ନମୌଜା,୧୯|୮(ଆପ୍ର):କେନ୍ଦ୍ରାପଡ଼ା ଜିଲ୍ଲା ଆଳି ଥାନା ମାଣିକିପାଟଣା ପଞ୍ଚାୟତର ଜଣେ ବୃଦ୍ଧ ବ୍ରାହ୍ମଣୀ ନଦୀରେ  ଗାଧୋଇବା ବେଳେ କୁମ୍ଭୀର  ଟାଣି ନେଇଛି।  ବୃଦ୍ଧ ଜଣକ ହେଲେ ମାଣିକପାଟଣା ଗ୍ରାମର ପଞ୍ଚାନନ ଦାସ (୬୦) । 

ପଞ୍ଚାନନ ବ୍ରାହ୍ମଣୀ ନଦୀର ନଗଡ଼ ଘାଟ ନିକଟରେ ଏକ ପଠାକୁ ମଙ୍ଗଳବାର ଗାଈ ଚରାଇବାକୁ ଯାଇଥିଲେ । ଗାଈ ଚରାଇବା ସମୟରେ ସେ ଗାଧୋଇବାକୁ ଯାଇଥିଲେ l ନଦୀକୁ ଯାଇ ଦୀର୍ଘ ସମୟ  ଧରି ଫେରିନଥିଲେ । ଫଳରେ ତାଙ୍କ ସାଙ୍ଗରେ ଯାଇଥିବା ଲୋକ ଖୋଜାଖୋଜି କରି ନଦୀ ନିକଟକୁ ଆସିଥିଲେ । ନଦୀ ନିକଟକୁ ଆସି ପଞ୍ଚାନନଙ୍କ କପଡା ଥୁଆ ହୋଇଥିବା ଦେଖିବାକୁ ପାଇଥିଲେ । ଗ୍ରାମବାସୀ ନଦୀରେ ଖୋଜାଖୋଜି ଆରମ୍ଭ କରି ଅଗ୍ନିଶମ ବାହିନୀକୁ ଖବର ଦେଇଥିଲେ । ଅଗ୍ନିଶମ ବାହିନୀ ଘଟଣା ସ୍ଥଳରେ ପହଞ୍ଚି ବୋଟ ସାହାଯ୍ୟରେ ଖୋଜା ଖୋଜି କରୁଛି।