କଳାହାଣ୍ଡି, ୩୧/୧୦: ଭିଜିଲାନ୍ସ ମାମଲାରେ ଜେଲ୍‌ ଗଲେ ଅବସରପ୍ରାପ୍ତ ସିଡିପିଓ । ୨୦ ହଜାର ଟଙ୍କା ଲାଞ୍ଚ ମାଗି ଜେଲ୍ ଗଲେ ପୂର୍ବତନ ଲାଞ୍ଜିଗଡ଼ ସି.ଡି.ପି.ଓ ଲଷ୍ମୀବାଇ ଗୁରୁ । କଳାହଣ୍ଡି ଜିଲ୍ଲା ଲାଞ୍ଜିଗଡ଼ରେ ଏଭଳି ଘଟଣା ଘଟିଛି ।

ସୂଚନା ମୁତାବକ, ୨୦୧୭ ମସିହାରେ ଏକ ଛତୁଆ ପ୍ରସ୍ତୁତି ସଂସ୍ଥା ଠାରୁ ବକେୟା ଛତୁଆ ବିଲ କରେଇଦେବାକୁ  ୨୦ ହଜାର ଟଙ୍କା ଲାଞ୍ଚ ମାଗିଥିଲେ ପୂର୍ବତନ ଲାଞ୍ଜିଗଡ଼ ସି.ଡି.ପି.ଓ ଲଷ୍ମୀବାଇ । ଲାଞ୍ଚ ନେବାବେଳେ ଭିଜିଲାନ୍ସ ହାବୁଡ଼ରେ ପଡ଼ିଥିଲେ । ତାଙ୍କ ନାଁରେ ଏକ ମାମଲା ରୁଜୁ କରାଯାଇ ତଦନ୍ତ କରାଯାଇଥିଲା । ବର୍ତ୍ତମାନ ଏହି ମାମଲାର ଶୁଣାଣି ହୋଇଛି । ଏହି ମାମଲାରେ ତାଙ୍କୁ ୪ ବର୍ଷ ଜେଲ ଦଣ୍ଡାଦେଶ ସହିତ ୨୦ହଜାର ଜୋରିମାନା ଓ ପେନସନ ବନ୍ଦ କରିବାକୁ ମାନ୍ୟବର କୋର୍ଟ ନିର୍ଦ୍ଦେଶ ଦେଲେ l