ପସନ୍ଦ ଆସିବ ? ''

ସେହିପରି ଅଖିଳେଶଙ୍କର ଏହି ବୟାନକୁ ନେଇ ରାଜ୍ୟସଭା ସାଂସଦ ତଥା ପୂର୍ବ ଉପମୁଖ୍ୟମନ୍ତ୍ରୀ ଦିନେଶ ଶର୍ମା କହିଛନ୍ତି, ''ସପା ଶାସନରେ ଅତର ପାର୍କ ବନାଯିବା ସହିତ ଅତରର ଘୋଟାଲ ମଧ୍ୟ ହୋଇ ସାରିଛି । ଗୋଶାଳାରେ ତୁମେ ଦୁର୍ଗନ୍ଧ ଓ ସୁଗନ୍ଧ କାହିଁକି ଖୋଜୁଛ ? ଗୋଶାଳାରେ ସନାତନର ଆସ୍ଥା ଖୋଜ । ଗୋମାତାଙ୍କ ଉପରେ ଟିପ୍ପଣୀ ଦିଆଯାଏ ନାହିଁ । ''

Prameya Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.