ଭୁବନେଶ୍ୱର,୦୫/୦୭: ରାଜ୍ୟ ସରକାର ୨୦.୫୮ ଲକ୍ଷ ଲୋକଙ୍କ ରାସନ୍ କାର୍ଡ ବାତିଲ କରିବାକୁ ନିଷ୍ପତ୍ତି ନେଇଛନ୍ତି ଯାହାକୁ ସ୍ଥଗିତ କରାଯାଉ । ଜୁନ ୩୦ରେ ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ମନ୍ତ୍ରୀ କରିଥିବା ଘୋଷଣାକୁ ବର୍ତ୍ତମାନ ପାଇଁ ବନ୍ଦ କରାଯାଉ । କୌଣସି ନା କୌଣସି କାରଣରୁ ଇ-କେୱାଇସି କରିପାରିନଥିବା ଉପଭୋକ୍ତାଙ୍କୁ ରାସନ୍ ଦେବାରୁ ବଞ୍ଚିତ କରାନଯାଉ । ଏମିତି ହେଲେ ଲକ୍ଷ ଲକ୍ଷ ଲୋକ ତଥା ଗରିବ ପରିବାର ଖାଦ୍ୟରୁ ବଞ୍ଚିତ ହେବେ । ଏହା ସହ ୨୦୧୩ର ଜାତୀୟ ଖାଦ୍ୟ ସୁରକ୍ଷା ଆଇନର ଉଲ୍ଲଂଘନ ହେବ ବୋଲି ‘ରାଇଟ୍ ଟୁ ଫୁଡ୍ କ୍ୟାମ୍ପେନ୍’ ପକ୍ଷରୁ କୁହାଯାଇଛି ।
ସେହିପରି ରାସନ୍ କାର୍ଡ ପାଇଁ କରାଯାଉଥିବା ଇ-କେୱାଇସି ଅବଧି ବୃଦ୍ଧି କରିବାକୁ ଦାବି ହୋଇଛି । ରାସନ୍ ନେବା ବେଳେ ଯଦି କୌଣସି ବ୍ୟକ୍ତି କିମ୍ବା ପରିବାରର ଯାନ୍ତ୍ରିକ ତ୍ରୁଟି ପାଇଁ ବାୟୋମେଟ୍ରିକ୍ ମ୍ୟାଚ୍ ନ କରୁଛି, ତେବେ ବିକଳ୍ପ ବ୍ୟବସ୍ଥା କରାଯାଉ । ରାସନ୍ ନେଉଥିବା ପରିବାରର ସଦସ୍ୟ ଭାବେ ଥିବା ପିଲାଙ୍କୁ ଆଧାର କିମ୍ବା ବାଲ ଆଧାରରୁ ବାଦ୍ ଦିଆଯାଉ । ତେବେ ରାସନ୍ କାର୍ଡରୁ କାହାକୁ ବଞ୍ଚିତ କରିବା କିମ୍ବା ବାଦ୍ ଦେବା ପୂର୍ବରୁ ଲିଖିତ ଭାବେ କାରଣ ସହ ସୂଚନା ଦିଆଯାଉ ବୋଲି ‘ରାଇଟ୍ ଟୁ ôଫୁଡ୍ କ୍ୟାମ୍ପେନ୍’ର ଅରୁଣି ଦିହୁଡି, ବିଦ୍ୟୁତ ମହାନ୍ତି, ସମୀତ ପଣ୍ଡା ପ୍ରମୁଖ ଦାବି କରିଛନ୍ତି।
