ଭୁବନେଶ୍ବର, ୩।୪: ଆଗାମୀ ଦିନରେ ନିଆରା ପ୍ରତିବାଦ କରିବ କଂଗ୍ରେସ । ନାରୀ ନିର୍ଯାତନା ପ୍ରସଙ୍ଗରେ ଯଦି ସରକାର ଗୃହ କମିଟି ନକଲେ ଆଗାମୀ ଦିନରେ ଗାଁ ଗାଁ ବୁଲିବ କଂଗ୍ରେସ । ନାରୀ ସୁରକ୍ଷା ନେଇ ଗାଁ ଗାଁରେ ସନ୍ଧ୍ୟାରେ କ୍ୟାଣ୍ଡେଲ ରାଲି କରିବ କଂଗ୍ରେସ । ଏପ୍ରିଲ ୧୫ ରୁ ରାଜ୍ୟ ର ସମସ୍ତ ୩୧୪ ବ୍ଲକ ରେ ଶାନ୍ତି ଭାବରେ ମଶାଲ ରାଲି କରିବ ବୋଲି କଂଗ୍ରେସ ପିସିସି ସଭାପତି ଭକ୍ତ ଦାସ କହିଛନ୍ତି।
ପ୍ରତେକ ନେତା ସବୁ ଜିଲ୍ଲାରେ ଜଗିବେ । ୨୧ ତାରିଖରେ ଜିଲ୍ଲା ହେଡକ୍ବାର୍ଟରେ ହେବ କ୍ୟାଣ୍ଡେଲ ରାଲି । ପ୍ରତ୍ୟେକ ଜିଲ୍ଲାରେ କଂଗ୍ରେସ ସମ୍ମିଳନୀ, ପଦଯାତ୍ରା ବି କରିବ । ସମସ୍ତ ସମସ୍ୟା ଉପରେ ଆଲୋଚନା କରିବେ । ଜିଲ୍ଲା ଦାୟିତ୍ବରେ ଥିବା ନେତା ସକ୍ରିୟ ନେତାଙ୍କ ଉପରେ ରିପୋର୍ଟ ଦେବା ପରେ ଚୟନ ହେବ ଜିଲ୍ଲା ସଭାପତି ବୋଲି ପିସିସି ସଭାପତି ଭକ୍ତ ଦାସ କହିଛନ୍ତି।
କଂଗ୍ରେସ ବିଧାୟକଙ୍କୁ ଗୃହରେ ଦୁର୍ବ୍ୟବହାର କରିବା ସହ ନିଲମ୍ବନ କରିଥିଲେ । ଗୁରୁବାର ଆମର ବିଧାନସଭା ଯିଵା କଥା । ନିଲମ୍ବନ ଉଠିବା ପରେ ଆମେ ଗୁରୁବାର ବିଧାନସଭା ଯାଇଥାନ୍ତୁ । ହେଲେ ଯିବା ପୂର୍ବରୁ ଗୃହକୁ ଅନିର୍ଦ୍ଦିଷ୍ଟ କାଳ ପାଇଁ ମୁଲତବୀ କରିଛନ୍ତି ବାଚସ୍ପତି । ଆମକୁ ଗୃହ ଭିତରକୁ ଯିବାକୁ ଦେଲେନି ବୋଲି କଂଗ୍ରେସ ବିଧାୟକ ଦଳ ନେତା ରାମଚନ୍ଦ୍ର କାଡାମ କହିଛନ୍ତି।
ଗୁରୁବାର ସକାଳ ୭ ଟା ପର୍ଯ୍ୟନ୍ତ ବିଧାନସଭା ଚାଲିଲା । ଷଡଯନ୍ତ୍ର କରି ଆମକୁ ନିଲମ୍ବନ କରିଥିଲେ । ଅନ୍ୟପକ୍ଷରେ ବିଜେଡି ଉପରେ ବର୍ଷିଲେ ତାରା । ରାତିରେ ବିଲ୍ ପାସ୍ କରିବା ପାଇଁ ସମ୍ପୂର୍ଣ୍ଣ ସହଯୋଗ କଲେ । ମିଛରେ କହୁଛନ୍ତି ଆମେ ବିଜେପି ସହ ନାହୁଁ । ବୁଧବାର ବିଧାନସଭାରେ ବିଲ ପାସ୍ ବେଳେ ବିଜେଡି ସମର୍ଥନ ସ୍ପଷ୍ଟ କରିଛି । ବିଜେଡି -ବିଜେପି ଏକ ବୋଲି କହିଛନ୍ତି ତାରା ବାହିନୀପତି । ଏହି ସାମ୍ବାଦିକ ସମ୍ମିଳନୀରେ କଂଗ୍ରେସର ୮ ବିଧାୟକ ମଧ୍ୟ ଉପସ୍ଥିତ ଥିଲେ।
