ମୋହନା,୧୧/୧୨: ଗଜପତି ଜିଲ୍ଲାରେ ଜାରି ରହିଛି ଅପରେସନ ଗ୍ରୀନ କ୍ଲିନ । ମୋହନା ଥାନା ଅନ୍ତର୍ଗତ ପେଙ୍ଗମ ଗାଁରେ ଚଢ଼ାଉ କରି ୭ କୋଟି ଟଙ୍କାର ଗଞ୍ଜେଇ ଚାଷ ନଷ୍ଟ କରିଛି ପୋଲିସ ଓ ଅବକାରୀ ବିଭାଗ । ଏହି ଅଞ୍ଚଳରେ ବ୍ୟାପକ ମାତ୍ରାରେ ଗଞ୍ଜେଉ ଚାଷ ହେଉଥିବା ଖବର ପାଇ ଚଢ଼ାଉ କରିଥିଲେ ମିଳିତ ବାହିନୀ ।
ପ୍ରାୟ ୩୫ ଏକର ଜମିରେ ଗଞ୍ଜେଇ ଚାଷ ହୋଇଥିବା ବେଳେ ଏହାକୁ ପୋଡି ନଷ୍ଟ କରାଯାଇଛି । ଏହି ଚଢ଼ାଉରେ ପୋଲିସ, ଅବକାରୀ ବିଭାଗ, ରାଜସ୍ୱ ଓ ବନ ବିଭାଗ କର୍ମଚାରୀ ସାମିଲ ଥିଲେ । ଗତ ଏକ ମାସ ହେଲା ଏହି ଅଭିଯାନ ଚାଲିଥିବା ବେଳେ ବର୍ତ୍ତମାନ ସୁଦ୍ଧା ପ୍ରାୟ ୯୦ କୋଟି ଟଙ୍କାର ଗଞ୍ଜେଇ ଚାଷ ନଷ୍ଟ କରିଛି ମିଳିତ ବାହିନୀ ।
