ନୂଆଦିଲ୍ଲୀ,୨୦।୩:  ଚମ୍ପିଆନ୍ସ ଟ୍ରଫି ଜିତିବା ପରେ ଟିମ୍ ଇଣ୍ଡିଆ ଉପରେ ବିସିସିଆଇ କରିବ ଧନ ବର୍ଷା। ଟିମ୍ ଇଣ୍ଡିଆ ପାଇଁ ନଗଦ ୫୮ କୋଟି ଟଙ୍କାର ପୁରସ୍କାର ଘୋଷଣା। ଏହି ପୁରସ୍କାର ରାଶି ଖେଳାଳି, କୋଚିଂ, ସପୋର୍ଟ ଷ୍ଟାଫ୍ ଓ ସିଲେକ୍ଟ ମଧ୍ୟ କମିଟିକୁ ମିଳିବ। ତେବେ ବୋର୍ଡ ଏହା ସ୍ପଷ୍ଟ କରିନି ଯେ, କାହାକୁ କେତେ ମିଳିବ ?

ଭାରତୀୟ କ୍ରିକେଟ୍ କନଟ୍ରୋଲ ବୋର୍ଡ ବା BCCIର ବଡ଼ ଘୋଷଣା। ଚମ୍ପିଆନ୍ସ ଟ୍ରଫି ୨୦୨୫ ଜିତିଥିବା ଟିମ୍ ଇଣ୍ଡିଆ ଉପରେ କରିବ ଧନ ବର୍ଷା। ଦଳକୁ ମିଳିବ ୫୮ କୋଟି ଟଙ୍କାର ନଗଦ ପୁରସ୍କାର ରାଶି। BCCI ର ନଗଦ ପୁରସ୍କାର ସରକାରୀ ପୁରସ୍କାର ଟଙ୍କାର ୩ ଗୁଣ ଅଧିକ ବୋଲି ଜଣା ପଡିଛି । ଏହି ଅର୍ଥ ଖେଳାଳି, କୋଚିଂ, ସହଯୋଗୀ ଷ୍ଟାଫ୍ ଓ ସିଲେକ୍ଟ କମିଟିକୁ ମିଳିବ। ଖେଳାଳିଙ୍କ ଏହି ଦମଦାର ପ୍ରଦର୍ଶନକୁ ନେଇେ   ବିସିସିଆଇ ସଭାପତି ରୋଜର ବିନି କରିଛନ୍ତି ପ୍ରଶଂସା । ସେ କହିଛନ୍ତି ଟିମ୍‌ର ସମସ୍ତ ଖେଳାଳି ଏବଂ ସଦସ୍ୟମାନଙ୍କ ନିଷ୍ଠା ଏବଂ ଦକ୍ଷତା ଭାରତକୁ ବିଶ୍ଵସ୍ତରରେ ପ୍ରଶଂସିତ କରିଛି। 

ପୁରା ଟୁର୍ଣ୍ଣାମେଣ୍ଟରେ ଟିମ୍ ଇଣ୍ଡିଆର ପ୍ରଦର୍ଶନ ଖୁବ୍ ଚମତ୍କାର ରହିଥିଲା।  ରୋହିତ ଶର୍ମାଙ୍କ ନେତୃତ୍ବରେ ଅପରାଜେୟ ରହିଥିଲା ଦଳ। ପର୍ଯ୍ୟାୟକ୍ରମେ ଲିଗ୍‌ ମ୍ୟାଚରେ ବାଂଲାଦେଶ, ପାକିସ୍ତାନ ଏବଂ ନ୍ୟୁଜିଲାଣ୍ଡକୁ ପରାସ୍ତ କରିଥିଲା। ପରବର୍ତ୍ତୀ ସମୟରେ ସେମିଫାଇନାଲରେ ଶକ୍ତିଶାଳୀ ଅଷ୍ଟ୍ରେଲିଆକୁ ହରାଇ ଫାଇନାଲରେ କରିଥିଲା ପ୍ରବେଶ। ଫାଇନାଲ ମ୍ୟାଚରେ ଭାରତ ନ୍ୟୁଜିଲାଣ୍ଡକୁ ପରାସ୍ତ କରି ଚମ୍ପିଆନ ଟ୍ରଫି ହାତେଇଥିଲା। ଟିମ୍ର ଏହି ପ୍ରଦର୍ଶନ ପରେ ବିସିସିଆଇ ଏହି ବଡ଼ ଘୋଷଣା କରିଛି। ଏହା ପୂର୍ବରୁ ୨୦୨୪ରେ ଦଳ ଆଇସିସି ଟି-୨୦ ବିଶ୍ଵକପ ଟାଇଟଲ ବିଜୟୀ ହୋଇଥିଲା। ସେତେବେଳେ ପୁରସ୍କାର ଭାବେ ଟିମ୍ ପାଇଁ ୧୨୫  କୋଟି ଟଙ୍କା ଘୋଷଣା କରିଥିଲା ବିସିସିଆଇ।