ଫିରିଙ୍ଗିଆ ୪/୬ ଫିରିଙ୍ଗିଆ ବ୍ଲକ ଫିରିଙ୍ଗିଆ ପଞ୍ଚାୟତ ନେଡିପଦର ବୁଲାଣି ପୋଲ ନିକଟରେ ବାଇକ ଓ ବୁଲେରୋ ମୁହାଁମୁହିଁ ଧକ୍କା ହେବା ଫଳରେ ବାଇକ ଆରୋହୀଙ୍କ ମୃତ୍ୟୁ ହୋଇଥିବା ବେଳେ ବାଇକ ପଛରେ ବସିଥିବା ଯୁବକ ଗୁରୁତର ହୋଇଥିବା ଜଣା ପଡିଛି l ସୂଚନା ଅନୁସାରେ ଆଜି ଦିନ ୩ଟା ସମୟରେ ନିଜ ଗାଁ ବାନ୍ଦାମାହାରୁ ଫିରିଙ୍ଗିଆ ଆଡକୁ ବାଇକରେ କୌଣସି କାମ ପାଇଁ ଆସୁଥିବା ବେଳେ ଫିରିଙ୍ଗିଆ ପଟୁ ଯାଉଥିବା ବୋଲେରୋ ଗାଡି ସହ ମୁହାଁ ମୁହିଁ ଧକ୍କା ହୋଇଥିଲା l ଦୁର୍ଘଟଣା ପରେ ଘଟଣାସ୍ଥଳରେ ଦୁର୍ଘଟଣା ଘଟିଥିବା କିଛି ଲୋକେ ଦେଖିବା ପରେ ଫିରିଙ୍ଗିଆ ଦମକଳ ବାହିନୀକୁ ଯୋଗାଯୋଗ କରିଥିଲେ । ତୁରନ୍ତ ଦମକଳ ବାହିନୀ ଘଟଣା ସ୍ଥଳରେ ପହଞ୍ଚି ଗୁରତର ଆହତଙ୍କୁ ଫିରିଙ୍ଗିଆ ମେଡିକାଲରେ ଭର୍ତି କରିଥିଲେ l 

ତେବେ ଗୁରୁତର ଆହତଙ୍କ ମଧ୍ୟରୁ ଗାଡି ଚାଳକକୁ ଫିରିଙ୍ଗିଆ ମେଡିକାଲରେ ଡାକ୍ତର ମୃତ ଘୋଷଣା କରିଥିଲେ l ଅନ୍ୟଜଣକୁ ଗୁରୁତର ଅବସ୍ଥାରେ ଫୁଲବାଣୀ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଥିବା ସୂଚନା ମିଳିଛି l ତେବେ ମୃତ ଯୁବକ ଜଣକ ପବିଙ୍ଗିଆ ପଞ୍ଚାୟତ ବାନ୍ଦା ମାହା ଗ୍ରାମର ପ୍ରତାପ ମଲିକ ଏବଂ ଅନ୍ୟ ଜଣେ ସେହି ପବିଙ୍ଗିଆ ପଞ୍ଚାୟତ ସାଇତିଙ୍ଗିଆ ଗାଁର ଲବ ମୁଖି ବୋଲି ଜଣା ପଡିଛି l ଫିରିଙ୍ଗିଆ ବଜାରକୁ କୌଣସି କାମରେ ଆସି ନିଜ ଗାଁକୁ ଫେରୁଥିବା ବେଳେ ଦୁର୍ଘଟଣା ଘଟିଥିବା ସୂଚନା ମିଳିଛି l ଅନ୍ୟପଟେ ବୋଲେରୋ ଗାଡି ଫୁଲବାଣୀ ରୁଜାଙ୍ଗୀରୁ ଭଡାରେ ଫିରିଙ୍ଗିଆ ବ୍ଲକ ପବିଙ୍ଗିଆ ଏକ ଭୋଜିକୁ ଯାଉଥିବା ଜଣା ପଡ଼ିଥିବା ବେଳେ ଘଟଣା ସ୍ଥଳରେ ଫିରିଙ୍ଗିଆ ପୋଲିସ ପହଞ୍ଚି ଗାଡିକୁ ଜବତ କରିଛି ।