ଭଦ୍ରକ,୦୭/୧୨: ବ୍ରାଉନ ସୁଗାର ଚାଲାଣ ବେଳେ ମାଡ଼ି ବସିଲା ପୋଲିସ । ଜବତ ହେଲା ୪୧ ଗ୍ରାମରୁ ଅଧିକ ବ୍ରାଉନ ସୁଗାର । ଏହି ଘଟଣାରେ ସମ୍ପୃକ୍ତ ଥିବା ଜଣେ ଯୁବକଙ୍କୁ ଗିରଫ କରାଯାଇଛି । ଗିରଫ ଯୁବକ ହେଉଛନ୍ତି ଆଗରପଡ଼ା ଥାନା ଅଧୀନ କୁଆଂସମଢ଼ିଆ ଗ୍ରାମର ଶିବ ସୁନ୍ଦର ଦାସ ବୋଲି ଭଦ୍ରକ ଅତିରିକ୍ତ ଏସପି ସୂଚନା ଦେଇଛନ୍ତି । ଭଦ୍ରକ ଜିଲ୍ଲାରେ ଏଭଳି ଘଟଣା ଘଟିଛି ।
ସୂଚନା ମୁତାବକ, ଭଦ୍ରକ ଜିଲ୍ଲା ଗ୍ରାମାଞ୍ଚଳ ପୋଲିସ ବାଇକ ଚେକିଂ କରୁଥିବା ବେଳେ ଜଣେ ଯୁବକଙ୍କ ଉପରେ ତାଙ୍କ ସନ୍ଦେହ ହୋଇଥିଲା । ସନ୍ଦେହ ହେବାରୁ ପୋଲିସ ଉକ୍ତ ଯୁବକଙ୍କୁ ଅଟକାଇ ଯାଞ୍ଚ କରିବାରୁ ତାଙ୍କ ପାଖରୁ ୪୧ ଗ୍ରାମରୁ ଅଧିକ ପରିମାଣ ର ବ୍ରାଉନ ସୁଗାର ମିଳିଥିଲା । ଯୁବକ ଜଣକ ବାରାଲପୋଖରି ରୁ ବ୍ରାଉନ ସୂଗାର୍ ନେଇ ଆଗରପଡ଼ା ଥାନା ଅଧୀନ ଅଞ୍ଚଳ କୁ ଯାଉଥିଲା । ଉକ୍ତ ବ୍ରାଉନ ସୁଗାରକୁ ଜବତ କରିବା ପରେ ଯୁବକ ଜଣକୁ ପୋଲିସ ଗିରଫ କରିଛି । ଏହି ଘଟଣାରେ ବାଇକ, ମୋବାଇଲ ଜବତ କରିବା ସହ କେଉଁ ଠାରୁ ବ୍ରାଉନ ସୁଗାର ଆଣୁଥିଲେ ସେହି ଚେନ୍କୁ ନେଇ ଯାଞ୍ଚ ଆରମ୍ଭ କରିଛି ପୋଲିସ ।
