ନୂଆଦିଲ୍ଲୀ, ୨୬।୧: କ୍ୟାନସରକୁ ନେଇ ବୈଜ୍ଞାନିକଙ୍କ ବଡ଼ ଖୁଲାସା । ଏହି ରିସର୍ଚ୍ଚ ଅନୁସାରେ, କ୍ୟାନସର ସେଲ୍କୁ ନଷ୍ଟ ନ କରି କ୍ୟାନସର ରୋଗର ଚିକିତ୍ସା କରିହେବ । କୋରିଆ ଆଡଭାନ୍ସ ଇନଷ୍ଟିଚ୍ୟୁଟ୍ ଅଫ୍ ସାଇନ୍ସ ଆଣ୍ଡ ଟେକ୍ନୋଲୋଜିର ରିସର୍ଚ୍ଚର୍ସ ଏହି ରିପୋର୍ଟ ପ୍ରକାଶ କରିଛନ୍ତି । ଏହି ରିପୋର୍ଟ ଅନୁସାରେ, କ୍ୟାନସର ସେଲ୍କୁ ନଷ୍ଟ ନ କରି କୋଲେନ କ୍ୟାନସରର ଚିକିତ୍ସା କରାଯାଇପାରିବ । କୋଲେନର କ୍ୟାନସରର ଅର୍ଥ, ଯାହା ଅନ୍ତନଳୀ ଭିତରେ ହୋଇଥାଏ । କ୍ୟାନସରର ମାତ୍ରା ବୃଦ୍ଧି ପାଇଲେ ଶରୀରରେ ଥିବା ସାଧାରଣ ସେଲ୍ ଅନିୟନ୍ତ୍ରିତ ଆକାରରେ ବଢ଼ିବାକୁ ଲାଗେ । ବୈଜ୍ଞାନିକମାନେ ଏହି ସେଲ୍ଗୁଡ଼ିକୁ ନର୍ମାଲରେ ପରିବର୍ତ୍ତନ କରିବାକୁ ମଲିକ୍ୟୁଲାରର ସାହାଯ୍ୟ ନେଲେ । ମଲିକ୍ୟୁଲାର ଶରୀରରେ ଥିବା ସେଲ୍ଗୁଡ଼ିକର ନିୟନ୍ତ୍ରଣ କରେ ।
ରିସର୍ଚ୍ଚରମାନେ କମ୍ପ୍ୟୁଟର ମଡେଲ୍ ସାହାଯ୍ୟରେ ଜିନ୍ ନେଟୱର୍କର ଏକ ଡିଜିଟାଲ ଟ୍ୱିନ୍ ତିଆରି କରିଛନ୍ତି । କମ୍ପ୍ୟୁଟର ମଡେଲ୍ରେ ଗବେଷଣା କରି ମୁଖ୍ୟ ସ୍ୱିଚ୍କୁ ଚିହ୍ନଟ କରିଛନ୍ତି, ଯାହା ସେଲ୍ଗୁଡ଼ିକୁ ସାଧାରଣ ସେଲ୍ରେ ପରିବର୍ତ୍ତନ କରିବା ସହ ସୁସ୍ଥ ରଖିବାରେ ସାହାଯ୍ୟ କରେ । ଯାହା ପରେ ଜିନ୍ ଏଡିଟିଙ୍ଗ୍ ଟେକନିକ୍ ଓ ଔଷଧ ସାହାଯ୍ୟରେ କ୍ୟାନସର ସେଲ୍ରେ ବ୍ୟବହାର ହୁଏ । ଯାହା ପରେ ଦେଖାଯାଇଥିଲା ଯେ, କ୍ୟାନସର ସେଲ୍ଗୁଡ଼ିକ କ୍ରମଶଃ ହ୍ରାସ ପାଇଥିଲା ଏବଂ ସାଧାରଣ ସେଲ୍ରେ ପରିବର୍ତ୍ତନ ହୋଇଥିଲା ।
ତେବେ କ୍ୟାନସର ଚିକିତ୍ସାରେ ସାଧାରଣତଃ କେମୋଥେରାପି, ରେଡିଏନ୍ ଥେରାପି ଆଦି କରାଯାଏ । ଯାହା କ୍ୟାନସର ସେଲ୍କୁ ସମ୍ପୂର୍ଣ୍ଣ ନଷ୍ଟ କରିଦିଏ । ଏହାର ଅନେକ କୁପ୍ରଭାବ ମଧ୍ୟ ରହିଛି । ଯେପରିକି କେଶ ଝଡ଼ିବା, ଦୁର୍ବଳ ଲାଗିବା । କିନ୍ତୁ, କୋରିଆର ଏହି ନୂଆ ପଦ୍ଧତି କ୍ୟାନସର ସେଲ୍ଗୁଡ଼ିକୁ ସୁଧାରିବାରେ ସାହାଯ୍ୟ କରେ ଏହାକୁ ସାଧାରଣ ସେଲ୍ରେ ପରିବର୍ତ୍ତନ କରେ । ଏହି ରିସର୍ଚ୍ଚ କ୍ୟାନସର ଚିକିତ୍ସାରେ ଏକ ଯୁଗାନ୍ତକାରୀ ପଦକ୍ଷେପ ।
