ନୂଆଦିଲ୍ଲୀ,୦୪/ ୦୬: ବଢିଲା କରୋନା ଭୟ । ଦେଶରେ ଲମ୍ପଡ଼ିଆଁ ମାରିଛି ସଂକ୍ରମଣ । ୫ ହଜାର ମୁହାଁ ହୋଇଛି ପଜିଟିଭ । ଦେଶରେ ୨୪ ଘଣ୍ଟାରେ ୨୭୬ ନୂଆ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ୭ ଜଣଙ୍କର ମୃତ୍ୟୁ ହୋଇଛି । ଦେଶରେ ମୋଟ ସଂକ୍ରମିତ କେସ୍ ୪,୩୦୨ ରେ ପହଞ୍ଚିଛି । ପୁଣି ଲକଡାଉନ୍ ଫେରିବା ଆଶଙ୍କା ଉପୁଜିଛି ।
କରୋନାର ନୂଆ ଭାରିଏଣ୍ଟ କାୟାରେ ଦିନକୁ ଦିନ ସଂକ୍ରମଣ ବଢୁଛି । ଗତ ୨୪ ଘଣ୍ଟାରେ ଦେଶରେ ସକ୍ରିୟ ମାମଲା ୪,୩୦୨ରେ ପହଞ୍ଚିଛି । ଏହା ସହିତ ୭ ଜଣଙ୍କର ମୃତ୍ୟୁ ହୋଇଛି । ସ୍ୱାସ୍ଥ୍ୟ ମନ୍ତ୍ରଣାଳୟର ତଥ୍ୟ ଅନୁସାରେ ଏହି ସୂଚନା ମିଳିଛି । ସଂକ୍ରମଣ ବଢୁଥିବାରୁ ସ୍ୱାସ୍ଥ୍ୟ ଅଧିକାରୀଙ୍କୁ ଆଲର୍ଟ କରାଯାଇଛି । ଦିଲ୍ଲୀ ଉତ୍ତରପ୍ରଦେଶ ଏବଂ ପଶ୍ଚିବଙ୍ଗରେ ଦ୍ରୁତ ଗତିରେ ବଢୁଛି ସଂକ୍ରମଣ । ମୋଟ ସଂକ୍ରମିତଙ୍କ ମଧ୍ୟରୁ ୩୨୮୧ ସୁସ୍ଥ ହୋଇଛନ୍ତି ।
କେଉଁଠି କେତେ ଆକ୍ଟିଭ କେସ୍- ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ମନ୍ତ୍ରଣାଳୟ ଅନୁସାରେ ଗତ ୨୪ ଘଣ୍ଟାରେ ପଶ୍ଚିମବଙ୍ଗରେ ୬୦ ନୂଆ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ଉତ୍ତରପ୍ରଦେଶ ୬୩, ଦିଲ୍ଲୀରେ ୬୪ ସଂକ୍ରମିତ ହୋଇଛନ୍ତି । ସେହିପରି କେରଳରେ ୩୫ ନୂଆ ଆକ୍ଟିଭ କେସ୍ ଚିହ୍ନଟ ହୋଇଛି । ବର୍ତ୍ତମାନ କର୍ଣ୍ଣାଟକରେ ୩୨୪, କେରଳରେ ୧୩୭୪, ମହାରାଷ୍ଟ୍ରରେ ୫୧୦, ତାମିଲନାଡୁରେ ୨୧୬, ଉତ୍ତରପ୍ରଦେଶରେ ୨୦୧ ଏବଂ ପଶ୍ଚିମବଙ୍ଗରେ ୪୩୨ ଆକ୍ଟିଭ କେସ୍ ରହିଛି ।
ଅଧିକ ପଢନ୍ତୁ...କୋରାପୁଟ ମେଡିକାଲରେ ଅଭାବନୀୟ ଘଟଣା, ଭୁଲ୍ ଇଞ୍ଜେକ୍ସନ୍ ନେଲା ୬ ରୋଗୀଙ୍କ ଜୀବନ !
ଲ୍ୟାବ ପ୍ରସ୍ତୁତ ଅଛି, କରୋନା ଟେଷ୍ଟ ଚାଲିଛି- ସଂକ୍ରମଣ ବଢୁଥିବାରୁ ଲ୍ୟାବ ପ୍ରସ୍ତୁତ ରହିଛି । କରୋନା ଟେଷ୍ଟ ଚାଲିଛି । ଡାକ୍ତରଖାନାଗୁଡିକ ପ୍ରସ୍ତୁତ ରହିଛନ୍ତି । ସବୁ ରାଜ୍ୟ ସରକାର ସବୁ ପ୍ରସ୍ତୁତି ଉପରେ ନଜର ରଖିଛନ୍ତି । ଓମିକ୍ରନର ସବଭାରିଏଣ୍ଟ LF.7,XFG,JN.1 ଏବଂ NB.1.8.1 କାରଣରୁ ସଂକ୍ରମଣ ବଢୁଛି । ଯଦିଓ ନୂଆ ଭାରିଏଣ୍ଟ ମାରାତ୍ମକ ନୁହେଁ କିନ୍ତୁ ସ୍ୱାସ୍ଥ୍ୟ ମନ୍ତ୍ରଣାଳୟ ହସ୍ପିଟାଲଗୁଡିକୁ ସଜାଗ ରହିବାକୁ ନିର୍ଦ୍ଦେଶ ଦେଇଛନ୍ତି । ବିଶ୍ୱ ସ୍ୱାସ୍ଥ୍ୟ ସଂଗଠନ ଭାରିଏଣ୍ଟ ମାରାତ୍ମକ ନୁହେଁ ବୋଲି କହିଛି ।
