ନୂଆଦିଲ୍ଲୀ,୨।୭: କଂଗ୍ରେସ ନେତା ଅଜୟ କୁମାରଙ୍କ ମନ୍ତବ୍ୟକୁ ନେଇ ବିବାଦ। ସିକ୍କିମକୁ ‘ପଡୋଶୀ ଦେଶ’ କହିବା ନେଇ ଟିପ୍ପଣୀକୁ ରାଜ୍ୟର ରାଜନୈତିକ ଦଳ ସହିତ ସମାଜର ବିଭିନ୍ନ ବର୍ଗର ଲୋକେ କଡା ସମାଲୋଚନା କରିଛନ୍ତି। କୁମାର ମଙ୍ଗଳବାର ପ୍ରେସବାର୍ତ୍ତା ବେଳେ ଏହି ରାଜ୍ୟକୁ ବାଂଲାଦେଶ, ନେପାଳ ଓ ଶ୍ରୀଲଙ୍କା ସହ ପଡୋଶୀ ଦେଶ କହିଥିଲେ। ତେବେ ଏହି ପ୍ରସଙ୍ଗରେ ବିବାଦ ଉଠିବା ପରେ ବରିଷ୍ଠ କଂଗ୍ରେସ ନେତା ମଙ୍ଗଳବାର କ୍ଷମା ମାଗି କହିଛନ୍ତି, ତାଙ୍କର ପାଟିରୁ ଭୁଲ୍ରେ ବାହାରିଗଲା।’
ସେ କହିଛନ୍ତି, କାଲି ସେଲ୍( ଷ୍ଟିଲ ଅଥରିଟି ଅଫ୍ ଇଣ୍ଡିଆ) ୪୦୦ କୋଟି ଟଙ୍କାର ଦୁର୍ନୀତି ଉପରେ ନିଜର ପ୍ରେସ ବାର୍ତ୍ତାରେ ଯେତେବେଳେ ମୁଁ ନିଜର ପଡୋଶୀ ଦେଶ ସହ ଖରାପ ସମ୍ପର୍କ ଉପରେ କହୁଥିଲି ମୁଁ ଭୁଲରେ ଏହି ରାଜ୍ୟର ନାଁ ନେଇଗଲି। ଯେଉଁଥିପାଇଁ ମୁଁ କ୍ଷମା ମାଗୁଛି। କାରଣ ଭୁଲରେ ମୋ ପାଟିରୁ ଏହା ବାହାରିଗଲା। ବିଜେପିର ବିରୋଧି ଦଳ ନେତା ଛୋଟ ଛୋଟ ଭୁଲ ଉପରେ ନଜର ରଖିଛନ୍ତି।’
ସିକ୍କିମର ଏକମାତ୍ର ଲୋକସଭା ସଦସ୍ୟ ଇନ୍ଦ୍ର ହମ୍ ସୁବା କହିଛନ୍ତି, କୁମାରଙ୍କ ଟିପ୍ପଣୀ ଅପମାନଜନକ। ଏହା ରାଜ୍ୟର ଲୋକଙ୍କର ଗଭୀର ଅପମାନ, ଯେଉଁମାନେ ରାଷ୍ଟ୍ର ପାଇଁ ଅତୁଟ ନିଷ୍ଠାର ସହ ଠିଆ ହୋଇଛନ୍ତି।’ ସେ ସୋସିଆଲ ମିଡିଆ ମଞ୍ଚ ଫେସବୁକରେ ପୋଷ୍ଟ କରି କହିଥିଲେ, ଏଭଳି ବିଭାଜନକାରୀ ବୟାନବାଜି ଆମର, ସମ୍ବିଧାନିକ ଏକତା ବିଷୟରେ ଗହନ ଅଜ୍ଞାନତାକୁ ଦର୍ଶାଉଛି ଓ ପୂର୍ବୋତ୍ତରର ଗୌରବଶାଳୀ ପରିଚୟର ଅପମାନ କରିଥାଏ।’
