ଭୁବନେଶ୍ୱର,୧୨/୧୧: ମଙ୍ଗଳବାର ନୂଆଦିଲ୍ଲୀ ଗସ୍ତ ଯିବେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । ମଙ୍ଗଳବାର ସକାଳ ୧୦ଟାରେ ସେ ଭୁବନେଶ୍ୱର ବିମାନବନ୍ଦରରୁ ଦିଲ୍ଲୀ ଅଭିମୁଖେ ଯିବେ । ଦିଲ୍ଲୀରେ ହୋଟେଲ ଅଶୋକାରେ ୧୨ଟା ୪୫ରେ ପହଞ୍ଚିବେ । ପରେ ସନ୍ଧ୍ୟା ୫ଟାରେ ଜବାହରଲାଲ ନେହରୁ ଭବନର ସିବି ମୁଥାମା ହଲରେ ହେବାକୁ ଥିବା ୧୮ତମ ପ୍ରବାସୀ ଭାରତୀୟ ଦିବସର ନୂଆ ୱେବସାଇଟ୍ ଲୋକାର୍ପଣ କାର୍ଯ୍ୟକ୍ରମରେ ଯୋଗ ଦେବେ । କାର୍ଯ୍ୟକ୍ରମରେ ବୈଦେଶିକ ବ୍ୟାପାର ମନ୍ତ୍ରୀ ଏସ୍ ଜୟଶଙ୍କର ମଧ୍ୟ ଉପସ୍ଥିତ ରହିବେ । ୱେବସାଇଟ୍ ଲୋକାର୍ପଣ କାର୍ଯ୍ୟକ୍ରମ ସରିବା ପରେ ହୋଟେଲ୍ ଅଶୋକାରେ ରାତ୍ରି ଯାପନ କରିବେ । ୧୩ ତାରିଖ ସକାଳ ୯ଟା୪୫ରେ ହୋଟେଲ୍ ଅଶୋକାରୁ ବାହାରି ପୁଣି ଭୂବନେଶ୍ୱଣ ଅଭିମୁଖେ ଆସିବେ ବୋଲି ସୂଚନା ମିଳିଛି ।
ଉଲ୍ଲେଖଯୋଗ୍ୟ, ୨୦୨୫ ଜାନୁଆରୀ ୮ରୁ ୧୦ ତାରିଖ ପର୍ଯ୍ୟନ୍ତ ଭୁବନେଶ୍ୱର ଜନତା ମଇଦାନରେ ୧୮ତମ ପ୍ରବାସୀ ଭାରତୀୟ ଦିବସ ଅନୁଷ୍ଠିତ ହେବ । ଏହି କାର୍ଯ୍ୟକ୍ରମକୁ ବିଶାଳ ଭାବେ ଆୟୋଜନ କରାଯିବା ସହିତ ରାଜ୍ୟ ତଥା ଦେଶ ବାହାରୁ ବହୁ ଶିଳ୍ପପତି, ବିଶିଷ୍ଟ ଉଦ୍ୟୋଗୀ, ରାଷ୍ଟ୍ରଦୂତ ପ୍ରମୁଖ ଯୋଗ ଦେବାର କାର୍ଯ୍ୟକ୍ରମ ରହିଛି।
