ବଲାଙ୍ଗୀର, ୨୦/୦୫ : ଲାଞ୍ଚ ନେବା ମାମଲାରେ ବଲାଙ୍ଗୀର ଡିଏଫଓ ଅଫିସର ଅବସରପ୍ରାପ୍ତ ଜୁନିଅର ଆକାଉଣ୍ଟାଣ୍ଟ କାଳନ୍ଦୀ ଚରଣ ଭୂୟାଁଙ୍କୁ ୩ ବର୍ଷ ଜେଲ୍ ଦଣ୍ଡ ସହ ୧୦ ହଜାର ଟଙ୍କା ଫାଇନ୍। ବଲାଙ୍ଗୀର ଭିଜିଲାନ୍ସ କୋର୍ଟ ଏହି ରାୟ ଶୁଣାଇଛନ୍ତି।
କାଳନ୍ଦୀ ଚରଣ ଭୂୟାଁ ୨୦୧୯ ମସିହାରେ କିଛି ଚାଷୀଙ୍କ ରେକର୍ଡ ଜମିରେ ଥିବା ଗଛ କାଟିବା ପାଇଁ ଏବଂ କଟା ହୋଇଥିବା ଗଛ ସ୍ଥାନାନ୍ତର ପାଇଁ ଜଣେ ଅଭିଯୋଗକାରୀଙ୍କ ଠାରୁ ୧୦ ହଜାର ଟଙ୍କା ଲାଞ୍ଚ ନେଇ ଧରାପଡ଼ିଥିଲେ। କାଳନ୍ଦୀ ଦୋଷୀ ସାବ୍ୟସ୍ତ ହେବାପରେ ତାଙ୍କୁ ଭିଜିଲାନ୍ସ କୋର୍ଟ ୩ ବର୍ଷ ଜେଲ୍ ଦଣ୍ଡ ସହ ୧୦ ହଜାର ଟଙ୍କା ଜରିମାନା ନିର୍ଦ୍ଦେଶ ଦେଇଛନ୍ତି। ଏବେ ଓଡ଼ିଶା ଭିଜିଲାନ୍ସ ବଲାଙ୍ଗୀର ଡିଏଫଓ ଅଫିସରେ ତାଙ୍କର ପେନସନ୍ ବନ୍ଦ ପାଇଁ ଆବେଦନ କରିବ।
