ମୁମ୍ବାଇ,୦୪/୧୨: ଜଣାଶୁଣା କମେଡ଼ିଆନ ସୁନୀଲ ପାଲ୍ ନିଖୋଜ । ଗତ ୨୪ ଘଣ୍ଟା ଧରି ମିଳୁନଥିଲା କୌଣଲି ପତ୍ତା। ଯାହାକୁ ନେଇ ତାଙ୍କ ପତ୍ନୀ ମୁମ୍ବାଇର ସାଂତାକ୍ରୁଜ ପୋଲିସ ଷ୍ଟେସନରେ ଅଭିଯୋଗ କରିଥିଲେ । ଯାହାପରେ ପୋଲିସ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଥିବା ବେଳେ ବର୍ତ୍ତମାନ ପୋଲିସ ତାଙ୍କୁ ଖୋଜି ବାହାର କରିଛି ।
ତେବେ ଦ ଗ୍ରେଟ ଇଣ୍ଡିୟନ ଲାଫ୍ଟର ତ୍ୟାଲେଞ୍ଜର ବିଜେତା ସୁନିଲ ପାଲ କିଛି ସମୟ ଧରି ନିଜର ଏକ ଶୋ ପାଇଁ ମୁମ୍ବାଇରୁ ବାହାରେ ଥିଲେ। ସେ ଡିସେମ୍ବର ୩ରେ ନିଜ ଘରକୁ ଫେରିବା ପାଇଁ କହିଥିଲେ । କିନ୍ତୁ ଘରକୁ ନ ଫେରିବା ସହ ତାଙ୍କ ଫୋନ ମଧ୍ୟ ବନ୍ଦ ଥିଲା । ତାଙ୍କ ପତ୍ନୀ ତାଙ୍କୁ ବାରମ୍ବାର ଫୋନ କରିଥିବା ବେଳେ ସୁନୀଲଙ୍କ ସହିତ କୌଣସି ଯୋଗାଯୋଗ ହୋଇପାରିନଥିଲା । ଯାହାକୁ ନେ ସେ ଚିନ୍ତିତ ହେବା ସହ ପୋଲିସର ସାହାର୍ଯ୍ୟ ନେଇଥିଲେ । ଏନେଇ ମୁମ୍ବାଇ ପୋଲିସ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଥିଲା । ଯାଞ୍ଚ ସମୟରେ ଜଣାପଡିଥିଲା ଯେ,ସୁନୀଲଙ୍କ ଫୋନ ଖରାପ ଅଚାନକ ଖରାପ ହୋଇଯାଇଥିଲା । ଯାହାଦ୍ବାରା ତାଙ୍କ ପତ୍ନୀଙ୍କ ସହ କୌଣସି ଯୋଗାଯୋଗ ହୋଇପାରିନଥିଲା ।ଏହାପରେ ପୋଲିସ ସୁନୀଲ ପାଲଙ୍କ ସହ ସମ୍ପର୍କ କରିଥିବା ବେଳେ ଆଜି ସେ ମୁମ୍ବାଇ ଫେରିବେ ବୋଲି ସୂଚନା ଦେଇଛନ୍ତି । ସୁନୀଲ ଆହୁରି ମଧ୍ୟ କହିଛନ୍ତି ଯେ, ତାଙ୍କର ଅପହରଣ କରାଯାଇଥିଲା। ହେଲେ ବର୍ତ୍ତମାନ ଯାଏଁ ତାଙ୍କର ଅପହରଣ କିଏ କରିଥିଲା । ଏନେଇ କୌଣସି ସୂଚନା ମିଳିନି ।
ପ୍ରକାଶ ଥାଉକି, ସୁନୀଲ ତାଙ୍କର କ୍ୟାରିୟରରେ ଅନେକ କମେଡ଼ି ଶୋ’କରିଛନ୍ତି । ନିଜର ନିଖୁଳ କହିବା ଶୈଳୀରେ ସୁନୀଲ ଦର୍ଶକଙ୍କୁ ହସାଇବାରେ ବେଶ୍ ଓସ୍ତାଦ ଥିଲେ । ଏଥିସହିତ ସୁନୀଲ ଅଭିନୟରେ ମଧ୍ୟ ନିଜର ପାଦ ରଖିଥିଲେ । ସେ ‘ଫିର ହେରା ଫେରୀ’, ‘ଅପନା ସପନା ମନୀ ମନୀ’, ‘ବମ୍ବୋ ଟୁ ଗୋଆ’ ଓ ‘କିକ’ ପରି ବହୁ ଫିଲ୍ମରେ କାମ କରିଥିଲେ । ସୁନୀଲ ନିଜର ନିଆରା କମେଡ଼ି ମାଧ୍ୟମରେ ଦର୍ଶକଙ୍କ ହୃଦୟ ଜିତିପାରିଛନ୍ତି । ୨୦୦୫ରେ ଟିଭିରେ ଆସିଥିବା ‘ଦ ଗ୍ରେଟ ଇଣ୍ଡିଆନ ଲାଫ୍ଟର ଚ୍ୟାଲେଞ୍ଜ’ରେ ସୁନୀଲ କାମ କରିଥିଲେ । ସୁନୀଲ ଷ୍ଟାଣ୍ଡ ଅପ୍ କମେଡ଼ି ପାଇଁ ବେଶ୍ ସୁପରିଚିତ ।
