ନୂଆଦିଲ୍ଲୀ,୨୭/୦୩: କେନ୍ଦ୍ର ସରକାରଙ୍କ ଦ୍ୱାରା ନିୟନ୍ତ୍ରିତ କ୍ୟାନ୍ସର, ଡାଏବେଟିସ୍ ଏବଂ ହୃଦ୍ରୋଗ ଔଷଧଗୁଡ଼ିକ ଖୁବ୍ଶୀଘ୍ର ମହଙ୍ଗା ହେବାକୁ ଯାଉଛି । ସରକାରଙ୍କ ନିୟନ୍ତ୍ରଣରେ ରହୁଥିବା ଔଷଧଗୁଡ଼ିକର ଦରରେ ୧.୭% ବୃଦ୍ଧି ହୋଇପାରେ ବୋଲି ସରକାରୀ ସୂତ୍ରରୁ ଜଣାପଡ଼ିଛି ।
ଏ ପରିପ୍ରେକ୍ଷୀରେ ଅଲ୍ ଇଣ୍ଡିଆ ଅର୍ଗାନାଇଜେସନ୍ ଅଫ୍ କେମିଷ୍ଟ୍ସ ଆଣ୍ଡ୍ ଡ୍ରଗିଷ୍ଟ୍ସ(ଏଆଇଓସିଡି)ର ସାଧାରଣ ସମ୍ପାଦକ ରାଜୀବ ସିଂଘଲ କହିଛନ୍ତି ଯେ, ଏହି ପଦକ୍ଷେପ ଫାର୍ମା ଶିଳ୍ପକୁ ଆଶ୍ୱସ୍ତି ଦେବ । କାରଣ କଞ୍ଚାମାଲ ଏବଂ ଅନ୍ୟାନ୍ୟ ଖର୍ଚ୍ଚ ବଢୁଛି । ତେବେ ବଜାରରେ ନୂଆ ମୂଲ୍ୟ ଆସିବା ପାଇଁ ଆଉ ୨ରୁ୩ ମାସ ସମୟ ଲାଗିପାରେ ବୋଲି ଶ୍ରୀ ସିଂଘଲ କହିଛନ୍ତି ।
