ନୂଆଦିଲ୍ଲୀ: କାନାଡା ପ୍ରଧାନମନ୍ତ୍ରୀ ପଦରୁ ଟ୍ରୁଡୋ ଅବସର ନେବାପରେ କାନାଡାର ନୂଆ ପ୍ରଧାନମନ୍ତ୍ରୀ ଭାବେ ମାର୍କ କାର୍ନେ ଶପଥ ଗ୍ରହଣ କରିବାକୁ ଯାଉଛନ୍ତି। ମଳିଥିବା ଖବର ମୁତାବକ ଲିବରାଲ ଦଳର ମାର୍କ କାନାଡାର ୨୪ ତମ ମୁଖ୍ୟମନ୍ତ୍ରୀ ଭାବେ ଆସନ୍ତା ଶୁକ୍ରବାର ଦିନ ଶପଥ ଗ୍ରହଣ କରିବାକୁ ଯାଉଛନ୍ତି। ଗତ ରବିବାର ସେ ଲିବରାଲ ଦଳର ନେତା ରୁପେ ଜୀତ୍ ହାସଲ କରିଥିଲେ। ତେବେ ବେଲାଋଷରେ ଥିବା ରାୟିଷ୍ଟୁ ହଲରେ ଏହି ଶପଥ ଗ୍ରହଣ ଉତ୍ସବ ପାଳନ ହେବାକୁ ଯାଉଛି ବୋଲି ଗଭର୍ଣ୍ଣର ଜେନେରାଲ ନେରୀ ସାଇମନଙ୍କ କାର୍ଯ୍ୟାଳୟ ସୂଚନା ପ୍ରଦାନ କରିଛି।

ମିଡିଆ ରିପୋର୍ଟରେ କୁହାଯାଇଛି ଯେ ଟ୍ରୁଡୋ ଶୁକ୍ରବାର ଦିନ ଗଭର୍ଣ୍ଣର ଜେନେରାଲଙ୍କୁ ଭେଟି ଆନୁଷ୍ଠାନିକ ଭାବେ ତାଙ୍କ ଇସ୍ତଫା ପତ୍ର ଦାଖଲ କରିପାରନ୍ତି। ଆଉ ଏହା ପରେ କାର୍ନି ଶପଥ ନେବେ | ସେ ଶପଥ ନେବା ସହ ପୂରୁଣା ସଦନକୁ ଭାଙ୍ଗି ତାଙ୍କର ନୂତନ କ୍ୟାବିନେଟ ଘୋଷଣା  କରିବେ।

ବର୍ତ୍ତମାନ ଆମେରିକୀୟ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଶୁଳ୍କ ନୀତି ପାଇଁ କାନାଡାରେ ଆର୍ଥିକ ଅନିୟମିତତା ବଢିଯାଇଛି। ଏହା ସହ କାନାଡାକୁ ଆମେରିକାର ୫୧ତମ ରାଜ୍ୟ କରିବା ନେଇ ଟ୍ରମ୍ପଙ୍କ ଏହି ବିବାଦିୟ ବୟାନକୁ ନେଇ ଟ୍ରମ୍ପ ଓ ଟ୍ରୁଡୋଙ୍କ ମଧ୍ୟରେ ଯୁକ୍ତିତର୍କ ଆରମ୍ଭ ହୋଇଯାଇଥିଲା। ଅନ୍ୟପଟେ ଏହି ପ୍ରସଙ୍ଗରେ ମାର୍କ କାର୍ନି ମଧ୍ୟ ଟ୍ରମ୍ପଙ୍କୁ ମୁହାଁମୁହିଁ ଜବାବ ଦେଇଥିଲେ। ତେବେ ସେ କାନାଡାର ପରବର୍ତ୍ତୀ ପ୍ରଧାନମନ୍ତ୍ରୀ ଭାବରେ ଶାସନଭାର ଗ୍ରହଣ କରିବା ପରେ ଟ୍ରମ୍ପଙ୍କୁ ଜବାବ ଦେବେ ବୋଲି କହିଛନ୍ତି। 

ଆମେ ଆପଣଙ୍କୁ ଜଣାଇରଖୁ ଯେ କାନାଡ଼ାର ପ୍ରଧାନମନ୍ତ୍ରୀ ମାର୍କି କାର୍ନି ହେଉଛନ୍ତି କାନାଡାର ଲିବରାଲ୍ ପାର୍ଟିର ନେତା ତଥା ବ୍ୟାଙ୍କ ଅଫ୍ ଇଂଲଣ୍ଡର ପୂର୍ବତନ ଗଭର୍ଣ୍ଣର। ତେବେ ବର୍ତ୍ତମାନ ମାର୍କଙ୍କୁ ୫୯ ବର୍ଷ ହୋଇଥିଲେ ମଧ୍ୟ ସେ ଜଣେ ସ୍ଥିର ତଥା ପ୍ରଭାବଶାଳୀ ନେତା ଭାବରେ ଉଭା ହୋଇଛନ୍ତି। 2008 ମସିହାରେ ହୋଇଥିବା ଆର୍ଥିକ ସଙ୍କଟ ସମୟରେ ତାଙ୍କର ନେତୃତ୍ୱରେ କାନାଡା ଅନ୍ୟ ଦେଶ ମାନଙ୍କ ଭଳି ଏତେ ଆର୍ଥିକ ଝଡ଼କୁ ସାମ୍ନା କରିନଥିଲା। ଯେଉଁଥିପାଇଁ ତାଙ୍କୁ ଆନ୍ତର୍ଜାତୀୟ ସ୍ତରରେ ପ୍ରଶଂସାର ସୁଅ ଛୁଟିଥିଲା|  ଏହାଛଡା ସେ ସରଳ ଭାଷାରେ ଜଟିଳ ଅର୍ଥନୀତିକୁ ବ୍ୟାଖ୍ୟା କରିଥିଲେ ଯାହାପରେ ତାଙ୍କୁ ବିଶ୍ୱର ଅର୍ଥନୀତିଜ୍ଞଙ୍କ ମଧ୍ୟରେ ସେ ବିଶ୍ୱସନୀୟତା ଅର୍ଜନ କରିଥିଲା |

ତେବେ ବର୍ତ୍ତମାନ କାନାଡାର ଆର୍ଥିକ ସ୍ଥିତି ସେତେଟା ଭଲ ନଥିବାରୁ ସେ ଦାୟିତ୍ତ୍ୱ ନେବା ପରେ ଏ ଦିଗରେ କିଛି ନିଷ୍ପତ୍ତି ଗ୍ରହଣ କରିବେ ବୋଲି ଜନତାମାନେ ଆଶା ପ୍ରକଟ କରିଛନ୍ତି।