ନବରଙ୍ଗପୁର, ୧୦/୧୧ :  ନବରଙ୍ଗପୁର ଜିଲ୍ଲା କୋଷାଗୁମୁଡ଼ା ବ୍ଲକ ସୀମାନ୍ତ ବକାୱଣ୍ଡ ରାଜନଗର ନିକଟରେ ବିଳମ୍ବିତ ରାତି ପିକଅପ-ଟ୍ରାକ୍ଟର ଧକ୍କାରେ ୩ଓଡ଼ିଆ ଶ୍ରମିକଙ୍କ ମୃତ୍ୟୁ ହୋଇଥିବାବେଳେ ୧୨ ଆହତ ହୋଇଥିବା ସୂଚନା ମିଳିଛି । ମୃତକ ଶ୍ରମିକ ହେଲେ ଏମ କେରାଗାଁ ପଞ୍ଚାୟତ ଶିରିଗୁଡ଼ା ଗ୍ରାମର ଧନାଇ ଭତ୍ରା(୪୨), ପୂର୍ଣ୍ଣି ଭତ୍ରା(୫୬) ଓ ଦୟାବତୀ ସରାବୁ(୪୪) ।

ସୂଚନା ଅନୁଯାୟୀ ଛତିଶଗଡ ରାଜ୍ୟ ବାକାୱଣ୍ଡ ଥାନା ପଣ୍ଡାନାର ଗୁଜୁରାତି କୃଷି ଫାର୍ମରେ ଶ୍ରମିକ ଭାବେ ଏମ.କେରାଗାଁ ପଞ୍ଚାୟତ ଶିରାଗୁଡ଼ା ଗ୍ରାମରୁ ୨୦ରୁ୨୫ ଶ୍ରମିକ ପ୍ରତିଦିନ ପିକଅଫ ଯୋଗେ ଯାଉଥିଲେ । ଶନିବାର ବିଳମ୍ବିତ ରାତିରେ ଘରକୁ ଫେରୁଥିବା ସମୟରେ ବକାୱଣ୍ଡ ନିକଟ ରାଜନଗର ନିକଟରେ ଧାନ ଭାର ଆଣୁଥିବା ଟ୍ରାକ୍ଟରଟ୍ରଲି ସହ ପିକଓଫ ଧକ୍କା ହେଇଥିଲା । ଘଟଣାସ୍ଥଳରେ ଆହତ ସମସ୍ତ ଶ୍ରମିକଙ୍କୁ ଛତିଶଗଡ଼ ଡିମରାପାଲ ମେଡିକାଲ କଲେଜକୁ ନିଆଯାଇଥିଲା । ଚିକିତ୍ସାଧୀନ ଅବସ୍ଥାରେ ୩ଶ୍ରମିକଙ୍କ ମୃତ୍ୟୁ ହୋଇଥିବା ବେଳେ ୪ଗୁରୁତର ରହିଥିବା ବେଳେ ଅନ୍ୟମାନେ ଆହତ ହୋଇ ଚିକିତ୍ସା ହେଉଥିବା ସୂଚନା ମିଳିଛି । ଡାବୁଗାଁ ବିଧାୟକ ମନୋହର ରନ୍ଧାରୀ ଡିମାରାପାଲା ସ୍ଥିତ ମେଡ଼ିକାଲରେ  ପହଞ୍ଚି   ଚିକିତ୍ସାଧୀନ ଥିବା ଗୁରୁତର ମାନଙ୍କ ସ୍ୱାସ୍ଥ୍ୟ ଅବସ୍ଥା ବୁଝିବା ସହିତ ଶବ ବ୍ୟବଚ୍ଛେଦ ପରେ ମୃତକ ଙ୍କ ଶରୀର କିଭଳି ସେମାନଙ୍କ ଘରେ ପହଞ୍ଚିବ ସେ ନେଇ ଆଲୋଚନା କରିଛନ୍ତି ଡାବୁଗାଁ ବିଧାୟକ ମନହର ରନ୍ଧାରୀ l