ଦାରିଙ୍ଗବାଡି,୨୭/୧(ଆପ୍ର): ଗଞ୍ଜେଇ ଚୋରା ଚାଲାଣ ବେଳେ ମାଡ଼ି ବସିଲା ଦାରିଙ୍ଗବାଡି ପୁଲିସ । ୩୦ କିଲୋ ୨୬୦ ଗ୍ରାମ ଗଞ୍ଜେଇ ସହ କାର ଜବତ କରିଛି ପୁଲିସ । ଏଥି ସହିତ ଗଞ୍ଜେଇ ଚୋରାଚାଲାଣ ଅଭିଯୋଗରେ ପୁଲିସ ଜଣଙ୍କୁ ଗିରଫ କରିଛି । ଗିରଫ ବ୍ୟକ୍ତି ଜଣଙ୍କ ହେଲେ ରମ୍ଭା ଥାନା ଅନ୍ତର୍ଗତ ହରିପୁର ବୁରୁଡ଼ି ଗ୍ରାମର ରଞ୍ଜିତ ନାହାକ( ୩୩) ।
ରବିବାର ରଞ୍ଜିତ ନାହାକ ଏକ କାର ଯୋଗେ ଦାରିଙ୍ଗବାଡି ଥାନା କୁମ୍ଭାରମୁଣ୍ଡା ଅଞ୍ଚଳରୁ ଗଞ୍ଜେଇ ନେଇ ସୋରଡା ଅଞ୍ଚଳକୁ ଯାଉଥିଲେ। ପୁଲିସ ଦାରିଙ୍ଗବାଡି ଅଞ୍ଚଳରେ ପାଟ୍ରୋଲିଂ କରୁଥିବା ବେଳେ ଗଞ୍ଜେଇ ଚାଲାଣ ନେଇ ବିଶେଷ ସୂତ୍ର ରୁ ଖବର ପାଇ ଗାଡ଼ିକୁ ପିଛା କରି ବାଇମେଲା ବନ ବିଭାଗ ଗେଟରେ ଗଞ୍ଜେଇ ଗାଡ଼ିକୁ ଧରିଥିଲେ । ଗାଡ଼ି ଯାଞ୍ଚ ସମୟରେ ଗାଡ଼ି ମଧ୍ୟରେ ୨ ବସ୍ତା ଗଞ୍ଜେଇ ଥିବା ପୁଲିସ ଦେଖିବାକୁ ପାଇଥିଲା । ଏହାପରେ ପୁଲିସ ଗାଡ଼ି ସହ ଗଞ୍ଜେଇ ଜବତ କରି ରଞ୍ଜିତ ନାହାକଙ୍କୁ ଗିରଫ କରିଥିଲା ।
