ନୂଆଦିଲ୍ଲୀ: ଛତିଶଗଡ଼ର ରାଜଧାନୀ ରାୟପୁରରୁ ଏକ ଭୟଙ୍କର ସଡ଼କ ଦୁର୍ଘଟଣାର ଖବର ଆସୁଛି। ମନ୍ଦିର ହାସୌଦ ଥାନା ଅଞ୍ଚଳ ଅନ୍ତର୍ଗତ ୫୩ ନମ୍ବର ଜାତୀୟ ରାଜପଥରେ ଏକ ଟ୍ରକ୍ ଏବଂ ଏକ କାର ମଧ୍ୟରେ ମୁହାଁମୁହିଁ ଧକ୍କା ହୋଇଛି। ଏହି ଦୁର୍ଘଟଣାରେ ମୋଟ ୫ ଜଣଙ୍କର ମୃତ୍ୟୁ ହୋଇଛି। ଘଟଣାଟି ଉମାରିଆର ମୟୂର କଲେଜ ନିକଟରେ ଘଟିଛି।
ଏହି ଘଟଣାଟି ମନ୍ଦିର ହାସୌଦ ଥାନା ଅଞ୍ଚଳରେ ଘଟିଛି। ମୃତକଙ୍କ ମଧ୍ୟରେ ମହିଳାମାନେ ମଧ୍ୟ ଅନ୍ତର୍ଭୁକ୍ତ ଅଛନ୍ତି। ଘଟଣା ସମ୍ପର୍କରେ ସୂଚନା ପାଇବା ପରେ ପୋଲିସ ଘଟଣାସ୍ଥଳରେ ପହଞ୍ଚିଥିଲା। ଏକ କ୍ରେନ୍ ସାହାଯ୍ୟରେ ମୃତଦେହ ଗୁଡ଼ିକୁ ବାହାର କରାଯାଇଥିଲା। ଏହି ଭୟଙ୍କର ସଡ଼କ ଦୁର୍ଘଟଣାରେ କାରଟି ସମ୍ପୂର୍ଣ୍ଣ ନଷ୍ଟ ହୋଇଯାଇଛି। ମୃତଦେହ ଗୁଡ଼ିକ କ୍ଷତବିକ୍ଷତ ଅବସ୍ଥାରେ ଥିବାରୁ ମୃତକ ମାନଙ୍କୁ ଏପର୍ଯ୍ୟନ୍ତ ଚିହ୍ନଟ କରାଯାଇ ନାହିଁ। କାରର ଟାୟାର ଫାଟିଯିବାରୁ ଏହି ଘଟଣା ଘଟିଥିବା କୁହାଯାଉଛି।
ଦୁର୍ଘଟଣା ପରେ ରାଜପଥରେ ଜାମ୍ ହୋଇଥିଲା। ସୂଚନା ପାଇବା ପରେ ପୋଲିସ ଘଟଣାସ୍ଥଳରେ ପହଞ୍ଚି ପରିସ୍ଥିତିକୁ ନିୟନ୍ତ୍ରଣ କରିଥିଲା। ପୋଲିସ ଏକ ରିପୋର୍ଟ ରୁଜୁ କରି ଘଟଣାର ତଦନ୍ତ କରୁଛି। ଦୁର୍ଘଟଣା ସମ୍ପର୍କରେ ପ୍ରତ୍ୟକ୍ଷଦର୍ଶୀ ମାନେ କହିଛନ୍ତି ଯେ, ଟାୟାର ଫାଟିବା ପରେ ଦ୍ରୁତ ଗତିରେ ଆସୁଥିବା କାରଟି ଡିଭାଇଡର୍ ଭାଙ୍ଗି ସାମ୍ନାରୁ ଆସୁଥିବା ଏକ ଟ୍ରକ୍ ସହିତ ଧକ୍କା ଦେଇଥିଲା। ପୋଲିସ ଏହି ଘଟଣାର ତଦନ୍ତ କରୁଛି।
