ନୂଆଦିଲ୍ଲୀ,୦୯/୦୮: କସ୍ମିକ୍ ହର୍ଷଶୁ ଆକାଶଗଙ୍ଗାରେ ଆବିଷ୍କୃତ ହୋଇଛି ଏକ ବ୍ଲାକ୍ହୋଲ। ଯାହା ଆମ ସୂର୍ଯ୍ୟଠାରୁ ୩୬୦୦ ଗୁଣ ଭାରୀ । ଅଦ୍ୟାବଧି ଆବିଷ୍କୃତ ୧୦ ଶୀର୍ଷ ବିଶାଳ ବ୍ଲାକ୍ହୋଲ ମଧ୍ୟରେ ଏହା ଅନ୍ୟତମ ଓ ଏହା ସବୁଠୁ ବିଶାଳ ହୋଇପାରେ ବୋଲି ଅନୁମାନ କରାଯାଉଛି । ଏନେଇ ଅଧ୍ୟୟନର ଲେଖକ ଇଂଲଣ୍ଡର ପୋର୍ଟସମାଉଥ୍ ବିଶ୍ୱବିଦ୍ୟାଳୟର ପ୍ରଫେସର ଥୋମାସ କୋଲେଟ୍ ଏହି ଆବିଷ୍କାର ବିଷୟରେ ସ୍ପଷ୍ଟ କରିଛନ୍ତି ।
କସ୍ମିକ ହର୍ଷଶୁ ପ୍ରଣାଳୀକୁ ନିର୍ମାଣ କରିଥିବା ଦୁଇଟି ଆକାଶଗଙ୍ଗା ମଧ୍ୟରୁ ଗୋଟିଏରେ ଏହି ବ୍ଲାକ୍ହୋଲ ଆବିଷ୍କୃତ ହୋଇଛି । ଏହା ‘ଡୋର୍ମାଣ୍ଟ୍’ ବ୍ଲାକ୍ହୋଲ ନାମରେ ପରିଚିତ । ଅର୍ଥାତ୍ ଏହା ଅପେକ୍ଷାକୃତ ଏକ ଶାନ୍ତ ବ୍ଲାକ୍ହୋଲ । ନିଜ ଚତୁଃପାଶ୍ୱର୍ର ପଦାର୍ଥଗୁଡ଼ିକୁ ଗିଳୁଥିବା ସକ୍ରିୟ ବ୍ଲାକ୍ହୋଲଠୁ ଏହା ବିପରୀତ । ଆମ ଆକାଶଗଙ୍ଗା ମିଲ୍କି ୱେରେ ଅବସ୍ଥିତ ବ୍ଲାକ୍ହୋଲ ‘ସାଗିଟାରିୟସ୍-ଏ’ ମଧ୍ୟ ଏକ ଡୋରମାଣ୍ଟ୍ ବା ଶାନ୍ତ ବ୍ଲାକ୍ହୋଲ । କିନ୍ତୁ ଏହାର ଘନତ୍ୱ ୪.୧୫ ନିୟୁତ ସୂର୍ଯ୍ୟ ସମାନ । ବାସ୍ତବତା ହେଉଛି, କସ୍ମିକ ହର୍ଷଶୁ ବ୍ଲାକ୍ହୋଲ ଏକ ବିଶାଳ ଆକାଶଗଙ୍ଗା ଭିତରେ ଆବିଷ୍କୃତ ହୋଇଛି । ଅନ୍ୟପକ୍ଷେ, ସାଗିଟାରିୟସ୍-ଏ ସାମାନ୍ୟ ଆକାରଯୁକ୍ତ ଆକାଶଗଙ୍ଗା ମିଲ୍କି ୱେରେ ରହିଛି । ଏହା ଏକ ସଂଯୋଗ ହୋଇନପାରେ । ନୂଆ ବ୍ଲାକ୍ହୋଲ ଆବିଷ୍କାର ଜରିଆରେ ବୈଜ୍ଞାନିକ ଟିମ୍ ସୁପର୍ମାସିଭ ବ୍ଲାକ୍ହୋଲ ଓ ସେମାନେ ଅବସ୍ଥାନ କରୁଥିବା ଆକାଶଗଙ୍ଗାମାନଙ୍କର ଆକାର ମଧ୍ୟରେ ଥିବା ସମ୍ପର୍କ ବିଷୟରେ ଅଧିକ ଅଧ୍ୟୟନ ପାଇଁ ଆଶା କରୁଛନ୍ତି ।
କୋଲେଟ୍ କହନ୍ତି, ଉଭୟଙ୍କ ଆକାର ମଧ୍ୟରେ ଘନିଷ୍ଠ ସମ୍ପର୍କ ଥିବା ଆମର ଧାରଣା । କାରଣ ଯେତେବେଳେ ଆକାଶଗଙ୍ଗାମାନଙ୍କର ବୃଦ୍ଧି ହୁଏ, ସେମାନେ କେନ୍ଦ୍ରୀୟ ବ୍ଲାକ୍ହୋଲ ମଧ୍ୟକୁ ନିଜର ପଦାର୍ଥଗୁଡ଼ିକୁ ନିକ୍ଷେପ କରିପାରନ୍ତି । ତନ୍ମଧ୍ୟରୁ କିଛି ପଦାର୍ଥ ବ୍ଲାକ୍ହୋଲର ବୃଦ୍ଧି କରାଇଥାନ୍ତି । କିନ୍ତୁ ତନ୍ମଧ³ ଏହାର ଅର୍ଥ ବ୍ରହ୍ମାଣ୍ଡ ଆରମ୍ଭରୁ ଏହା ନିଜ ଚତୁଃପାଶ୍ୱର୍ର ପଦାର୍ଥଗୁଡ଼ିକୁବ୍ଲାକ୍ହୋଲର ଆକାର ଓ ବିକାଶକୁ ନେଇ ଥିବା ପୁରୁଣା ବୈଜ୍ଞାନିକ ସିଦ୍ଧାନ୍ତକୁ ଚାଲେଞ୍ଜ୍ ଦେଇନାହିଁ, ବରଂ ଦେଖାଇଛି ଯେ ବ୍ରହ୍ମାଣ୍ଡରେ ଏମିତି ଅସଂଖ୍ୟ ରହସ୍ୟ ଅଛି³ ଯାହା ଆମ କଳ୍ପନାଠୁ ବାହାରେ । କସ୍ମିକ ହର୍ଷଶୁ ପ୍ରଣାଳୀ ସାଧାରଣ ଆକାଶଗଙ୍ଗା ନୁହେଁ । ଏହା ଫସିଲ ଗ୍ରୁପ୍ ବା ଜୀବାଶ୍ମ ସମୂହର, ଅର୍ଥାତ୍ ବ୍ରହ୍ମାଣ୍ଡରେ ଅଧିକାଂଶ ସଘନ ଢାଞ୍ଚାର ଶେଷ ଅବସ୍ଥା । ଯେତେବେଳେ ଏକାଧିକ ଛୋଟ, ମାଧ୍ୟାକର୍ଷଣ ଶକ୍ତିରେ ବନ୍ଧା ଆକାଶଗଙ୍ଗାଗୁଡ଼ିକ ଏକ ହୁଅନ୍ତି, ଏହି ଆକାଶଗଙ୍ଗାର ଉତ୍ପତ୍ତି ହୋଇଥାଏ।
