ଚେନ୍ନାଇ,୨୮/୧୧: ବଙ୍ଗୋପସାଗରରୁ ସୃଷ୍ଟ ବାତ୍ୟା ‘ଫେଙ୍ଗଲ’ ଅବପାତରେ ପରିବର୍ତ୍ତନ ହୋଇଛି । ଆଗାମୀ ଦୁଇଦିନ ମଧ୍ୟରେ ଏହା ତାମିଲନାଡୁରେ ମାଡ଼ ହୋଇପାରେ ।
ପାଣିପାଗ ବିଭାଗ ମୁତାବକ, ଫେଙ୍ଗଲ ସ୍ଥଳଭାଗ ଛୁଇଁଲେ ଜୋରରେ ପବନ ବହିବ । ଏହାର ଘଣ୍ଟା ପ୍ରତି ବେଗ ୭୫-୮୦ କିଲୋମିଟର ରହିବ । ଚେନ୍ନାଇ, ଚେଙ୍ଗଲପେଟ, କାଞ୍ଚିପୁରମ, ତିରୁବଲ୍ଲୁର, କୁଡାଲୋର, ନାଗାପଟ୍ଟିନମରେ ଏହା ଯୋଗୁ ବର୍ଷା ଲାଗି ରହିଛି । ଏହି ୬ଟି ଜିଲ୍ଲାରେ ସ୍କୁଲ ଓ କଲେଜ ବନ୍ଦ କରାଯାଇଛି । ବାତ୍ୟାକୁ ନେଇ ତାମିଲନାଡୁ ମୁଖ୍ୟମନ୍ତ୍ରୀ ଏମ୍ କେ ଷ୍ଟାଲିନ୍ ଉଚ୍ଚସ୍ତରୀୟ ବୈଠକ କରିଛନ୍ତି । ଏନ୍ଡିଆର୍ଏଫ୍ର ୭ଟି ଟିମ୍କୁ ତିରୁବଲ୍ଲୁର, ମୟିଲାଦୁଥୁରଈ, ନାଗାପଟ୍ଟିନମ୍ ଓ କୁଡାଲୋରରେ ମୁତୟନ କରାଯାଇଛି ।
