ନୂଆଦିଲ୍ଲୀ,୬।୫: ବର୍ତ୍ତମାନ ଗ୍ରାହକଙ୍କ ଚାହିଦା ବଦଳିଛି। ପେଟ୍ରେଲ ଗାଡି ବଦଳରେ ଏବେ ଇଲେକ୍ଟ୍ରିକ୍ ବାହନ କିଣିବା ଅଧିକ ସୁବିଧାଜନକ ରହିଛି। ତେବେ ଏହି ଅଭ୍ୟାସ ଏବେ ଆପଣଙ୍କ ପକେଟ୍ ଉପରେ ଭାରି ପଡିପାରେ। କେରଳ ଷ୍ଟେଟ୍ ଇଲେକ୍ଟ୍ରିସିଟି ରେଗୁଲେଟରି କମିଶନ୍ ଇଭି ଚାର୍ଜିଂକୁ ନେଇ ବଡ ପରିବର୍ତ୍ତନ କରିଛନ୍ତି। ଏବେ ରାତିରେ ଚାର୍ଜ କଲେ ୩୦% ଅଧିକ ଟଙ୍କା ଦେବାକୁ ପଡିବ।
ସୋଲାର ପିରିୟଡ ସକାଳ ୯ଟାରୁ ଅପରାହ୍ନ ୪ଟା ରହିଛି। ଏହି ସମୟରେ ଯଦି ଆପଣ ନିଜ ଇଭି ଚାର୍ଜ କରନ୍ତି ତେବେ ଆପଣଙ୍କୁ ୩୦% ଅଧିକ କମ୍ ଟାରିଫ୍ ଦେବାକୁ ହେବ। ଯଦି ପୂର୍ବରୁ ଚାର୍ଜିଂରେ ୧୦୦ ଲାଗୁଥିଲା, ଏବେ କେବଳ ୭୦ ଲାଗିବ। ତେବେ ନନ୍-ସୋଲାର ପିରିୟଡ ଅପରାହ୍ନ ୪ଟାରୁ ସକାଳ ୯ଟା ପର୍ଯ୍ୟନ୍ତ ରହିଛି। ଏହି ସମୟରେ ଚାର୍ଜିଂ କରିବା ନେଇ ୩୦% ଅଧିକ ଟାରିଫ୍ ଲାଗିବ। ଏବେ ଏହି ଚାର୍ଜିଂ ଏବେ ୧୩୦ ପଢିବ। ତେବେ ଏହି ଟାରିଫ୍ କେବଳ ପବ୍ଲିକ୍ ଇଭି ଚାର୍ଜିଂ ଷ୍ଟେସନ୍ ପାଇଁ ଲାଗୁ କରାଯାଇଛି।
ଘରେ ଚାର୍ଜ କରୁଥିବା ଲୋକଙ୍କ ଉପରେ ଏହାର ପ୍ରଭାବ ପଡିବ ନାହିଁ। ଏହି ନିୟମ ବର୍ତ୍ତମାନ କେରଳ ରାଜ୍ୟରେ ଲାଗୁ କରାଯାଇଛି, କିନ୍ତୁ ଆଗାମୀ ଦିନରେ ଅନ୍ୟ ରାଜ୍ୟରେ ମଧ୍ୟ ଲାଗୁ ହୋଇପାରେ। ଯେଉଁ ଚାର୍ଜିଂ ଷ୍ଟେସନ୍ ସୋଲାର ପାଓ୍ବାରର ବ୍ୟବହାର କରନ୍ତି, ତାଙ୍କୁ ଏବେ ନୂଆ ଚ୍ୟାଲେଞ୍ଜ ସାମନା କରିବାକୁ ପଡିପାରେ। ଯଦି ଦିନରେ ସୋଲାର ପାଓ୍ବାର ପୁରା ବ୍ୟବହାର ନକରନ୍ତି ତେବେ ତାଙ୍କୁ କ୍ଷତି ସହିବାକୁ ହେବ। କାରଣ ସନ୍ଧ୍ୟା ସମୟରେ ଉପଯୋଗ କରାଯାଉଥିବା ବିଜୁଳିର କ୍ରେଡିଟ୍ ତାଙ୍କୁ ପୁରା ମିଳିବନି।
