ଭୁବନେଶ୍ୱର,୦୮/୦୨: ସାର୍ତ୍ତାଗୁଡ଼ା ପଞ୍ଚମୁଖୀ ହନୁମାନ ମନ୍ଦିର ନିକଟସ୍ଥ ପାହାଡ଼ରୁ ନିଖୋଜ ବ୍ୟବସାୟୀଙ୍କ ଗଳିତ ମୃତଦେହ ଠାବ ହୋଇଛି । ହତ୍ୟା ଅଭିଯୋଗ ଆଣିଲେ ମୃତକଙ୍କ ପୁଅ । ମୃତକ ଫୁଲବାଣୀ ଦଧିବାମନ ସାହିର କବାଡ଼ିଆ ବ୍ୟବସାୟୀ ସୁଦର୍ଶନ ସାହୁ ବୋଲି ଜଣାପଡ଼ିଛି । ଫୁଲବାଣୀ ସଦର ଥାନା ଅନ୍ତର୍ଗତ ସାର୍ତ୍ତାଗୁଡ଼ା ହନୁମାନ ମନ୍ଦିର ନିକଟରେ ଏଭଳି ଘଟଣା ଘଟିଛି ।
କୋରାପୁଟ ଜିଲ୍ଲାପାଳଙ୍କ ଅଚାନକ କୋଟିଆ ଗସ୍ତ, ଏସ୍ ଏସ୍ ଡି ହାଇସ୍କୁଲ ପିଲାଙ୍କ ସହ କରିଲେ ଆଲୋଚନା
ସୂଚନା ମୁତାବକ, ଫେବୃୟାରୀ ୧ ତାରିଖରେ ବ୍ୟବସାୟ କରିବାକୁ ଯାଇ ଆଉ ଘରକୁ ଫେରିନଥିଲେ ସୁଦର୍ଶନ । ଘରକୁ ନଫେରିବାରୁ ବହୁ ଖୋଜାଖୋଜି କରିଥିଲେ ପରିବାର ଲୋକେ । ହେଲେ ତାଙ୍କର କୌଣସି ପତ୍ତା ମିଳି ନଥିଲା । ସୁଦର୍ଶନଙ୍କ କୌଣସି ସନ୍ଧାନ ନପାଇ ଫେବୃୟାରୀ ୬ ତାରିଖରେ ଟାଉନ୍ ଥାନାରେ ପରିବାର ଲୋକେ ଏତଲା ଦେଇଥିଲେ । ପରେ ଶୁକ୍ରବାର ଏକ ଭୋଜି କାର୍ଯ୍ୟରେ ଯାଇଥିଲେ । ସାର୍ତ୍ତାଗୁଡ଼ା ପଞ୍ଚମୁଖୀ ହନୁମାନ ମନ୍ଦିର ନିକଟରେ ସୁଦର୍ଶନଙ୍କ ଲୁନା ପଡ଼ିଥିବା ଦେଖିଥିଲେ ପରିବାର ଲୋକେ । ଏହା ଦେଖି ଆଖପାଖ ଅଞ୍ଚଳରେ ଖୋଜାଖୋଜି ଜାରି ରଖିଥିଲେ ପରିବାର ଏବଂ ସମ୍ପର୍କୀୟ ଲୋକେ । ଏହା ସହ ପୋଲିସକୁ ମଧ୍ୟ ଖବର ଦେଇଥିଲେ । ଖବର ପାଇ ଘଟଣା ସ୍ଥଳରେ ସଦର ଥାନା ପୋଲିସ ପହଞ୍ଚି ସୁଦର୍ଶନଙ୍କ ଗଳିତ ମୃତଦେହ ଉଦ୍ଧାର କରିଛି । ମୃତଦେହକୁ ବ୍ୟବଚ୍ଛେଦ ପାଇଁ ପଠାଇ ଘଟଣାର ତଦନ୍ତ ଚଳାଇଛି ପୋଲିସ । ଅନ୍ୟପଟେ ସୁଦର୍ଶନଙ୍କ ହାତ ଓ ଗୋଡ଼ କଟାଯାଇଥିବା ଦେଖି ତାଙ୍କୁ କେହି ହତ୍ୟା କରିଛନ୍ତି ବୋଲି କହିଛନ୍ତି ମୃତକଙ୍କ ପୁଅ ।
