ପାଟଣା,୨୫/୧୧: ପାଟଣା ବ୍ଲକ୍ରେ ମୁଖ୍ୟମନ୍ତ୍ରୀ ବସ୍ ସେବା ଠପ୍ ହୋଇଛି । ୩ ଦଫା ଦାବି ନେଇ ପାଟଣା ବ୍ଲକ ଅଞ୍ଚଳର ୫ ଟି ମୁଖ୍ୟମନ୍ତ୍ରୀ ବସ୍ର ୧୨ ଜଣ ମହିଳା କଣ୍ଡକ୍ଟର ଆନ୍ଦୋଳନକୁ ଓହ୍ଲାଇଛନ୍ତି । କେନ୍ଦୁଝର ଜିଲ୍ଲା ପାଟଣା ବ୍ଲକ ଅଞ୍ଚଳରେ ଏଭଳି ଦୃଶ୍ୟ ଦେଇବାକୁ ମିଳିଛି ।
ସୂଚନା ମୁତାବକ, ପାଟଣା ବ୍ଲକ୍ରେ ମୁଖ୍ୟମନ୍ତ୍ରୀ ବସ୍ର ମହିଳା କଣ୍ଡକ୍ଟର ୩ ଦଫା ଦାବି ନେଇ ଆନ୍ଦୋଳନକୁ ଓହ୍ଲାଇଛନ୍ତି । ୩ ମାସ ହେଲା ଦରମା ପାଇ ନଥିବା ,ଜଏନିଂ ଲେଟର ସହ ,ଆଇ କାର୍ଡ ପ୍ରଦାନ ପାଇଁ ଦାବି କରିଥିଲେ ମୁଖ୍ୟମନ୍ତ୍ରୀ ବସ୍ର ମହିଳା କର୍ମଚାରୀ । ଏହାକୁ ବିଭାଗୀୟ ଅଧିକାରୀ ଅଣଦେଖା କରିଥିଲେ । କେବଳ ସେତିକି ନୁହେଁ, ପ୍ରତିବାଦ କଲେ ଚାକିରୀରୁ ବାହାରି ଯିବାକୁ ଧମକ ମଧ୍ୟ ଦେଇଥିଲେ । ଏହାର ଅଭିଯୋଗ କରି ମୁଖ୍ୟମନ୍ତ୍ରୀ ବସ୍ର ୧୨ ଜଣ ମହିଳା କଣ୍ଡକ୍ଟରମାନେ ସୋମବାର ସକାଳୁ ପାଟଣା ବସଷ୍ଟାଣ୍ଡର ମୁଖ୍ୟ ଗେଟରେ ଚାବି ପକାଇ ବସ ସମ୍ମୁଖରେ ଧାରଣା ଦେଇ ବସିଥିଲେ । ଆନ୍ଦୋଳନ ଯୋଗୁଁ ପାଟଣା ବ୍ଲକ ଅଞ୍ଚଳର ଯାତ୍ରୀ ଯାତାୟାତ କରିବାରେ ଅନେକ ଅସୁବିଧାର ସମ୍ମୁଖୀନ ହେଉଛନ୍ତି।
