ଛତ୍ରପୁର, ୧୪।୯ :ଗଞ୍ଜାମ ପୋଲିସ ଜିଲ୍ଲା ଅଧୀନରେ ଛତ୍ରପୁର ସ୍ଥିତ ରିଜର୍ଭ ପୁଲିସ ପଡିଆରେ ହୋମଗାର୍ଡ ଇଣ୍ଟରଭ୍ୟୁ ଚାଲିଥିବା ବେଳେ ଜଣେ ପରୀକ୍ଷାର୍ଥୀଙ୍କ ମୃତ୍ୟୁ ଘଟିଛି । ମୃତକ ଜଣକ ହେଲେ ତାରସିଂଥାନା ତୁଳସୀପଲ୍ଲୀ ଅଂଚଳ ର ଶିବରାମ ପ୍ରଧାନ |
ନିୟମ ଅନୁସାରେ ହୋମଗାର୍ଡ ପଦବୀ ପାଇଁ ଦୌଡ ପରୀକ୍ଷା କରାଯାଉଥିଲା । ଦୌଡ଼ ପରୀକ୍ଷା ବେଳେ ଶିବରାମ ଅସୁସ୍ଥ ହୋଇପଡ଼ିଥିଲେ । ସେଠାରୁ ସଙ୍ଗେ ସଙ୍ଗେ ତାଙ୍କୁ ଛତ୍ରପୁର ମେଡିକାଲ ନିଆଯାଇଥିଲା । ପରେ ତାଙ୍କୁ ବ୍ରହ୍ମପୁର ବଡ଼ ମେଡିକାଲ କୁ ପଠାଯାଇଥିଲା । ସେଠାରେ ତାଙ୍କର ଚିକିତ୍ସାଧୀନ ଅବସ୍ଥାରେ ମୃତ୍ୟୁ ଘଟିଛି।
