ନୂଆଦିଲ୍ଲୀ,୦୪/୦୪: ଦେଶରେ ମୋଟ୍ ଏଲୋପାଥି ଓ ଆୟୁଷ ଡ଼ାକ୍ତରଙ୍କ ତାଲିକା ପ୍ରକାଶ କରିଛନ୍ତି କେନ୍ଦ୍ର ସରକାର । ଦେଶରେ ୧୩, ୮୬,୧୫୦ ଜଣ ଏଲୋପାଥି ଡାକ୍ତର ରହିଛନ୍ତି । ସେହିପରି ଆୟୁଷ ଚିକିତ୍ସକ ଭାବେ ଦେଶରେ ୭ ଲକ୍ଷ ୫୧ ହଜାର ୭୬୮ ପଞ୍ଜୀକୃତ ହୋଇଛନ୍ତି । ଯାହା ଡ଼ାକ୍ତର ଓ ଜନସଂଖ୍ୟା ଅନୁପାତର ୧: ୮୧୧ ।
କେନ୍ଦ୍ରୀୟ ସ୍ବାସ୍ଥ୍ୟ ଏବଂ ପରିବାର କଲ୍ୟାଣ ରାଜ୍ୟ ମନ୍ତ୍ରୀ ଅନୁପ୍ରିୟା ପଟେଲ ଏକ ଲିଖିତ ଉତ୍ତରେ ରାଜ୍ୟସଭାରେ କହିଛନ୍ତି, ଦେଶରେ ଏଯାବତ୍ ମୋଟ ୭୪ ହଜାର ୩୦୬ ପୋଷ୍ଟ ଗ୍ରାଜୁଏଟ୍ ସିଟ୍ । ଦେଶରେ ମୋଟ୍ ୧,୧୮,୧୯୦ ଏମବିବିଏସ୍ ସିଟ୍ ରହିଛି । ଉଭୟ ଏଲୋପାଥି ଓ ଆୟୁଷ ଚିକିତ୍ସା କ୍ଷେତ୍ରରେ ୮୦ ପ୍ରତିଶତ ପଞ୍ଜୀକୃତ ଡ଼ାକ୍ତର ରହିଛନ୍ତି । ଦେଶରେ ଏହା ଡ଼ାକ୍ତର ଓ ଜନସଂଖ୍ୟା ଅନୁପାତର ୧: ୮୧୧ । ଦେଶରେ ଡ଼ାକ୍ତର ଓ ମେଡ଼ିକାଲ ଫ୍ରଫେସନାଲର ସଂଖ୍ୟା ବଢାଇବାକୁ ସରକାର ପଦକ୍ଷେପ ନେଉଛନ୍ତି । ସେଥିରେ ଜିଲ୍ଲାରେ ନୂଆ ମେଡ଼ିକାଲ କଲେଜ ସ୍ଥାପନ କରିବା ଅନ୍ତର୍ଭୁକ୍ତ ରହିଛି । ଯେଉଁଥିରେ ୧୫୭ ସ୍ବୀକୃତି ମେଡ଼ିକାଲ କଲେଜ ମଧ୍ୟରୁ ୧୩୧ ନୂଆ ମେଡ଼ିକାଲ କଲେଜ ପୂର୍ବରୁ ହିଁ କାର୍ଯ୍ୟକାରୀ ହୋଇଛି ।
ମନ୍ତ୍ରୀ ଆହୁରି କହିଛନ୍ତି, ପ୍ରଧାନମନ୍ତ୍ରୀ ସ୍ବାସ୍ଥ୍ୟ ସୁରକ୍ଷା ଯୋଜନା (ପିଏମଏସଏସୱାଇ)ରେ ସୁପ ସ୍ପେଶାଲିଟି ବ୍ଲକ ନିର୍ମାଣ ହେଉଛି । ମୋଟ୍ ୭୫ଟି ପ୍ରକଳ୍ପକୁ ମଞ୍ଜୁରୀ ମିଳିଛି । ୭୧ଟି ସମାପ୍ତ ହୋଇଛି । ନୂଆ ଏମ୍ସର ସ୍ଥାପନା ପାଇଁ କେନ୍ଦ୍ରୀୟ ସେକ୍ଟର ସ୍କିମରେ ୨୨ଟି ଏମ୍ସକୁ ସ୍ବୀକୃତି ମିଳିଛି । ୧୯ଟି ସଂସ୍ଥାକୁ ସ୍ନାତ୍ତକ ପାଠ୍ୟକ୍ରମ ପାଇଁ ଆରମ୍ଭ ହୋଇ ସାରିଛି ।
ସ୍ୱାସ୍ଥ୍ୟ ବ୍ୟବସ୍ଥାରେ ସୁଧାର ଆଣିବାକୁ ରାଷ୍ଟ୍ରୀୟ ଗ୍ରାମୀଣ ସ୍ବାସ୍ଥ୍ୟ ମିଶନ (ଏନଆରଏଚଏମ) ଜରିଆରେ ମାନବ ସମ୍ବଳ କୌଶଳରେ ଉନ୍ନତୀ ଆଣିବା ଏକ ପ୍ରମୁଖ ପଦକ୍ଷେପ । ଏନଆରଏଚଏମ ଅଧୀନରେ ଦୁର୍ଗମ ଅଞ୍ଚଳରେ କାମ କରୁଥିବା କର୍ମଚାରୀଙ୍କ ପାଇଁ ଏମବିବିଏସ୍ ପାଠ୍ୟକ୍ରମରେ ସାମିଲ ହୋଇଥିବା ଏନଏମସିରେ ଜିଲ୍ଲା ପଞ୍ଜୀକୃତ କାର୍ଯ୍ୟକ୍ରମ ଜରିଆରେ ମେଡ଼ିକାଲ କଲେଜରେ ସ୍ଥାନିତ କରାଯାଇଛି ।
