ନୂଆଦିଲ୍ଲୀ,୧୫।୬: କଂଗ୍ରେସ ଗତ କିଛି ଦିନ ଧରି କେନ୍ଦ୍ର ସରକାରଙ୍କ ବୈଦେଶିକ ନୀତି ଉପରେ ପ୍ରଶ୍ନ ଉଠାଇ ଆସୁଛି। ନିକଟରେ କଂଗ୍ରେସ ନେତା ଜୟରାମ ରମେଶ ଦାବି କରିଛନ୍ତି ଯେ ଆମେରିକା ତା’ର ଆର୍ମି ଡେ ପରେଡକୁ ପାକିସ୍ତାନୀ ସେନା ମୁଖ୍ୟଙ୍କୁ ନିମନ୍ତ୍ରଣ କରିଛି। ଏହି ବିଷୟରେ, କଂଗ୍ରେସ ଭାରତର ବୈଦେଶିକ ନୀତିକୁ ସମ୍ପୂର୍ଣ୍ଣ ବିଫଳ ବୋଲି ଘୋଷଣା କରିଥିଲା। ଏବେ ବିଜେପି କଂଗ୍ରେସକୁ ପାଲଟା ଆକ୍ରମଣ କରିଛି। ବିଜେପି ସାଂସଦ ନିଶିକାନ୍ତ ଦୁବେ ସୋସିଆଲ ମିଡିଆରେ ସେୟାର କରିଥିବା ଏକ ପୋଷ୍ଟରେ କଂଗ୍ରେସ ଉପରେ ବର୍ଷିଛନ୍ତି। ସେ କହିଛନ୍ତି ଦଳ ତୁଷ୍ଟିକରଣର ରାଜନୀତିକୁ ପ୍ରୋତ୍ସାହିତ କରୁଛି। କଂଗ୍ରେସର ପୁରା ବୈଦେଶିକ ନୀତି କେବଳ ନେହରୁ ପରିବାରରେ କେନ୍ଦ୍ରିତ ଥିଲା, ଯାହାର ଫଳ ଦେଶକୁ ଭୋଗିବାକୁ ପଡୁଛି। ପ୍ରଧାନମନ୍ତ୍ରୀ ମୋଦି ବିଦେଶରେ ଭାରତର ସ୍ଥିତି ମଜବୁତ କରିବା ଦିଗରେ କାମ କରୁଛନ୍ତି। ଏହି କାରଣରୁ ଲଗାତାର ଜି-୭ ଓ ଜି-୨୦ ସମ୍ମିଳନୀକୁ ଯାଉଛନ୍ତି।’
ବିଜେପି ସାଂସଦ ନିଶିକାନ୍ତ ଦୁବେ କହିଛନ୍ତି, କଂଗ୍ରେସ, ପଢିବା ଏବଂ ଲେଖିବା ବନ୍ଦ କରିଦେଇଛନ୍ତି। ଗତ ୨-୩ ଦିନ ଧରି ପୁରା ଦଳ କହି ଆସୁଥିଲା ଯେ ପାକିସ୍ତାନର ସେନା ମୁଖ୍ୟ ଜେନେରାଲ ଅସୀମ ମୁନିର ଆମେରିକା ଯାଉଛନ୍ତି। ଏହା ପାକିସ୍ତାନର ଏକ ଜାଲ ଥିଲା। ଆଜି ଏହା ଜଣାପଡ଼ିଲା ଯେ ହ୍ୱାଇଟ୍ ହାଉସ୍ କିମ୍ବା ଆମେରିକୀୟ ସେନା କେବେବି ଅସୀମ ମୁନିରଙ୍କୁ ଫୋନ୍ କରି ନଥିଲେ। ପାକିସ୍ତାନ ମୁସଲିମ ଲିଗ୍ ଏବଂ ଜୟରାମ ରମେଶ ମଧ୍ୟରେ କ’ଣ ପାର୍ଥକ୍ୟ? ଦ୍ୱିତୀୟତଃ, ଯେତେବେଳେ ୧୯୮୫ ମସିହାରେ କନିଷ୍କ ବୋମା ବିସ୍ଫୋରଣ ଘଟିଥିଲା, ତେବେ କାନାଡା ଏହାର ଯାଞ୍ଚ କେବେ ଆରମ୍ଭ କରିଥିଲା ? ୨୦୦୬ରେ କରିଥିଲା । କାନାଡାର ପୂର୍ବତନ କାନାଡା ପ୍ରଧାନମନ୍ତ୍ରୀ ଜଷ୍ଟିନ୍ ଟ୍ରୁଡୋଙ୍କ ପିତା ୧୯୬୮ ରୁ ୧୯୮୪ ପର୍ଯ୍ୟନ୍ତ କାନାଡାର ପ୍ରଧାନମନ୍ତ୍ରୀ ଥିଲେ। ଇନ୍ଦିରା ଗାନ୍ଧୀ ୧୬ ବର୍ଷ ଧରି ତାଙ୍କୁ ସାତଟି ଚିଠି ଲେଖିଥିଲେ, କିନ୍ତୁ ସେ ତାଙ୍କ ଚିଠିର ଉତ୍ତର ଦେଉ ନଥିଲେ, ତାଙ୍କ କଥା ଶୁଣୁ ନଥିଲେ ଏବଂ ଖଲିସ୍ତାନୀ ଆତଙ୍କବାଦୀଙ୍କୁ ଆଶ୍ରୟ ଦେଉଥିଲେ ଏବଂ ଆପଣ ଆମକୁ ବୈଦେଶିକ ନୀତି ଶିଖାଉଛନ୍ତି?
