ଆପଣଙ୍କ ପାଦ କ’ଣ ପ୍ରତ୍ୟେକ ସମୟରେ ଥଣ୍ଡା ରହୁଛି କି ? ଏହା କେବଳ ଥଣ୍ଡାର ପ୍ରଭାବ ନୁହେଁ, ବରଂ କୌଣସି ସ୍ୱାସ୍ଥ୍ୟ ସମସ୍ୟାର ଲକ୍ଷଣ ମଧ୍ୟ ହୋଇପାରେ। ଗୁରୁଗ୍ରାମର ପାରସ ହସ୍ପିଟାଲର ଡାକ୍ତର ସଞ୍ଜୟ ଗୁପ୍ତା ରହିଛନ୍ତି ଯେ, ଥଣ୍ଡା ପବନର ସଂସ୍ପର୍ଶରେ ଆସିବା ଯୋଗୁଁ ପାଦ ଶିରାଗୁଡ଼ିକ ସଙ୍କୁଚିତ ହୋଇଯାଏ। ଏହା ରକ୍ତ ପ୍ରବାହକୁ ହ୍ରାସ କରେ ଏବଂ ପାଦ ଥଣ୍ଡା ହେବାକୁ ଲାଗେ।
ଯଦି ଶରୀରରେ ରକ୍ତ ପ୍ରବାହ ଠିକ୍ ଥାଏ ତେବେ ଶରୀର ଉଷ୍ମତା ପାଏ। ରକ୍ତ ସଞ୍ଚାଳନ କମିଗଲେ ପାଦ ଚର୍ମକୁ ଅମ୍ଳଜାନ ପହଞ୍ଚିପାରେ ନାହିଁ।ରକ୍ତ ପ୍ରବାହ କମିଯିବା ଯୋଗୁଁ, ପାଦ ଥଣ୍ଡା ହୋଇଯାଏ ଏବଂ ହାଲୁକା ନୀଳ ଦେଖାଯାଏ। ଏହା ଏକ ସଙ୍କେତ ଯେ ଆପଣଙ୍କ ପାଦରେ ସଠିକ୍ ପରିମାଣର ରକ୍ତ ପହଞ୍ଚି ପାରୁନାହିଁ।
ଯଦି ଶରୀର କମ୍ ଥାଇରଏଡ୍ ହରମୋନ୍ (ହାଇପୋଥାଇରଏଡିଜ୍ମ) ଉତ୍ପାଦନ କରେ, ତେବେ ମେଟାବୋଲିଜିମ୍ ଧୀର ହୋଇଯାଏ। ଏହା ରକ୍ତ ସଞ୍ଚାଳନ, ହୃଦସ୍ପନ୍ଦନ ଏବଂ ଶରୀରର ତାପମାତ୍ରାରେ ବାଧା ସୃଷ୍ଟି କରେ । ଯାହା ଫଳରେ ପାଦ ଥଣ୍ଡା ରହିଥାଏ। ରକ୍ତହୀନତା ଅର୍ଥାତ୍ ରକ୍ତ ଅଭାବ ଥିଲେ ମଧ୍ୟ ପାଦ ଥଣ୍ଡା ରହିଥାଏ। ଆଇରନ୍, ଫୋଲେଟ୍ କିମ୍ବା ଭିଟାମିନ୍ ବି୧୨ ଅଭାବରୁ ଏହି ସମସ୍ୟା ବଢ଼ିପାରେ। ଏହା କିଡନୀ ରୋଗରେ ପୀଡିତ କିମ୍ବା ଡାଏଲିସିସ୍ ନେଉଥିବା ଲୋକଙ୍କଠାରେ ମଧ୍ୟ ଏହି ସମସ୍ୟା ହୋଇଥାଏ ।
ସ୍ନାୟୁ କ୍ଷତି (ସ୍ନାୟୁ ବିକାର) କିମ୍ବା ଫ୍ରଷ୍ଟବାଇଟ୍ କାରଣରୁ ମଧ୍ୟ ପାଦରେ ଯନ୍ତ୍ରଣା ଏବଂ ଥଣ୍ଡା ଲାଗେ। କିଡନୀ କିମ୍ବା ଯକୃତ ସମ୍ବନ୍ଧୀୟ ରୋଗରେ ମଧ୍ୟ ସ୍ନାୟୁ କ୍ଷତିଗ୍ରସ୍ତ ହୋଇପାରେ । ଯାହା ପାଦ ଥଣ୍ଡା ହେବାର ସମସ୍ୟା ସୃଷ୍ଟି କରେ। ଯେଉଁମାନେ ବହୁତ ଚାପ କିମ୍ବା ଚିନ୍ତାରେ ରହୁଛନ୍ତି, ସେମାନଙ୍କର ପାଦରେ ରକ୍ତ ପ୍ରବାହ କମିଯାଏ। ତାପମାତ୍ରା ହ୍ରାସ ପାଇବା ସହିତ ପାଦ ଥଣ୍ଡା ହୋଇଯାଏ। ତେଣୁ ଚାପକୁ ନିୟନ୍ତ୍ରଣ କରିବା ଗୁରୁତ୍ୱପୂର୍ଣ୍ଣ। ଯେଉଁମାନେ ବହୁତ ଚାପ କିମ୍ବା ଚିନ୍ତାରେ ରହୁଛନ୍ତି, ସେମାନଙ୍କର ପାଦରେ ରକ୍ତ ପ୍ରବାହ କମିଯାଏ। ତାପମାତ୍ରା ହ୍ରାସ ପାଇବା ସହିତ ପାଦ ଥଣ୍ଡା ହୋଇଯାଏ। ଚାପକୁ ନିୟନ୍ତ୍ରଣ କରିବା ଗୁରୁତ୍ୱପୂର୍ଣ୍ଣ।
