କୋଲକାତା,୦୧/୦୪ : ସିଲିଣ୍ଡର ବିସ୍ଫୋରଣ ନେଲା ଜୀବନ । ଛାରଖାର ହୋଇଗଲା ଘର । ଜଳିଗଲା ସ୍ବପ୍ନ । ପଶ୍ଚିମବଙ୍ଗ ଦକ୍ଷିଣ ୨୪ ପ୍ରଗଣା ପଥରପ୍ରତିମା ଗାଁରେ ଭୟଙ୍କର ବାଣ ବିସ୍ଫୋରଣ ହୋଇଛି । ଯେଉଁଥିରେ ୮ ଜଣଙ୍କର ମୃତ୍ୟୁ ହୋଇଛି । ମୃତକଙ୍କ ମଧ୍ୟରେ ୩ ଜଣ ମହିଳାଙ୍କ ସମେତ ୪ ଶିଶୁ ରହିଛନ୍ତି । ସୋମବାର ବିଳମ୍ବିତ ରାତିରେ ଏହି ବିସ୍ଫୋରଣ ହୋଇଛି । ଘଟଣାସ୍ଥଳରେ ପୋଲିସ ପହଞ୍ଚି ସ୍ଥିତି ଅନୁଧ୍ୟାନ କରିଛି ।

ପୋଲିସ ଅଧିକାରୀ କୋଟେଶ୍ବର ରାଓଙ୍କ ସୂଚନା ଅନୁଯାୟୀ, ପଶ୍ଚିମବଙ୍ଗ ଦକ୍ଷିଣ ୨୪ ପ୍ରଗଣା ଢୋଲହାଟ ପଥରପ୍ରତିମା ଗାଁରେ ସୋମବାର ବିଳମ୍ବିତ ରାତିରେ ବାଣ ବିସ୍ଫୋରଣ ହୋଇଛି । ଦୁର୍ଘଟଣାରେ ୮ ଜଣଙ୍କର ମୃତ୍ୟୁ ହୋଇଛି । ଯେଉଁଥିରେ ୪ ଶିଶୁ ରହିଛନ୍ତି । ସମସ୍ତ ମୃତଦେହ ଉଦ୍ଧାର ହୋଇଛି । ବିସ୍ଫୋରଣରେ ଆହତ ଜଣେ ମହିଳାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି ।

#WATCH | South 24 Parganas, West Bengal: An alleged explosion was reported in Pathar Pratima village of Dholahat last night.

(Morning visuals from the spot) pic.twitter.com/Sb68eEWCNW

— ANI (@ANI) April 1, 2025

ଘରେ ଦୁଇଟି ଗ୍ୟାସ ସିଲିଣ୍ଡର ଥିଲା । ଘରେ ଗଚ୍ଛିତ ଥିବା ବାଣ ଜଳିବା ପରେ ବିସ୍ଫୋରଣ ଘଟିଥିଲା । ସିଲିଣ୍ଡରରେ ନିଆଁ ଲାଗି ବିସ୍ଫୋରଣ ହୋଇଥିଲା । ଦୁର୍ଘଟଣା ଏତେ ଭୟଙ୍କର ଥିଲା ଯେ ସବୁ କିଛି ଛାରଖାର ହୋଇଛି । ସ୍ଥାନୀୟ ଅଞ୍ଚଳ ଧୂଆଁମୟ ହୋଇଛି । ଦୁର୍ଘଟଣାରେ ସ୍ତବ୍ଧ ହୋଇଛି ପଥରପ୍ରତିମା ଗାଁ ।