ନୂଆଦିଲ୍ଲୀ,୧୩/୦୬; ଭାରତୀୟ କ୍ରିକେଟର ଏବଂ ଟିମ୍ ଇଣ୍ଡିଆର ହିଟ୍ମ୍ୟାନ୍ ରୋହିତ ଶର୍ମା ଏକ ଷ୍ଟାର୍ଟଅପ୍ରେ ନିବେଶ କରିଛନ୍ତି। ଗୁରୁତ୍ୱପୂର୍ଣ୍ଣ କଥା ହେଉଛି, ସେ କମ୍ପାନୀର ବ୍ରାଣ୍ଡ ଆମ୍ବାସାଡରରୁ ନିବେଶକ ହୋଇଛନ୍ତି । FITTR, ଏକ ଫିଟନେସ୍ ଷ୍ଟାର୍ଟଅପ୍ । ରୋହିତ ଶର୍ମାଙ୍କ ଇକ୍ୱିଟି ପାର୍ଟନର ହେବା ବିଷୟରେ କମ୍ପାନୀ ସୂଚନା ସେୟାର କରିଛି । ସେ କେତେ ନିବେଶ କରିଛନ୍ତି ସେ ନେଇ କିଛି ତଥ୍ୟ ମିଳିନାହିଁ ।
ଏହି ଷ୍ଟାର୍ଟଅପ୍ କ’ଣ କରେ ? FITTR ହେଉଛି ଏକ ଫିଟନେସ୍ ଏବଂ ୱେଲନେସ୍ ପ୍ଲାଟଫର୍ମ। ଏହାର ସେବାରେ ଡିଜିଟାଲ୍ କୋଚିଂ, ମାର୍ଗଦର୍ଶନ, ସମ୍ପ୍ରଦାୟ ସମର୍ଥନ ଏବଂ ବ୍ୟକ୍ତିଗତ ତାମିଲ ଅନ୍ତର୍ଭୁକ୍ତ । କମ୍ପାନୀ ପୂର୍ବରୁ ରୋହିତ ଶର୍ମାଙ୍କୁ ଏହାର ବ୍ରାଣ୍ଡ ଆମ୍ବାସଡର ଭାବେ ଚୁକ୍ତି ସ୍ୱାକ୍ଷରିତ କରିଥିଲା । ଏବେ ଟିମ୍ ଇଣ୍ଡିଆର କ୍ରିକେଟର ରୋହିତ ଶର୍ମା ନିବେଶକ ଭାବରେ ଫିଟନେସ୍ ଷ୍ଟାର୍ଟଅପ୍ର ଲୋକପ୍ରିୟତାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିପାରେ ।
FITTR ର CEO କ’ଣ କହିଲେ ? PTI ରିପୋର୍ଟ ଅନୁଯାୟୀ, FITTR ଦ୍ୱାରା ଜାରି ଏକ ବିବୃତ୍ତିରେ କୁହାଯାଇଛି ଯେ, ରୋହିତ ଶର୍ମାଙ୍କ ବ୍ୟକ୍ତିଗତ ମୂଲ୍ୟବୋଧ ଏବଂ ଦୀର୍ଘକାଳୀନ ଦୃଷ୍ଟିକୋଣ କମ୍ପାନୀ ସହିତ ଗଭୀର ଭାବରେ ପ୍ରତିଫଳିତ ହୋଇଥିଲା, ଯାହା ତାଙ୍କୁ ବ୍ରାଣ୍ଡ ଆମ୍ବାସଡରରୁ ଜଣେ ନିବେଶକ ଏବଂ ଇକ୍ୱିଟି ପାର୍ଟନର ହେବା ପାଇଁ ପ୍ରେରଣା ଦେଇଛି । "ମୋ ଟିମ୍ ଏବଂ ମୁଁ ଆନନ୍ଦିତ ଯେ ରୋହିତଙ୍କ ସହ ଆମର ଆଲୋଚନା ଫଳରେ ସେ ଆମ ସହିତ ଜଣେ ନିବେଶକ ଭାବରେ ଯୋଗ ଦେଇଛନ୍ତି । ଷ୍ଟାର୍ଟଅପର ସିଇଓ ଜିତେନ୍ଦ୍ର ଚୌସରେ ଏହା କହିଛନ୍ତି ।
ଏହା ବି ପଢନ୍ତୁ...IND VS AFG ODI: ପ୍ଲେଇଂ ୧୧ରେ କୋହଲିଙ୍କ ସ୍ଥାନରେ ୩ ଦାବିଦାର, ଜଣେ ବୋଲରଙ୍କ ଡେବ୍ୟୁ ନିଶ୍ଚିତ !
ନିବେଶ ବିଷୟରେ, ରୋହିତ ଶର୍ମା କହିଛନ୍ତି ଯେ ସେ କମ୍ପାନୀର ବ୍ୟବସାୟ ମଡେଲ ଏବଂ ଭବିଷ୍ୟତର ସମ୍ଭାବନାକୁ ନିକଟରୁ ଅଧ୍ୟୟନ କରିଥିଲେ ଏବଂ ତା'ପରେ ଏହି ଫିଟନେସ୍ ଷ୍ଟାର୍ଟଅପରେ ନିବେଶ କରିବାରୁ ନିଷ୍ପତ୍ତି ନେଇଥିଲେ । ମୁଁ ଟିମ୍ ସହିତ ସମୟ ବିତାଇଲି, ବ୍ୟବସାୟକୁ ବୁଝିଲି ଏବଂ ଅଭିବୃଦ୍ଧିର ଦୃଷ୍ଟିକୋଣକୁ ନିକଟକୁ ଦେଖିଲି । କମ୍ପାନୀର ମୂଳଦୁଆ ଦୃଢ, ଏହାର ଉଦ୍ଦେଶ୍ୟ ସ୍ପଷ୍ଟ । ତେଣୁ ନିବେଶ ବଢାଇବା ନିଷ୍ପତ୍ତି ନେବା ମୋ ପାଇଁ ସହଜ ଥିଲା ବୋଲି କହିଛନ୍ତି ରୋହିତ ଶର୍ମା । ଏଫଆଇଟିଟିଆର ପୁଣେର ଏକ ଷ୍ଟାର୍ଟଅପ୍ । ଏହା ଆର୍ଥିକବର୍ଷ ୨୦୨୫ରେ ୧୨୮ କୋଟି ରାଜସ୍ୱ ଆୟ କରିଥିଲା । ପୂର୍ବ ୩ ବର୍ଷରେ କ୍ଷତି ସହିବା ପରେ କମ୍ପାନୀ ୨୦୨୫ରେ ୧୧ କୋଟି ଲାଭ କରିଥିଲା । କମ୍ପାନୀର ଅଧିକାଂଶ ରାଜସ୍ୱ ସବସ୍କ୍ରିପସନ ଆଧାରିକ ସେବାରୁ ଆସିଛି ।
