ଜମ୍ମୁକାଶ୍ମୀରେ ହାଇ ଆଲର୍ଟ…
NIA ମୁଖ୍ୟାଳୟ ନିକଟରୁ ମିଳିଲା ସନ୍ଦିଗ୍ଧ ସାମଗ୍ରୀ…
ସମଗ୍ର ଅଞ୍ଚଳକୁ ତୁରନ୍ତ ଘେରାବନ୍ଦୀ କଲା ପୋଲିସ…
ନୂଆଦିଲ୍ଲୀ : ଜମ୍ମୁ କାଶ୍ମୀରର ସିଦରା ଅଞ୍ଚଳରେ ପୋଲିସ ହାଇ ଆଲର୍ଟ ଜାରି କରିଛି। ପୋଲିସ ଏହି ଅଂଚଳରୁ ଆଜି (ରବିବାର) ଏକ ଟେଲିସ୍କୋପ ଉଦ୍ଧାର କରିଛି, ଯାହା ସମ୍ଭବତଃ ଏକ ଆସଲ୍ଟ ରାଇଫଲ୍ ପାଇଁ ବ୍ୟବହୃତ କରାଯାଇଥାଏ । ଜାତୀୟ ତଦନ୍ତକାରୀ ସଂସ୍ଥା (NIA) ମୁଖ୍ୟାଳୟ ନିକଟରୁ ଏହି ଟେଲିସ୍କୋପଟି ଉଦ୍ଧାର କରାଯାଇଛି । ଏହା ଏକ ଚୀନ୍ କମ୍ପାନୀ ଦ୍ୱାରା ନିର୍ମିତ ହୋଇଥିବା ଜଣାପଡିଛି । ଏହି ଘଟଣା ପରେ, ଜମ୍ମୁରେ ଏକ ହାଇ ଆଲର୍ଟ ଘୋଷଣା କରାଯାଇଛି।
ଜମ୍ମୁ କାଶ୍ମୀରର NIA ମୁଖ୍ୟାଳୟ ନିକଟବର୍ତ୍ତୀ ଅଂଚଳକୁ ଏକ ଉଚ୍ଚ-ସୁରକ୍ଷା ଅଞ୍ଚଳରେ ଗଣାଯାଏ । ଏହି ଅଂଚଳକୁ ନିୟମିତ ନିରୀକ୍ଷଣ ଏବଂ ଯାଞ୍ଚ କରାଯାଇଥାଏ । ତେବେ ଯାଞ୍ଚ ସମୟରେ ଏହି ସନ୍ଦିଗ୍ଧ ଉପକରଣଟି ମିଳିଛି । ଏହି ସନ୍ଦିଗ୍ଧ ସାମଗ୍ରୀଟିକୁ ଜବତ କରିବା ପରେ ସତର୍କତାମୂଳକ ପଦକ୍ଷେପ ସ୍ୱରୂପ ସମଗ୍ର ଅଞ୍ଚଳକୁ ତୁରନ୍ତ ଘେରାବନ୍ଦୀ କରାଯାଇଥିଲା। ଏହା ବ୍ୟତୀତ, ସୁରକ୍ଷା ବାହିନୀ ଆଖପାଖ ଅଞ୍ଚଳରେ ସୁରକ୍ଷା ଯାଞ୍ଚକୁ କଡ଼ାକଡ଼ି କରିଛି ଏବଂ ଏକ ସମ୍ପୂର୍ଣ୍ଣ ତଦନ୍ତ ଆରମ୍ଭ କରାଯାଇଛି।
ଏକ ବଡ଼ ଆକ୍ରମଣର ଭୟ…
ସୂଚନାଥାଉକି, ଏହି ଟେଲିସ୍କୋପକୁ ଦୀର୍ଘ ଦୂରତା ସଠିକ୍ ଲକ୍ଷ୍ୟଭେଦ ପାଇଁ ବ୍ୟବହାର କରାଯାଏ। NIA ମୁଖ୍ୟାଳୟ ନିକଟରେ ଟେଲିସ୍କୋପ ମିଳିବାକୁ ନେଇ ବିଭିନ୍ନ ପ୍ରଶ୍ନବାଚୀ ସୃଷ୍ଟି ହୋଇଛି। ଏହା ଏକ ବଡ଼ ଆତଙ୍କବାଦୀ ଆକ୍ରମଣ କରିବାର ପ୍ରୟାସ ହୋଇପାରେ ବୋଲି କୁହାଯାଉଛି ।
ଆତଙ୍କବାଦୀ ଏବଂ ସୁରକ୍ଷା ବାହିନୀ ମଧ୍ୟରେ ଏନକାଉଣ୍ଟର…
ଗତ ସୋମବାର ଜମ୍ମୁ କାଶ୍ମୀରର ଉଧମପୁର ଜିଲ୍ଲାର ମାଜଲତା ଅଞ୍ଚଳର ସୁଆନ ଗାଁରେ ଭାରତୀୟ ସୁରକ୍ଷା ବାହିନୀ ଏବଂ ଆତଙ୍କବାଦୀଙ୍କ ମଧ୍ୟରେ ଏକ ଏନକାଉଣ୍ଟର ହୋଇଥିଲା। ଏହି ଏନକାଉଣ୍ଟରରେ ଜମ୍ମୁ ଏବଂ କାଶ୍ମୀର ପୋଲିସର ଜଣେ କନଷ୍ଟେବଳ ସହିଦ ହୋଇଥିଲେ।
ଏହା ସହ ପଢନ୍ତୁ : ଦିଲ୍ଲୀରେ ଖରାପ ପାଗ ପାଇଁ ବିମାନ ସେବା ବାଧାପ୍ରାପ୍ତ; ୧୧୦ ଟି ବିମାନ ବାତିଲ, ୩୭୦ ରୁ ଅଧିକ ବିମାନ ବିଳମ୍ବ, ଯାତ୍ରୀ ହନ୍ତସନ୍ତ…
