ନୂଆଦିଲ୍ଲୀ : ପୂର୍ବତନ ମନ୍ତ୍ରୀଙ୍କ ଦ୍ୱାରା କରାଯାଇ ଥିବା ଅଭଦ୍ରୋଚିତ ଟିପ୍ପଣୀର ବିରୋଧରେ ଭାରତୀୟ କି ୟୁନିୟନ( ବିକେୟୁ) ଶୁକ୍ରବାର ଅନେକ ଜିଲ୍ଲାରେ ଖୁବ୍ ହଙ୍ଗାମା କରିଛି। ବିକେୟୁ କାର୍ଯ୍ୟକର୍ତ୍ତାମାନେ ହାଥରସରେ ପୁଲିସ ସହ ହାତାହାତି ଓ ଧକ୍କା ମାରିବା ଭଳି ସ୍ଥିତି ଉପୁଯାଇ ଥିଲେ ଏବଂ ଇନ୍ସପେକ୍ଟରଙ୍କ ପାଦରେ ଗାଡ଼ି ଚଢାଇ ଦେଇଥିଲେ। ବିକେୟୁ କାର୍ଯ୍ୟକର୍ତ୍ତାମାନେ ପୁଲିସର ଗାଡ଼ିକୁ ମଧ୍ୟ ଭଙ୍ଗାରୁଜା କରି ଥିଲେ। ହାପୁର ଆଡ଼କୁ ଯାଉଥିବା ଅନେକ କାର୍ଯ୍ୟକର୍ତ୍ତାଙ୍କୁ ଆଲିଗଡ଼ର ଗଭାନା ଟୋଲ ପ୍ଲାଜାରେ ରୋକି ଦିଆ ଯାଇଛି , ସେଠାରେ ମଧ୍ୟ କାର୍ଯ୍ୟକର୍ତ୍ତା ମାନେ ଖୁବ୍ ହଙ୍ଗାମା କରି ଥିଲେ। ପୁଲିସର ଅନେକ ଚେଷ୍ଟା ପରେ ମଧ୍ୟ , ସେମାନେ ତାଙ୍କୁ ଅଟକାଇ ପାରି ନଥିଲେ। ଶହ ଶହ କାର୍ଯ୍ୟକର୍ତ୍ତା ଅନେକ ଗାଡ଼ିରେ ଟୋଲ ପ୍ଲାଜା ଅତିକ୍ରମ କରି ଚାଲି ଯାଇଥିଲେ। ଅନ୍ୟପଟେ ଉତ୍ତେଜିତ ବିକେୟୁ କାର୍ଯ୍ୟକର୍ତ୍ତାଙ୍କୁ ଦେଖି ହାପୁର , ବୁଲନ୍ଦସହରରେ ବହୁ ସଂଖ୍ୟାରେ ପୁଲିସ ଫୋର୍ସ ମୁତୟନ କରି ଦିଆ ଯାଇଛି।
କିଛିଦିନ ପୂର୍ବେ ଏକ ଢାବାର ଶୁଭାରମ୍ଭ ବେଳେ ପୂର୍ବତନ ମନ୍ତ୍ରୀ ମଦନ ଚୌହାନଙ୍କ ଦ୍ୱାରା ଚାଷୀ ନେତାଙ୍କ ଉପରେ ଅଭଦ୍ର ଟିପ୍ପଣୀ କରାଯାଇ ଥିଲା। ଯାହାର ବିରୋଧରେ ବିକେୟୁ ପୂର୍ବତନ ମନ୍ତ୍ରୀଙ୍କ ନିବାସକୁ ଘେରାଉ କରିବାର ଘୋଷଣା କରିଥିଲେ। ଶୁକ୍ରବାର ଅନେକ ଜିଲ୍ଲାରୁ ବିକେୟୁ କାର୍ଯ୍ୟକର୍ତ୍ତା ପୂର୍ବତନ ମନ୍ତ୍ରୀଙ୍କ ନିବାସ ଘେରାଉ ପାଇଁ ପ୍ରଦର୍ଶନ କରି ହାପୁରକୁ ଯାତ୍ରା କରିଥିଲେ। କାର୍ଯ୍ୟକର୍ତ୍ତାଙ୍କ ରାଲି ଅନେକ ଗାଡ଼ିରେ କନଭଏ ସହ ହାପୁର ଯାଉଥିବା କାର୍ଯ୍ୟକର୍ତ୍ତାଙ୍କୁ ଅଲଗା ଅଲଗା ଜିଲ୍ଲାରେ ରୋକି ଦିଆ ଯାଇଥିଲା। ଏହାକୁ ନେଇ ହାଥରସରେ ଏସପି ସିଟି ,ଏଟା ଓ ବିକେୟୁର ପ୍ରଦେଶ ଅଧ୍ୟକ୍ଷଙ୍କ ମଧ୍ୟରେ ତୀବ୍ର ଟଣାଓଟରା ହୋଇ ଥିଲା। ପୁଲିସ କାର୍ଯ୍ୟକର୍ତ୍ତାଙ୍କୁ ରୋକିବାକୁ ଚେଷ୍ଟା କରି ଥିଲା, କିନ୍ତୁ ଉତ୍ତେଜିତ କୃଷକ ପଛକୁ ହଟିବାକୁ ପ୍ରସ୍ତୁତ ନଥିଲେ। ଉତ୍ତେଜନା ସେହି ସମୟରେ ଆହୁରି ବଢି ଗଲା ଯେବେ କାର୍ଯ୍ୟକର୍ତ୍ତାମାନେ ପୁଲିସ ଘେରାଉ ଭାଙ୍ଗିବାକୁ ପ୍ରୟାସ କରିଥିଲେ। ଏହି ସମୟରେ ଗୋଟିଏ ଗାଡ଼ି ଟାଉନ୍ ଇନଚାର୍ଜଙ୍କ ପାଦରେ ଚଢି ଗଲା,ଯେଉଁଥିରେ ସେ ଗୁରୁତର ରୂପେ ଆହତ ହୋଇ ଥିଲେ। ଏହାପରେ ଉତ୍ତେଜିତ ଭିଡ଼ ସିଓଙ୍କ ଗାଡ଼ିକୁ ମଧ୍ୟ ଭଙ୍ଗାରୁଜା କରିଥିଲେ।
ସଲାରପୁରରେ ହୋଇଥିବା ଖୁବ୍ ହଙ୍ଗାମା ପରେ ଭାରତୀୟ କିଷାନ ୟୁନିୟନ (ଭାନୁ) ଓ ପୂର୍ବତନ ମନ୍ତ୍ରୀ ମଦନ ଚୌହାନଙ୍କ ମଧ୍ୟରେ ବିବାଦ ଏବେ ଶୀର୍ଷ ସ୍ତରରେ ପହଞ୍ଚି ଯାଇଛି। ପୂର୍ବତନ ମନ୍ତ୍ରୀଙ୍କ ନିବାସର ଘେରାଉ କରିବାର ଘୋଷଣା ପରେ ଶୁକ୍ରବାର ଗଡମୁକ୍ତେଶ୍ୱରର ରାସ୍ତାରେ ଉତ୍ତେଜିତ ମାହୋଲ ସୃଷ୍ଟି ହୋଇଥିଲା।ପୂର୍ବତନ ମନ୍ତ୍ରୀଙ୍କ ନିବାସ ବାହାରେ ଖୁବ୍ ପୁଲିସ ଫୋର୍ସ ମୁତୟନ କରାଯାଇଛି।
