ପ୍ରମୂଖ ଖବର
  • IPL 2025 : ଆଜି ସୁପରକିଙ୍ଗ୍‌ସ-ରାଜସ୍ଥାନ ରୟାଲ୍ସ ମୁକାବିଲା
  • ||
  • ଯୁଦ୍ଧବିରତି ପାଇଁ ରାଜି ହେଲା ଋଷ; ପୁଟିନ ଓ ଟ୍ରମ୍ପଙ୍କ ମଧ୍ୟରେ ହେଲା ଫୋନରେ ବାର୍ତ୍ତାଳାପ
  • ||
  • ଆସନ୍ତା ୨୧ରୁ ୨୩ ଯାଏ ବଢ଼ିବ କାଳବୈଶାଖୀ, ଆଜି ୧୮ ଜିଲ୍ଲାକୁ ଆଲର୍ଟ ଜାରି: ଉପକୂଳ ଗରମ ଓ ଗୁଳୁଗୁଳି ଜାରି
  • ||

CSK ଖେଳାଳିଙ୍କ ଉପରେ ଦୁଃଖର ପାହାଡ଼, ଆଇପିଏଲ ଭିତରେ ବାପାଙ୍କୁ ହରାଇଲେ ଏହି ପ୍ଲେୟାର

Published By : Ankita S | April 22, 2025 11:03 AM

ନୂଆଦିଲ୍ଲୀ,୨୨/୦୪: ଚାମ୍ପିଅନ୍ ଚେନ୍ନାଇ ପାଇଁ ଏକ ଦୁଃଖଦ ଖବର ଆସିଛି । ଆଇପିଏଲରେ ନୈରାଶ୍ୟଜନକ ପ୍ରଦର୍ଶନ ଟେନ୍‌ସନ ଭିତରେ ଦଳର ଜଣେ ଖେଳାଳିଙ୍କ ଉପରେ ଦୁଃଖର ପାହାଡ଼ ଖସି ପଡିଛି । ସିଏସକେ ଓପନର ଡେଭନ କନୱେଙ୍କ ପିତାଙ୍କ ବିୟୋଗ ହୋଇଛି । ତେଣୁ ସେ ଟୁର୍ଣ୍ଣାମେଣ୍ଟରୁ ବାଦ ପଡିପାରନ୍ତି ।

ଆଇପିଏଲରେ ରବିବାର ୩୮ତମ ଲିଗ୍ ମ୍ୟାଚରେ ମୁମ୍ବାଇ ଇଣ୍ଡିଆନ୍ସ ବିପକ୍ଷରେ ଚେନ୍ନାଇ ସୁପରକିଙ୍ଗସ ତାର ଅଷ୍ଟମ ମ୍ୟାଚ ଖେଳିଥିଲା । ଏଥିରେ ଏମଏସଡିଙ୍କ ନେତୃତ୍ୱାଧୀନ ଚେନ୍ନାଇ ୯ ୱିକେଟରେ ପରାସ୍ତ ହୋଇଥିଲା । ଏହି ସମୟରେ ଦେଖିବାକୁ ମିଳିଥିଲା କି ଚେନ୍ନାଇ ପ୍ଲେୟାର ହାତରେ କଳାପଟି ପିନ୍ଧି ଖେଳୁଥିଲେ । ଏମିତି ସେବେ ହୋଇଥାଏ ଯେବେ କାହାକୁ ଶ୍ରଦ୍ଧାଞ୍ଜଳି ଦିଆଯାଇଥାଏ । ମ୍ୟାଚ ଶେଷ ହେବା ପରେ ଜଣାପଡିଥିଲା କି ସିଏସକେର ଓପନର ଡେଭନ କନୱେଙ୍କ ପିତାଙ୍କ ଦେହାନ୍ତ ହୋଇଛି ।

ନ୍ୟୁଜିଲାଣ୍ଡର ଡେଭନ କନୱେ ମୁମ୍ବାଇ ଇଣ୍ଡିଆନ୍ସ ବିପକ୍ଷ ମ୍ୟାଚ ଖେଳି ନଥିଲେ । ତାଙ୍କ ବାପାଙ୍କ ସ୍ୱାସ୍ଥ୍ୟବସ୍ଥା ଖରାପ ଥିବାରୁ ସେ ତାଙ୍କ ଘରକୁ ଫେରିଥିଲେ । ଡେଭନଙ୍କ ପିତାଙ୍କ ଦେହାନ୍ତ ହୋଇଥିବା ନେଇ ଚେନ୍ନାଇ ସୁପରକିଙ୍ଗସ୍‌ ସୋସିଆଲ ମିଡିଆ ପୋଷ୍ଟରେ ଜଣାଇଛି । ଏହି କଠିନ ସମୟରେ ଆମେ ତାଙ୍କ ପରିବାର ସହିତ ଅଛୁ ବୋଲି କହିଥିଲା ଚେନ୍ନାଇ ।

ଅଧିକ ପଢନ୍ତୁ...ହାତରୁ ଗଲା ୬ ମ୍ୟାଚ, ଏବେ କେମିିତି ଖେଳିବ ପ୍ଲେଅଫ୍ ? ଜାଣନ୍ତୁ ସମୀକରଣ

ଚେନ୍ନାଇ ସୁପରକିଙ୍ଗସ୍ ଚଳିତ ସିଜନରେ ମୁମ୍ବାଇ ବିପକ୍ଷରେ ଅଭିଯାନ ଆରମ୍ଭ କରିଥିଲା । ପ୍ରଥମ ମ୍ୟାଚ ଜିତିଥିଲା ।  ଦଳ ୮ଟି ମ୍ୟାଚ ଖେଳି ମାତ୍ର ୨ଟି ଜିତିଛି । ଦଳର ଅଧିନାୟକ ଋତୁରାଜ ଗାଏକ୍ୱାଡ ଆହତ ପାଇଁ ବାଦ ପଡିବାରୁ ମହେନ୍ଦ୍ର ସିଂହ ଧୋନୀ ଦଳର ନେତୃତ୍ୱ ନେଇଥିଲେ । ଡେଭନ କନୱେ ୩ଟି ମ୍ୟାଚ ଖେଳି ୯୪ରନ କରିଛନ୍ତି । ପଞ୍ଜାବ ବିପକ୍ଷରେ ୬୯ରନ ଇନିଂସ ଖେଳିଥିଲେ ।

Prameya Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.