ବଙ୍ଗୋମୁଣ୍ଡା,୨୨/୦୭: ବଲାଙ୍ଗୀର ଜିଲ୍ଲା ବଙ୍ଗୋମୁଣ୍ଡା ବ୍ଲକର କପିଳାଭଟା ଓ ଝରିଏଲ ପଞ୍ଚାୟତରେ ମନରେଗା ଯୋଜନାରେ ବ୍ୟାପକ ଦୁର୍ନୀତି ଅଭିଯୋଗ । ଏନେଇ ବଙ୍ଗୋମୁଣ୍ଡା ବ୍ଲକ୍ ଘେରାଉ କରିବା ସହିତ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଦାବିପତ୍ର ପ୍ରଦାନ କରିଛି କଂଗ୍ରେସ । ପୂର୍ବତନ ବିଧାୟକ ସନ୍ତୋଷ ସିଂ ସାଲୁଜାଙ୍କ ନେତୃତ୍ୱରେ ଏହି ଘେରାଉ ହୋଇଛି ।
ତେବେ ଦାଦନ ପ୍ରବଣ ଅଞ୍ଚଳରେ ଲୋକଙ୍କୁ କାମ ଯୋଗାଇବା ଉଦ୍ଦେଶ୍ୟରେ ଯୋଜନା ହୋଇଛି। ମାତ୍ର ଗରିବଙ୍କ ଶହେ ଦିନ କାମ ମିଳିବା ବଦଳରେ ଅଣଦେଖା କରାଯାଉଛି । ଦୁର୍ନୀତି କରି ଠିକାଦାର ମେସିନ ସାହାଯ୍ୟରେ କାର୍ଯ୍ୟ କରୁଥିବା ଅଭିଯୋଗ କରିଛି କଂଗ୍ରେସ । ମନରେଗା ଦୁର୍ନୀତି ବିରୋଧରେ ବଡ଼ କାର୍ଯ୍ୟାନୁଷ୍ଠାନ ଦାବିରେ ଆଜି ବ୍ଲକ ଅଫିସ୍ ଘେରାଉ ଥିବା ବେଳେ ଆଗାମୀ ଦିନରେ ପିଡ଼ି କାର୍ଯ୍ୟାଳୟ ଘେରାଉ କରାଯିବ ବୋଲି କଂଗ୍ରେସର ବରିଷ୍ଠ ନେତା ସନ୍ତୋଷ ସିଂହ ସାଲୁଜା ଚେତାବନୀ ଦେଇଛନ୍ତି ।
ଏହାଛଡ଼ା ଦାବିପତ୍ର ପ୍ରଦାନ ବେଳେ ପୂର୍ବ ବିଧାୟକ ସାଲୁଜାଙ୍କ ସମେତ ଉପାଧ୍ୟକ୍ଷ କେଶବ ନାରାୟଣ ଜୈନ, ଜିଲ୍ଲା ପରିଷଦ ସଦସ୍ୟ ଓମ କୁମ୍ଭାର, ଅବସରପ୍ରାପ୍ତ ଶିକ୍ଷକ ନୀଳକଣ୍ଠ ତ୍ରିପାଠୀ,ଭାଗ୍ୟ ହିଆଲ ବିଜୟ ବନ୍ସଲ ଜତୀନ୍ଦ୍ର ପଟେଲ, ଶ୍ରୀକର ମାଝୀଙ୍କ ସମେତ ବ୍ଲକ ଅନ୍ତର୍ଗତ ବିଭିନ୍ନ ଗାଁରୁ ଶହ ଶଙ କର୍ମୀ ଏଥିରେ ସାମିଲ ହୋଇଥିଲେ ।