କେବଳ ସେତିକି ନୁହେଁ ବିଜେପି ସରକାର ଉପରେ କଂଗ୍ରେସ ପାଲେଷ୍ଟାଇନକୁ ସମର୍ଥନ କରୁନଥିବା ଅଭିଯୋଗ କରିଥିଲା ଏବଂ ଭାରତର ବୈଦେଶିକ ନୀତିକୁ ତୀବ୍ର ସମାଲୋଚନା କରିଥିଲା। ଏହାର ପ୍ରତିବାଦ କରି ବିଜେପି ସାଂସଦ ଲେଖିଛନ୍ତି ଯେ '୧୯୪୮ ମସିହାରେ ଇସ୍ରାଏଲ ଏବଂ ପାଲେଷ୍ଟାଇନ ଦୁଇଟି ଦେଶ ହୋଇଗଲେ। ୧୯୪୮ ମସିହାରେ, ନେହେରୁଜୀ ଜାତିସଂଘରେ ପାଲେଷ୍ଟାଇନକୁ ସମର୍ଥନ କରିଥିଲେ ଏବଂ ଇସ୍ରାଏଲକୁ ବିରୋଧ କରିଥିଲେ, କିନ୍ତୁ ୧୯୫୦ ମସିହାରେ, ନେହେରୁଜୀ ଗୁପ୍ତ ଭାବରେ ମୁମ୍ବାଇରେ ଇସ୍ରାଏଲର ବାଣିଜ୍ୟ କାର୍ଯ୍ୟାଳୟ ମିଶନ ଖୋଲିଥିଲେ। ୧୯୫୩ ମସିହାରେ ମୁମ୍ବାଇରେ ଇସ୍ରାଏଲର ମହାବାଣିଜ୍ୟ ଦୂତାବାସ ଖୋଲାଯାଇଥିଲା। ୧୯୭୧ରେ ପାକିସ୍ତାନ ସହିତ ଯୁଦ୍ଧରେ, ଆମେ ଇସ୍ରାଏଲୀ ଅସ୍ତ୍ରଶସ୍ତ୍ର ବ୍ୟବହାର କରିଥିଲୁ ଏବଂ ମୋସାଦ୍ ମଧ୍ୟ ତତ୍କାଳୀନ ଲେଫ୍ଟନାଣ୍ଟ ଜେନେରାଲ୍ ଜାକବ୍ ସହିତ ମିଶି ପାକିସ୍ତାନ ଉପରେ ଆକ୍ରମଣ ଯୋଜନା କରିଥିଲା। ୧୯୯୨ ମସିହାରେ ଦିଲ୍ଲୀରେ ପ୍ରଥମ ଇସ୍ରାଏଲୀ ଦୂତାବାସ ଖୋଲାଯାଇଥିଲା। ୧୯୯୬ ରେ ଭାରତରେ ପାଲେଷ୍ଟାଇନର କାର୍ଯ୍ୟାଳୟ ଖୋଲିଥିଲା। ୧୯୪୮ ରୁ ୨୦୨୪ ପର୍ଯ୍ୟନ୍ତ ତାଙ୍କ ସରକାର କ୍ଷମତାରେ ଥିଲା। ୫୦ରୁ ଅଧିକ ଥର ଆମେ ଜାତିସଂଘର ସୁରକ୍ଷା ପରିଷଦରେ ଇସ୍ରାଏଲର ସମର୍ଥନ କରିଛୁ କିମ୍ବା ମତଦାନଠାରୁ ଦୂରେଇ ରହିଛୁ। ଆଜି ଆପଣ ପାଲେଷ୍ଟାଇନ୍ କଥା କହୁଛନ୍ତି. ଆପଣଙ୍କୁ କ’ଣ ଲାଗୁଛି ଆମେ ପାଲେଷ୍ଟାଇନ୍ର ହମାସକୁ ସମର୍ଥନ କରିବୁ କିମ୍ବା ମତଦାନଠାରୁ ଦୂରେଇ ରହିବୁ। ଭାରତ ପାଲେଷ୍ଟାଇନର ନାଗରକିଙ୍କ ସହ ରହିଛି ଓ ରହିବ।
